Funguitar品牌故事


讓她溫柔地釋放你最深處的感覺

LONG FUNG TAM

FUNGUITAR 創辦人及總監
香港指彈結他 Guitar Fingerstylist
個人 YouTube 頻道累計五百萬點擊率

品牌歷史

最初嘅 Funguitar其實係叫做峰弦.峰語

2009 年又回到最初的起點


2009 年,當時我仲讀大學 YEAR 2。一時貪好玩,在 YouTube 上載了自己聽過後隨手彈嘅一首電視劇主題曲 ,結果原來有唔少網民鐘意,仲轉載去咗 forum 。而這個小意外另外再接再厲咁一首首彈落去,而間中又寫下一堆結他譜,心情隨筆和編曲心得。同年開始有自己 YouTube Channel 同埋專頁。呢個,就是峰弦峰語的起點。

Funguitar Fingerstyle 指彈編曲全集

除咗教興趣仲有啲更深層次嘅意義


2011 年,當時我仲未畢業,已經租咗一個位於長沙灣,不到六十尺嘅劏房作教室,我嘅學生幾乎都是年紀都比我大嘅上班族,睇到大家練好一首歌,好似變返小朋友咁開心。我先明白原來教結他,除咗係一份教興趣嘅工作,仲有啲更深層次嘅意義。

於是我日頭返學主修輔導心理學,每晚實踐屬於我嘅「結他音樂治療」,將自己鑽研出黎嘅 Fingerstyle 理解,心得同埋步伐逐漸編成一份教學系統。就係咁過咗一年「早實習,晚教班,深夜寫教材趕 PAPER」嘅瘋狂生活。結他小組當時幾受歡迎,一年後學生已多出接近兩倍。

時至今日,編曲超過三百首,累計五百萬點擊率。到今日已經發展出一個教學團隊,曾教導過嘅學生逾千名,亦訓練出不少有編曲能力的徒弟。

Funguitar 王牌指彈結他課程 - 招生中

香港獨家引入傳奇品牌Bourgeois Guitars 登陸


2015 年時,受到 SonyHongKong 的邀請,為其旗下品牌的音響設備提供發燒的木結他高解析音訊原聲 (Hi-Res Audio)作為官方的試機曲目。其後亦接受過 MenClub,RTHK,Home21 雜誌嘅專訪等等。也曾有幸和世界知名嘅結他手 Jacques Stotzem 及黃家偉同台演出。

到 2019 年,有幸受到國際頂級品牌,位列於北美四大手工琴之一,被稱為結他界「勞力士」 Bourgeois Guitars 嘅邀請,到美國參觀工廠,並將呢個品牌獨家引入到香港,我亦成為咗佢哋嘅 Artist。Borugeois Guitars 甚至當時寫咗一篇文章慶祝我哋加盟。

好記得當時喺美國,我用咗一星期嘅時間參觀佢地個結他廠。有一晚收工, 傳奇製琴師 Dana Bourgeois 同我去飲嘢,當我問佢你覺得你嘅結他成功嘅地方喺邊度?佢答我 I am still trying to make it right,喺佢眼中,佢仍然每日都會有創新嘅諗法,都有一個對未知嘅事物包容自己無知嘅胸襟。嗰時我就諗,好希望有一日到我老咗,我都可以達到佢呢個高度。

Bourgeois Guitars 發表嘅宣傳稿

Funguitar Store一站式木結他專門店


成立十周年,Funguitar Store 同年正式營業,成為全港首家引入北美四大手工琴嘅經銷商,,慢慢咁走向國際。除了獨家引入美國 Bourgeois Guitars,我哋亦都先後獨家引咗了好幾個國際品牌。好似捷克 Furch Guitars,斯洛伐克 Dowina Guitars,台灣的黑潮 Guitars,意大利的手工擴音器 Acus Engineering 加拿大手工弦 Wyres 以及德國手工弦 Pyramid。同時亦有 Setup 等等嘅服務。

Funguitar Store 主頁

Funguitar.pro全新木結他平台正式面世


到咗 2020 年,我哋正式同大家宣佈,歷時一年半,我哋精心研發嘅木結他樂譜平台 fungutitar.pro 終於出世了。

「香港,係要同全世界比較。」一句早幾日喺頒獎禮聽到嘅一句話。或者一啲未試過搏盡 120% 努力,未背負過自己命運嘅人,係唔會明白呢句說話,到底有幾咁催淚。

本著一個初衷,帶住一班徒弟創立咗 funguitar.pro 呢個平台。我想話俾人聽,廣東話唔係一個沒落中嘅方言,廣東歌仲係好好聽,我哋盡力寫出最好,最準,最有心嘅學結他樂譜,希望年輕一輩可以關注韓文歌之餘,留意更多本地作品,鼓勵多啲人創作。

Funguitar Fingerstyle 指彈編曲全集

只要有人唱呢個語言就可以生存落去


呢一年幾,可以話係我投身呢一行十年黎,捱得最辛苦,真係時不時要聽勵志歌同自己打返一針。

為咗認真還原好份譜,每一份都花時間寫埋結他前奏出黎,一班結他友要去學寫 IT Code,一份譜翻聽再翻聽執到耳仔都痛埋,QC 都 Q 到燥底。唔同部門開會一個駁一個,由夜晚教完班一路駁去天光,我都試過,又好怕自己會病,直到適應到反而早訓會頭痛。

網站試過好多次砍掉重練,再磨合,多謝每一位 funguitar.pro 嘅成員,耐心接受同理解行過嘅冤枉路,從來都冇放棄過。多謝呢一班同我一樣咁戇居嘅人,放假留喺屋企寫譜,QC 俾我執到傻,明知冇錢賺,仲要陪我倒貼錢時間,將收益捐去做善事,貢獻呢個世界。

計返自己,原來彈咗十年結他。諗返大學畢業當日,真係只差一個決定我就走咗去讀 psy master,好彩嘅,可能做咗臨床心理學家了。

「只要有人唱,有人識講,呢個語言就可以生存落去。」

如果就係命中注定嘅要由我哋呢一代達成使命,就等我哋用自己嘅方法,去捍衛自己嘅母語,去貢獻呢個世界。

希望大家支持 funguitar.pro

有一種感動叫「初衷」


到咗打呢篇嘢嘅今日,再搵返自己 2009 年成立 Funguitar 嘅初衷。先發覺心入面有啲嘢,十年來都冇改變,決定原封不動貼返出黎,俾大家睇之餘,都當係一個對自己嘅提醒。

「背棄了理想 誰人都可以
那會怕有一天只你共我」

寫於十年前一信給予 Funguitar 的信


“2009 年,我還在大學二年級
我看著螢幕,按下 “上載”鍵
就這樣
峰弦峰語的第一首公開的結他獨奏
就被送到 YouTube 那邊了
那是一隻飄浮茫茫大海的玻璃樽
那是一顆無心撒下的種子
但我沒想過,峰弦峰語,就是這樣誕生

我相信,一首歌,就有一個故事
在街上,在車上,在家中,在夢中
我們也許有緣聽著同一首歌
但想著的,是只屬於自己的故事
時間,地點,埸景,氣氛
隨著起伏的音階
幻化成記憶中的海蜃神樓
把流行曲變成木結他獨奏
沒有歌詞的引導
反而更容易掘出埋於心深處的秘密
也是一個只有你才能進入的世界

因為“他”的聲音,在某些情況下
早已超越了歌詞的本身
也超越了人類的語言
When it sings,
it plays on my heartstrings.
這就是我的獨奏
也就是我一直堅持的理由

但在這裡
我很希望把我的恩賜跟更多人分享
只希望,為這個日漸扭曲的社會盡一分力
除了彈結他,我還會定期寫點文章或故事
希望歌曲有更完整的表達
心有鬱結難舒,不妨多來這裡
聽聽音樂,看看故事
或者拿起你的結他
我會在這裡定期上載我親自編寫的獨奏譜
希望讓更多有需要的心靈得到洗滌

我一直相信 她是最了解人類的樂器
雙手之間 指尖之下 是你 也是她的心
當你忘記樂譜 忘記自己
也就是兩顆心緊貼的一瞬間
她就能溫柔地 釋放你最深處的感覺”


2011 夏

立即加入我哋學結他!

RTHK 香港電台訪問

小念頭.大夢想|結他心理家