10個方法令新手都可以係舞台上閃閃發光！

結他手每日辛苦練習都係想有人聽到啫！但係除咗彈得好之外，點至可以令演出更加吸引人，令觀眾留下深刻印象呢？我地參考咗 Recoroad 網站講解嘅幾個技巧，無論係 Busking 定正式嘅舞台演出，大家都可以係唔同面向出發，令演出變得更加吸睛~

選擇獨特曲目係令演出者脫穎而出嘅重要一步。例如，很多人都演奏Dear Jane 近日嘅大熱歌曲《到底發生過什麼事》。隨便係旺角街頭，每過兩三個街口基本上都可以聽到busker 演唱相同歌曲。無錯，表演熱門歌曲可以投其所好，觀眾想停底聽你唱歌嘅機會會大啲。但俗話話無比較就無傷害，如果歌單同其他人太過相似，觀眾可能會將你同其他人作不必要嘅比較，甚至覺得你欠缺特點。相反，如果我們選擇比較小眾嘅曲目，同其他人唔一樣嘅音樂風格、歌曲選擇或者可以吸引到不同口味嘅觀眾。

大家不妨喺busking嘅時候試多啲唔同風格嘅歌，睇下觀眾嘅反應再調整歌單～

表演者可以透過展現自己嘅獨特風格，令觀眾更加容易記住你。例如，林家謙獨特嘅嗓音同轉音技巧，令他嘅唱腔有好高嘅辨識度。當然，未必所有聽眾都會中意你嘅風格，但是我地永遠無辦法追求所有人嘅認同，只要自己中意同埋搵到知音人就夠了。

搵到自己獨特嘅風格，先可以成為一個獨一無二嘅表演者！

對一場成功嘅表演黎講，表演者同觀眾嘅互動係好重要咖！表演者可以透過同觀眾嘅互動，例如邀請觀眾參與演出、一齊拍掌、跳舞、進行互動遊戲等，增加表演嘅趣味性同參與度。Queen的主唱Freddie Mercury 就係以同觀眾嘅精彩互動聞名，佢甚至經常被喻為最為有影響力嘅樂隊主唱。

另外，同觀眾建立聯繫亦係同觀眾互動嘅重要一環。演出者可以透過與觀眾交談、眼神同微笑等方式建立聯繫。例如，係演出前或者係演出嘅時候同觀眾傾計、分享音樂相關嘅故事等，亦都係建立聯繫嘅好方法。

同觀眾建立聯繫，可以令佢哋成為長期支持你嘅粉絲！

歌詞係歌曲嘅靈魂，表演者可以透過表達歌詞嘅情感同意境，去構思係舞台上 speech 嘅內容，禁樣可以令觀眾更加容易記住你嘅說話同埋音樂,亦可以令觀眾更加容易同表演者產生共鳴。

歌曲其實就係表達感情嘅媒介，所以好多人鍾意首歌都係因為鍾意佢嘅歌詞㗎！

表演者亦可以透過經常著某一類型嘅服裝，甚至為個人或者樂隊設計獨特嘅服裝，令自己 band 嘅形象更加突出，從而令觀眾更加容易記住自己。例如Prince經常穿著與其代表作《Purple Rain》呼應的紫色長外套，成為了他嘅代表性服裝。

好多時穿搭都係大家俾人嘅第一印象，所以一定要做得好㗎～

總之，透過以上技巧，表演者可以令演出更加生動有趣之餘，同時讓觀眾留下深刻印象。大家不妨睇下一場表演就實踐以上嘅內容喇！

內容參考Recoroad 網站