獨立音樂人請注意 / 點爭取多啲曝光機會？
是金子總會發光！獨立音樂人點爭取曝光機會？
5種方法！教你係香港有咩資源同策略推廣原創音樂
前言
作為香港音樂家或者獨立音樂人，推廣原創音樂絕對係一項挑戰。今次我地參考咗 Recoroad 嘅文章，喺呢篇文入面，我地會探討係香港推廣原創音樂嘅五種方法！
1. Ear Up Incubation 搶耳音樂廠牌計劃
搶耳音樂Ear Up Music係一個支持香港本地音樂家嘅非營利組織。他們嘅孵化計劃為新興藝術家提供指導、表演機會同埋空間。如果你係獨立音樂人或有天份嘅新手音樂家，Ear Up Music嘅搶耳音樂廠牌計劃可能係令你嘅音樂出現係行業專業人士同潛在粉絲面前嘅好方法。
要申請搶耳音樂廠牌計劃需要提交你嘅原創音樂。一旦被錄取，你將會同導師一齊工作，他會幫助你發展音樂同埋傳授一啲行內嘅表演技巧俾你。之前嘅孵化計劃參與者而家都係主要嘅音樂節上表演同埋發行成功嘅專輯，所以識得作曲嘅，你一定唔可以錯過啊！
搶耳音樂廠牌計劃會為被選中嘅參加者提供大量資源，對於資金緊拙嘅獨立音樂人黎講係一個非常好嘅機會！
２. Bandcamp
Bandcamp係一個流行嘅線上平台，為音樂家分享同銷售他們嘅音樂。免費註冊帳戶之後，你可以為你嘅樂隊或者個人項目創建一個頁面，然後上傳你嘅音樂、銷售商品，甚至同粉絲聯繫。Bandcamp仲提供咗係社交媒體同其他網站上推廣你音樂嘅工具。
Bandcamp嘅優勢之一係它有一個內置嘅音樂愛好者社區，社員會積極尋找創新又有趣嘅音樂黎聽。透過係Bandcamp上面提供你嘅音樂，可以接觸到更廣泛嘅聽眾，仲有可能獲得新的粉絲添！
音樂愛好者可以喺 Bandcamp 呢個平台上面互相交流呢個平台上面互相交流。
3. Every Life is a Song 一個人一首歌
Every Life is a Song一個人一首歌係香港藝術中心製作嘅音樂劇集。參加呢個 program 嘅音樂家會組隊創作由香港居民生活故事啟發嘅歌曲，由星級導師俾意見，作品最後會錄製成專輯，仲有機會喺香港藝術中心現場表演添！呢個活動除咗可以令你係音樂上面嘅造詣提升，仲可以識到一班志同道合嘅好朋友，甚至係老師。你只需要提交受香港居民生活故事啟發嘅原創歌曲試聽帶，就有機會俾簡中。呢個絕對係獲得曝光率同吸粉嘅好機會。所以如果你係詞曲作者，呢個系列絕對係一個好好嘅機會令你嘅音樂被聽到，同埋識多啲唔同類型嘅音樂人！
小編都有朋友參加過呢個 program，的確係可以認識到好多志同道合嘅好朋友，專業導師嘅指導都會令參加者嘅音樂造詣大大提升！
4. 社交媒體
而家大家都主要係用網絡平台聽音樂，所以YouTube、Instagram同Facebook等社交媒體平台就係推廣音樂嘅強大工具。通過建立強大嘅社交媒體影響力，你可以同粉絲互動、分享你嘅音樂再建立追隨者。
要充分利用社交媒體，保持始終如一而且吸引人嘅形象非常重要，例如定期發佈更新、同粉絲互動仲有分享你音樂製作過程嘅幕後花絮。你還可以用社交媒體宣傳你嘅表演、發佈新音樂和銷售商品。
玩 social media 最重要嘅就係勤力啲， keep住更新先有機會係網絡大海入面突圍而出！
5. 音樂比賽
無論係 for 樂手定歌手，香港都有各種大大小小嘅音樂比賽，玩比賽除咗可以整靚你嘅 CV 令你獲得專業認可之外，都係一個推廣音樂嘅好方法。不過參加比賽嘅時候，記得睇清楚比賽規則同指南，確保你嘅音樂符合要求，亦都要準備好同評委觀眾互動。
總言之，係香港推廣原創音樂雖然好有挑戰性，但其實都係有唔同嘅資源同策略。希望大家可以好好利用孵化計劃、線上平台、現場表演機會、社交媒體同音樂比賽等等嘅途徑，增加成功嘅機會同吸納新粉絲喇！
Busking新手必睇 ep.4 / 原來出黎 busking 調整心態都好重要
Busking 新手必睇！原來出黎 busking 調整心態都好重要
點樣應付突發情況？有觀眾行過黎當面批評點算好？
前言
之前同大家講過 busking 要準備嘅裝備，但係其實表演者係心理上嘅預備都好重要。嚟到呢一個Busking注意事項嘅下集，翠兒就同大家分享下一啲我去Busking嘅心得喇。
1. 搵有經驗嘅 busker 睇住
記得我第一次出去 busking 係喺中學嘅時候，當時同一班有夾開嘅 band mates 喺楊屋道街市對出 busking。因為當時有好多個 vocal，所以其實我都只係唱得幾首。當中有個朋友係Busking 經驗特別豐富嘅，我自己唱嘅歌都練習過好多次，所有嘢都好 well prepared，所以都唔係特別緊張。大家記得，如果想表演穩陣啲，第一次出去 busking 都係同一啲比較有經驗嘅人一齊玩會比較好。地點方面亦都可以選擇荃灣、觀塘或者屯門呢啲地方攞啲經驗先，因為旺角同尖沙咀，如果係週末會比較多人。
累積多啲 busking 經驗對真正上台表演好有幫助㗎！
2. 記住 busking 都係表演黎㗎！
第二，我知道對一啲唔係太多 busking 經驗嘅人來講，啱啱開始Busking 會好緊張，我啱啱開始Busking嘅時候都會緊張。但作為表演黎講，busking 都算輕鬆，因為你可以想唱咩就唱咩，亦都可以隨着心情同樂手一齊做一啲improvisation或者ad lib。所以踏出咗第一步之後，其實並沒有你想像中禁恐怖。街道上人來人往，只要你準備充足，正常發揮，其實唔係太多人會留意你做緊咩，都唔使太緊張。如果你已經有Busking經驗，就要記住，其實一個成功嘅 busking 表演係可以吸引到好多觀眾駐足觀看。以我嘅經驗來講，靜靜地唱自己嘅歌同埋勇敢同觀眾互動嘅Busker 圍觀人數真係可以差得好遠。所以要記住 busking 都係表演，街道係舞台，都要表演嘅態度呀！
每一場表演都100%投入，觀眾一定會感受到你嘅 passion～
3. Keep 住謙虛嘅態度
第三，你要準備好一個open to 任何意見嘅心態。我自己 busking 就冇遇過一啲行埋黎批評我表演嘅人，多數行得過嚟傾偈，都係欣賞你嘅觀眾。但係喺街頭，咩事都有機會發生，所以記得時刻保持一個謙虛嘅態度，虛心接納任何意見，令每次表現都做得比上一次更好。
好多時觀眾嘅意見可以話到俾你知你忽略咗嘅嘢，謙虛接納同努力改進，就可以一次比一次做得更好！
一班人準備咁多，一齊出去 busking 都係為咗開心，所以以上講咁多關於心態上面嘅預備，其實最重要都係enjoy the stage。喺Busking 嘅時候攞多啲經驗，鍛練吓膽量，到時真係踏上一個舞台，就會係一個全新嘅自己！如果大家對 busking 嘅硬件上面有啲咩唔清楚嘅地方，歡迎大家睇返busking 注意事項裝備篇。我哋下次再見～～
香樂音樂表演場地大檢閱 / 6個場地一定有一個適合你！
香樂音樂表演場地大檢閱
6個場地一定有一個適合你！
從古典音樂到搖滾樂
開啟一趟屬於你嘅本地音樂文化之旅喇~
前言
香港係一個富有音樂文化嘅城市，擁有好多音樂表演場地，包括藝穗會、Grappa’s Cellar、Aftermath Bar、Lost Stars Livehouse Bar & Eatery、MoM Livehouse同KITEC Music Zone等。這些場地各具特色，提供咗不同風格嘅音樂同文化體驗，今次我地參考咗Recoroad 網站上嘅介紹，同大家分享幾個好好嘅表演場地，等大家可以盡情享受音樂同舞台表演嘅樂趣~
1. 藝穗會
藝穗會係香港著名嘅藝術中心，亦係一個非常受歡迎嘅音樂表演場地。這裡經常舉辦各種音樂會同演出，以古典音樂為主，但亦包括唔同風格嘅音樂。藝穗會係一個充滿藝術氣息嘅地方。雖然呢度嘅舞台比較細，但足夠容納一個小型樂隊演出。
除此之外，藝穗會嘅音響同燈光設備都非常出色，能夠真實地呈現音樂嘅細節同情感。燈光設計方面，佢哋都非常專業，可以透過唔同嘅燈光營造出不同氛圍，令觀眾沉浸係音樂中。藝穗會仲提供豐富嘅藝術同文化節目，令觀眾可以係呢度享受到更多嘅文化體驗。
地址：中環下亞厘畢道二號藝穗會
其實有時場地比較細，同觀眾距離近啲都幾好~
2. Grappa's Cellar
Grappa’s Cellar係一個非常受歡迎嘅餐廳同音樂表演場地，位於銅鑼灣利園。這裡嘅餐飲設計非常時尚，食品種類豐富多樣，能夠滿足不同口味嘅觀眾需求，為觀眾提供一個舒適嘅用餐環境。同時，Grappa’s Cellar 仲經常舉辦各種音樂演出和活動，比較多係爵士樂同藍調音樂。這裡嘅音樂表演非常精彩，能夠令觀眾盡情享受音樂同舞台表演。
地址：銅鑼灣恩平道28號利園二期LG樓LG08號舖
Grappa’s Cellar經常邀請本地音樂人演出，係一個非常有特色嘅音樂場地。
3. Aftermath Bar
如果你玩開或者聽開搖滾音樂，Aftermath Bar對你來講就適合不過。佢係一個以搖滾音樂為主嘅音樂表演場地，位於中環雲咸街。這裡嘅氛圍非常獨特，充滿著搖滾文化嘅氣息。Aftermath Bar經常舉辦各種搖滾音樂演出和活動，包括搖滾樂隊表演、DJ音樂派對等。這裡嘅音樂表演非常震撼，能夠讓觀眾暫時忘記一切煩惱，沉浸係搖滾音樂嘅世界入面。
地址：中環雲咸街57-59號低層地下
Aftermath Bar嘅環境非常舒適，觀眾可以享受唔同嘅飲品和小吃。這裡的飲品種類豐富，包括各種啤酒、調酒和葡萄酒等。
4. Lost Stars Livehouse Bar & Eatery
Lost Stars Livehouse Bar & Eatery係一個位於大角嘴嘅音樂表演場地同餐飲場所。呢度嘅氛圍非常舒服，設計簡約，感覺上好modern。Lost Stars Livehouse Bar & Eatery經常舉辦各種音樂活動同演出，包括流行、爵士、藍調等不同風格嘅音樂。這裡嘅音樂表演非常出色，可以比觀眾享受到最佳嘅音樂同舞台表演。
地址：大角咀利得街11號利奥坊一期地下506號舖
觀眾亦可以係度品嚐到美味嘅食品和飲品。這裡嘅菜品種類豐富，包括中西式料理同各種特色小吃。
5. MoM Livehouse
MoM Livehouse是一個位於北角嘅音樂表演場地，能夠容納超過百名觀眾，有好多獨立樂隊表演都會揀呢個場地，所以每次嘅音樂演出同活動風格都好唔同，包括搖滾、流行、爵士、藍調等唔同音樂類型，甚至音樂比賽都會有。
地址：北角英皇道117-121號七海商業中心B39號舖
靜雞雞話你知，我都有去過 MoM Livehouse 比賽呢！
6. KITEC Music Zone
KITEC Music Zone係一個位於九龍灣國際展貿中心嘅音樂表演場地，能夠容納超過千名觀眾。這裡嘅音響同燈光設備非常出色。KITEC Music Zone經常舉辦各種音樂活動同演出。呢度嘅音樂表演同演出非常震撼，能夠讓觀眾沉浸係音樂世界。
地址：九龍灣國際展貿中心地下
對於 KITEC Music Zone 大家應該就唔陌生了，有唔少明星嘅個人音樂會都係呢度舉行。
總括而言，香港有好多不同風格嘅音樂表演場地，每個場地都有佢嘅特色和文化體驗。從藝穗會嘅古典音樂到Grappa’s Cellar嘅爵士樂同Aftermath Bar嘅搖滾音樂，再到Lost Stars Livehouse Bar & Eatery、MoM Livehouse和 KITEC Music Zone嘅多元化音樂表演，香港嘅音樂文化總能夠滿足不同人群對音樂嘅需求同喜好。如果大家想安排一場表演，選擇場地嘅時候不妨留意多啲唔同嘅地方，睇下邊一個地方嘅音樂文化同氛圍最適合自己樂隊。如果你係觀眾，以上呢啲音樂表演場地都係值得探索嘅地方！喜歡音樂同舞台表演，不妨從表演場地入手，選擇適合自己嘅地方渡過一個俾音樂包圍嘅週末喇！
Busking 新手必睇 ep. 3 / 點先可以令自己嘅表演更加吸引？
Busking 新手必睇 ep. 3
點先可以令自己嘅表演更加吸引？
10個方法
令新手都可以係舞台上閃閃發光！
前言
結他手每日辛苦練習都係想有人聽到啫！但係除咗彈得好之外，點至可以令演出更加吸引人，令觀眾留下深刻印象呢？我地參考咗 Recoroad 網站講解嘅幾個技巧，無論係 Busking 定正式嘅舞台演出，大家都可以係唔同面向出發，令演出變得更加吸睛~
1. 選擇獨特曲目
選擇獨特曲目係令演出者脫穎而出嘅重要一步。例如，很多人都演奏Dear Jane 近日嘅大熱歌曲《到底發生過什麼事》。隨便係旺角街頭，每過兩三個街口基本上都可以聽到busker 演唱相同歌曲。無錯，表演熱門歌曲可以投其所好，觀眾想停底聽你唱歌嘅機會會大啲。但俗話話無比較就無傷害，如果歌單同其他人太過相似，觀眾可能會將你同其他人作不必要嘅比較，甚至覺得你欠缺特點。相反，如果我們選擇比較小眾嘅曲目，同其他人唔一樣嘅音樂風格、歌曲選擇或者可以吸引到不同口味嘅觀眾。
大家不妨喺busking嘅時候試多啲唔同風格嘅歌，睇下觀眾嘅反應再調整歌單～
2. 展現獨特風格
表演者可以透過展現自己嘅獨特風格，令觀眾更加容易記住你。例如，林家謙獨特嘅嗓音同轉音技巧，令他嘅唱腔有好高嘅辨識度。當然，未必所有聽眾都會中意你嘅風格，但是我地永遠無辦法追求所有人嘅認同，只要自己中意同埋搵到知音人就夠了。
搵到自己獨特嘅風格，先可以成為一個獨一無二嘅表演者！
3. 創造互動機會
對一場成功嘅表演黎講，表演者同觀眾嘅互動係好重要咖！表演者可以透過同觀眾嘅互動，例如邀請觀眾參與演出、一齊拍掌、跳舞、進行互動遊戲等，增加表演嘅趣味性同參與度。Queen的主唱Freddie Mercury 就係以同觀眾嘅精彩互動聞名，佢甚至經常被喻為最為有影響力嘅樂隊主唱。
另外，同觀眾建立聯繫亦係同觀眾互動嘅重要一環。演出者可以透過與觀眾交談、眼神同微笑等方式建立聯繫。例如，係演出前或者係演出嘅時候同觀眾傾計、分享音樂相關嘅故事等，亦都係建立聯繫嘅好方法。
同觀眾建立聯繫，可以令佢哋成為長期支持你嘅粉絲！
4. 利用歌詞
歌詞係歌曲嘅靈魂，表演者可以透過表達歌詞嘅情感同意境，去構思係舞台上 speech 嘅內容，禁樣可以令觀眾更加容易記住你嘅說話同埋音樂,亦可以令觀眾更加容易同表演者產生共鳴。
歌曲其實就係表達感情嘅媒介，所以好多人鍾意首歌都係因為鍾意佢嘅歌詞㗎！
5. 設計獨特服裝
表演者亦可以透過經常著某一類型嘅服裝，甚至為個人或者樂隊設計獨特嘅服裝，令自己 band 嘅形象更加突出，從而令觀眾更加容易記住自己。例如Prince經常穿著與其代表作《Purple Rain》呼應的紫色長外套，成為了他嘅代表性服裝。
好多時穿搭都係大家俾人嘅第一印象，所以一定要做得好㗎～
總之，透過以上技巧，表演者可以令演出更加生動有趣之餘，同時讓觀眾留下深刻印象。大家不妨睇下一場表演就實踐以上嘅內容喇！
內容參考Recoroad 網站
Busking 新手必睇 ep. 2 / 為一場 live show 建立歌單的方法
Busking 新手必睇 ep. 2為一場 live show 建立歌單的方法
4 個重點
令觀眾更加投入你嘅演出
前言
除咗 Busking 外，幻想下你同你嘅 band mates 終於有第一場屬於自己嘅 live show，係咪想想就很興奮呢？但係其實一場成功嘅 lIve show 都有好多學問~ 除咗表演嘅質量要好，製作一份好嘅歌單都同樣重要。好的歌單可以令你嘅演出更加流暢、有吸引力；同時亦都可以 build up 到觀眾嘅情緒，令佢地更加投入。咁究竟點先為之一份好嘅歌單呢？ Recoroad 嘅網站上面都有提過以下幾點，非常有參考性，我哋一齊嚟睇吓啦～
1. 確定演出主題和風格
喺諗歌單之前，首先你要確定咗成個 live show 嘅主題同埋風格先，揀咗適合嘅歌之後再將它們組織成一個有邏輯的順序。例如，如果你嘅演出主題係情人節，禁你就需要揀一啲浪漫嘅歌，再將它們安排係一個適當嘅順序。你可以按照歌曲嘅風格、情感同節奏等特點黎組織歌曲。由慢歌到快歌，又或者唱完幾首慢歌之後，中間加插幾首快歌去刺激觀眾嘅情緒，最後再玩多幾首比較耳熟能詳嘅熱門歌曲。不過都要記住你仲要考慮歌曲之間嘅過渡同連接，去 make sure 演出嘅流暢性同連貫性。
累積多啲 busking 經驗對真正上台表演好有幫助㗎！
2. 考慮觀眾嘅喜好
始終表演者都係 entertainer ，搞一個 show 都想觀眾睇得開心。除咗自己鍾意嘅歌，都要揀一啲熱門嘅、特別受歡迎嘅歌嚟吸引觀眾嘅注意。了解你觀眾嘅年齡、性別、文化背景同音樂偏好等信息，有助於你選擇適合觀眾嘅歌曲，同埋將它們組織成一個有吸引力的歌單。
每一場表演都100%投入，觀眾一定會感受到你嘅 passion～
3. 考慮演出時間
係為 live show 製作歌單嘅時候，你仲需要考慮演出時間。確保歌單中嘅歌曲數量同演出時間係相匹配嘅。如果你嘅演出時間好短，禁你就需要揀一啲時長較短又能快速帶動氣氛嘅歌曲。如果你嘅演出時間較長，那麼你就需要選擇更多歌曲，將它們組織成一個有主題、訊息嘅順序。千祈唔好唔記得歌與歌之間要留返左啲時間去俾歌手講嘢，咁樣先可以增強表演者同觀眾之間嘅互動性。練習嘅時候都可以跟返成個run down 去練習，去睇吓到底係咪真係夠時間演出晒所有歌。
好多時觀眾嘅意見可以話到俾你知你忽略咗嘅嘢，謙虛接納同努力改進，就可以一次比一次做得更好！
4. 調整歌單
如果係練習演出過程中發現歌單有問題，禁就需要及時調整歌單。你可以更換歌曲，重新組織歌曲順序，或者調整歌曲之間歌手講嘢嘅過渡同連接。
以上係一場 live show 創建歌單嘅方法同技巧。製作好歌單後，就要多次反覆練習，根據練習過程調整歌單，先至可以有一個成功嘅演出。
Busking 新手必睇 ep. 1 / 裝備清單大檢閱
Busking 新手請留意！裝備清單大檢閱
買邊個牌子嘅 amp/ mic 最好呢？表演嘅時候又有啲咩要注意嘅地方？
前言
隨住近年香港選秀節目興起，越黎越多人都拎起結他，走到街頭上表演。到底 busking 要準備啲咩？作為 busking 新手嘅你就要睇以下呢篇文喇！
首先，對Busking 新手黎講，最緊要梗係帶啲咩裝備喇！所以我地已經準備咗一個list比大家參考了！以下係一隊vocal+結他手 2人嘅busking crew要準備嘅器材。
Busking 裝備list：
Alkaline batteries、Guitar、Guitar stand、Cable Mic、Mic stand、Mic cable、Busking Amplifier、Jack cable、Music stand 、Ig 牌、歌詞
禁我就推介其中幾樣主要器材嘅牌子俾大家啦！
Amp
講到買 amp，最緊要就係留意input 數量，make sure 係足夠連接你 busking 時會用到嘅唔同設備，一般 amp 都會有兩個 inputs，足夠自彈自唱，但係如果有兩種樂器/ vocal 或以上，就需要購買有多個inputs 嘅amp喇！
型號黎講一般最常見嘅 busking amp 就係 Roland Street Cube amp，基本上周街都係佢。如果想係 busking 時有一個更加純正清晰同自然嘅結他聲，就可以考慮 Acus One for Street ，佢係一個有40幾年歷史嘅意大利品牌，最大嘅賣點係佢係充電就可以用，唔需要另外買電池，更加唔使周街搵電源咁麻煩~
Roland Street Cube amp：「我絕不罕有往街裏繞過一周，我便變化烏有。」
雖然香港比較少人用Acus One for Street，但其實佢係歷史非常之悠久嘅品牌，有信心保證，而且非常方便。
Guitar
結他方面，首先你要確保支結他係可以裝到結他帶。另外，都要有pick up同埋一條夠長嘅結他線，先可以駁到amp。關於結他型號，就好視乎到底大家中意嘅外型同音色。當然都會有比較適合 busking 嘅結他。Furch Blue 同埋 Dowina Danubius 都係好適合彈唱 busking 的結他。大家如果有興趣都可以上 Funguitar 網站參考下，又或者預約時間到門店試結他，唔同結他聽出嚟嘅音色都會有好大分別！
Furch Blue 係連王宗澤都選擇嘅結他！
Dowina Danubius 嘅高音清脆甜美，清晰度絕對可以打贏好多差唔多價錢嘅結他！
Mic
Mic 方面最多人 busking 用就係 Shure BETA 58A Supercardioid Dynamic Vocal Microphone，佢嘅價格大約係 $1200-$1600。如果多少少 budget 嘅話可以考慮下 Sennheiser E935 Cardioid Dynamic Handheld Microphone，價格都在 $2000 以下，但係聽講音質會好好多。
Shure BETA 58A Supercardioid Dynamic Vocal Microphone 是不少 busker 的選擇，質量有保證！
Sennheiser E935 Cardioid Dynamic Handheld Microphone CP 值十分高，budget 較高的朋友可以考慮。
Mic stand
Mic stand 其實喺邊度買都得，但係如果想 keep 住 busking ，我建議都係買一個實淨啲嘅比較好，我有朋友就係試過用唔穩陣嘅譜架，跌爛咗兩部iPad！所以一個穩陣嘅譜架其實都好重要。Hercules BS050B 係普通連鎖樂器店都有得賣，佢非常之穩陣，放iPad完全冇問題，而且如果發現帶漏咗都可以即刻買。
一個穩陣可靠嘅譜架其實真係好重要！
沒有器材怎麼辦？
推介左以上咁多嘅器材，其實如果大家冇budget都有方法解決嘅，我知道而家有一啲ig page 會借出器材比一啲未有裝備，但係又想Busking嘅歌手係中環街市表演，亦會定期舉辦Busking活動，可能俾少少入場費，就可以借器材輪流玩幾首歌咁樣。對於新手嚟講呢啲活動都唔錯，一方面唔需要自己準備器材，一方面又可以儲下CV。
除咗硬件裝備仲有咩要準備？
除咗硬件裝備之外，仲有一啲busking 新手要注意嘅地方。第一，係街頭未必有 Wi-Fi 嘅，所以如果無方法connect到網絡嘅話，記得一早 cap 定圖呀，如果唔係到時唱唱下load唔到chord譜或者歌詞就好尷尬咖喇！記得我中學去Busking嘅時候係冇iPad嘅，所以當時我係印晒所有歌詞出嚟，諗返起都覺得成件事好old school，但係咁樣都係一個非常穩陣嘅方法，好過唱唱下唔記得歌詞，又或者揼低頭望住個電話，俾人嘅感覺會唔係太似一個表演。
第二，街頭表演都係表演黎咖！記得要同歌手夾過至出show。男歌女唱或者女歌男唱嘅話記得要mark key，入錯key嘅話個歌手應該會好憎你！有時間嘅話就執埋譜喇，如果有心 keep 住 busking 或者想做駐唱嘅話其實之後都有用嘅。
另外，大家亦都要記得準備要講嘅speech。當樂手準備緊下一首歌，或者出現技術上嘅問題，主唱就可以介紹下樂隊同樂隊成員，咁先可以令觀眾低聽你地下一首歌，因為如果有冷場，觀眾就有機會流失。同埋比觀眾更了解你嘅話，其實都會令佢地同你地有更加強嘅connection。
Busking 係一個實戰嘅好機會，同時可以令到更加多人認識自己。把握呢個機會鍛鍊自己嘅膽識，將學到嘅嘢應用出嚟喇！如果想知道係心態上 Busking 要準備啲咩，就要留意住 Funguitar 網站嘅blog喇！
Fun Guitar Note / 木結他買弦全攻略 !
新手點買結他弦？木結他買弦全攻略!
背後理論，分類，心得，雷區一次全披露!
前言：
拉力篇 - 用對弦線拉力 ＝ 提升效率 ＝ 提升音量？
一般來說，弦線拉力會和 Gauge 成正比，大約分四種：Extra Light（俗稱 010 ），Custom Light（俗稱 011 ），Light（俗稱 012 ），Medium（俗稱 013 ），以 Daddario EJ16 這款非常通用的弦線作參考，你會發現平日所講的 012，其實代表第一弦的直徑是 0.012 寸的意思。以下圖比較一下：
以 Daddario 為例，大家可以看到不同 Gauge 的包裝。
買粗弦留意 - 你支結他受唔受得住？
提升效率當然好，但同時也要小心，有些結他的琴橋受不了太重的拉力，例如一些舊式 Martin 所採用的金字塔式琴橋（Pyramid Bridge），只能用 Light 或以下的弦線，否則可能破壞結他！ 相反地，如果在 setup 得接近物理極限的結他換低一級的拉力也可能會做成痴 fret！（打品，Fret Buzzing，彈奏是出現金屬撞金屬的雜音）；或者因為弦線的受力角度太少而影響音色。嚴格來說，換 Gauge 最好其實就先經過 setup，因為 setup 並不是只調琴頸，更包括上弦枕的弦坑， setup 後弦線會更貼服。
大家可以看到 Pyrmaid Bridge 兩側好像有個小小金字塔。
心得 - 音量大固然好，但小心等價交換
提升效率當然好，但同時也要小心，有些結他的琴橋受不了太重的拉力，例如一些舊式 Martin 所採用的金字塔式琴橋（Pyramid Bridge），只能用 Light 或以下的弦線，否則可能破壞結他！ 相反地，如果在 setup 得接近物理極限的結他換低一級的拉力也可能會做成痴 fret！（打品，Fret Buzzing，彈奏是出現金屬撞金屬的雜音）；或者因為弦線的受力角度太少而影響音色。嚴格來說，換 Gauge 最好其實就先經過 setup，因為 setup 並不是只調琴頸，更包括上弦枕的弦坑， setup 後弦線會更貼服。
拉力大會令按弦的力度增加。
材質篇 - 音色對決之磷銅 vs 80/20!
心得 - 多做實驗，但別太心急
弄清楚音色後，我們更容易為著自己需要的音色配弦了。值得一提的是，不同牌子的配方都略有不同，音色也是如此，不親自試清楚很難找到自己最喜歡的，這個時候，建議大家多做實驗；另外每種不同的金屬的穩定時間也略有不同，因此試音時也別太心急，再不喜歡剛換上去的弦，也給自己一兩天的時間感受一下。
你知道其實坊間大部份弦芯都不是圓形，而是六角形嗎？
包覆技術篇 - 手感先決，必看！
甚麼是包覆技術？那就是為了抗銹而做的一個工序，在弦線上包上一個塗層（Coating），這個塗層最多用的就是 液化的 Polymer ，不同廠商的做法配方不同，名稱皆不一樣。例如公認是近乎最厚的一款，由 Elixir 出品的 Polyweb Coating，不只肉眼看到，其手感的滑度也屬於招牌式的；Daddario 出品的 XS Coating 則以超薄作為賣點，其手感不會有太大影響。我自己最喜歡的莫過於由加拿大品牌 Wyres 出品 P.T.F.E. 的 Coating，既有 Elixir 的滑度，也有一種明亮的透明感。
有些包覆物料甚至厚到肉眼可見。
心得 - 除了手感，聲音也可以影響很大！
當然最重要 coating 影響的是手感，因為對於手指的觸感來說，熟悉 coating 的質感會直接影響技巧的運用，以及動作的流暢性。另外要留意的地方是，過厚的 coating 的確會為音色帶來負面影響，但同時又增加了耐用性，說到底找一個平衡，真的要好好取捨一下，但有些做法是可以自己控制的，例如可以試試更頻密地換弦，就可以用上較薄的 Coating 了；或者養成彈完結他後用毛內抹干弦線也同樣有用，也有助增加耐用性。
個人認為因包覆技術而達到最好音色，手感及壽命的平衡 Wyres Strings。
結論：拉力，材質，包覆技術外，還有品牌
結他測評 / Dowina Guitars 面單結他 Danubius
Danubius
媲美全單的三兄弟
結他測評 /
Dowina Guitars - Danubius
前言
Danubius 係Dowina入門款式之中嘅大師兄，雖然只係面單，但係因為價錢相宜，而且聲音都可以媲美大部份嘅全單結他，仲有佢可以揀顏色面板木材不同嘅因素令到佢成為一支非常之高性價比，非常之值得新手甚至乎老手購買嘅結他。
Danubius 全家幅
在入門級罕見的背側板物料 Ebony
Danubius係面板上有Dolomite Spruce同Red Cedar呢兩個選項，亦都貫穿Dowina呢個品牌，最主要嘅兩大面板。另外，亦都有Sunburst可選擇。
文清優雅嘅Sunburst Danubius
而背側用嘅係入門木結他，相對較少會見到嘅Laminated Ebony。雖然係夾板，但係仍然能夠反映Ebony高音清脆甜美嘅特性，高音清晰度嚟講絕對可以打贏好多同價錢嘅木結他。無論係彈唱定係Fingerstyle都絕對能夠輕鬆應付。而且Ebony下一隻木紋非常突出嘅木材，每一支都會有唔同嘅紋理深淺色，就好似係平民版嘅Cocobolo, Brazilian Rosewood咁!
最後，講咗咁多外在嘅元素，當然亦都要講吓內涵。佢嘅聲音絕對係絕無僅有嘅中高階聲音中低階價錢，盡顯Ebony特色高音清脆，Spurce面板嘅就會有更強嘅爆炸力，而Cedar面板嘅就會有更絲滑嘅融和度。所以無論係面板多元化嘅選擇，Ebony背側板定係鮑魚貝殼嘅inlay同logo本身已經令呢一支唔洗$7000嘅中階結他成為市面上一個好強嘅競爭者。
學結他關注組 / 準備學結他嘅你要注意啦！
學結他關注組
準備學結他嘅你要注意啦！
細數最常見嘅五種結他同學
你係邊一種呢？
前言
有上過結他小組嘅人都會留意到，就算一班人一齊學同一首歌、同一個老師，都會因為每個同學嘅唔同性格，有好多種學習方式同唔同嘅成果。今次就同大家講下學結他嘅5種人！唔知你哋又係邊一種呢？
1. 表演型
表演型嘅結他同學通常自信滿滿，中意比人關注嘅感覺。學咗結他一排，彈好咗第一首歌後，佢哋通常會開始搵唔同嘅機會表演，或者故意係其他人面前練習彈結他。以前學結他嘅時候，我都有遇過表演型嘅結他同學。記得嗰時明明仲有空出來嘅練習房，佢都會特登去我嗰間練。有一次我練習緊嘅時候，佢又過嚟「表演」，「表演」完，先好滿足禁返去自己嘅練習室。雖然當時我都覺得有少少騷擾到我練習，但係我明白咁係因為表演型嘅結他同學為自己嘅興趣感到自豪。表演同受到稱讚會令佢地覺得開心，呢個亦係佢地學習同練習嘅動力～
其實學音樂嘅人有表演慾都係好事嚟嘅！
2. 興趣型
興趣型嘅結他同學通常係在職人士，每日重複朝九晚五嘅翻工 routine 好辛苦、好大壓力，想搵樣興趣放鬆下。所以佢地會抱住得閒練下嘅心態，心情好嘅時候練下結他，冇時間就上堂先算。雖然佢地嘅學習進度未必好快，但因為冇乜壓力，所以通常會好享受學結他嘅過程。其實我都幾欣賞一啲返全職依然會學多種技能嘅人，因為返過全職嘅人，都會知道收工其實已經好攰，冇乜精神再去做其他事，所以冇練禁多其實都係人之常情。每個人都有自己嘅pace，我覺得只要清楚自己嘅目標，然後努力達成就可以了~
不過有時間都係練下結他喇，練習對於學習樂器嚟講好重要㗎 ！
3. 自我挑戰型
自我挑戰型嘅結他同學會比較心急，鍾意向高難度挑戰！佢地有明確嘅目標，一個月內要學好邊首邊首歌。好處係，自我挑戰型嘅同學通常一開始嘅進度都比較快，亦因為佢哋對自己嘅要求高，所以如果自律嘅話，比較大機會成為出色嘅結他手。但學習需要時間，目標定得高，就需要相對嘅練習計劃。如果唔夠自律，未學行先學走，可能會令自己好辛苦，最慘係耗盡熱情，最後放棄。
向高難度挑戰通常要練習好耐，隻手好痛都要繼續彈，真係需要好大決心~~
4. 怕醜型
有表演型同學就會有怕醜型同學！怕醜型同學冇乜自信，學咗好耐都唔敢表演，就算彈得唔錯，每次有人叫佢哋彈結他嚟聽，佢哋會用各種藉口去推搪。有部份怕醜型嘅同學比起表演，會更加享受自己彈結他，呢個對佢地黎講係好治癒嘅 me time 時光。但亦有部份同學其實內心係好想表演，好想俾人讚，不過唔敢踏出嗰一步。我自己其實都係比較怕羞嘅，哈哈，所以我都仲好記得第一次喺台上表演嘅感覺，真係好恐怖！雖然為咗嗰次表演練習咗好耐，但我清楚記得嗰次最後都係因為緊張得滯彈錯晒嘅！不過如果冇嘗試過，又點會有機會成為一個出色嘅表演者呢？大家都喺錯誤中學習，所以唔使怕醜嘅，勇敢地犯錯吧！
雖然你哋可能睇唔出，但其實我都好怕羞！
5. 三分鐘熱度型
三分鐘熱度型嘅同學一開始會非常熱衷練習，每日練五至六個鐘，練到手指超痛、手指抽筋，但後來熱情冷卻後，佢地會練得越來越少，又或者因為有咗其他新興趣就慢慢放棄。我自己覺得三分鐘熱度嘅人通常都係因為唔夠鍾意彈結他，咁其實都冇所謂嘅，每個人嘅興趣唔同。但如果學乜嘢都係容易放棄嘅話，就要好好反思下，因為所有嘢其實都係要有付出先有收穫嘅～～
學每一樣新技能都需要時間同耐性，無論係邊一種類型嘅結他同學，都要相信只要努力練習就會有成果！只要有足夠嘅熱情，唔同嘅性格、唔同嘅方法都可以通往成功嘅道路~~
新手買結他必睇／人生第一支木結他到底點揀好？
新手買結他必睇！人生第一支木結他到底點揀好？
三大重點教你揀中你征服琴海嘅拍檔！
前言
買結他，買面單結他還是單板結他？
買結他，該選擇甚麼桶型？
買結他，該選擇玫瑰木還是桃花芯木？
玫瑰木
桃花芯木
結論，其實絕佳手感先係進步的關鍵
最最最後，買完結他返屋企之後，大家亦需留意其耐用性，因為樂器好容易因為天氣轉變而導致面板變形，影響手感，所以大家除咗結他價錢外，可以多加留意生產地及用料等級，揀一支耐用性比較高的，練習時就更得心應手。如果大家都心郁郁，不妨預約時間想上慢慢試下唔同木材嘅結他。除此之外，我哋網站上面都有大量樂譜免費收睇，希望大家可以有多啲資源練習～我哋下集再見！
同步刊登於 Re:spect Magazine 273 期