陳奕迅 防不勝防|結他 Fingerstyle

首度測評|Tunnel 13 Redwood,傳說之木到底係咩聲

暫時係輸港果廿幾三十支 Bourgeois 入面,最多人好奇嘅,一定係 Tunnel 13 Redwood 到底係咩聲。過去都只係見外國人彈多,今日就等我呢個第一身用家講下。
屬於傳說級物料,從隧道大火後灰燼裡重生,超過二千年嘅神級紅木,極度罕有,全球估計不超過二百支。坊間由北美手工廠造的 Tunnel 13 Redwood,至少六位數字的身價,以致談論的人多,親身彈過聽過的人很少。
上年三月,陰差陽錯有熟人介紹,再憑住一分唔放棄嘅毅力,居然俾我搵到四套真跡,對我黎講,好似中咗次六合彩一樣。Dana 為我這支 T13 Redwood 配上 Cocobolo,為我度身訂造了這一支 Fingerstyle Custom ,亦是 Bourgeois 第一支做的 Tunnel 13 Redwood 結他,足見罕見程度。
到手都有大半年,一直都諗唔到有咩歌可以襯得起佢,直到上星期六同兩個小徒一路食 tea,一路聽 Eason 個 Live。 “防不勝防” 聽到我哋三個都起晒雞皮。當時我已經暗暗哋決定 “黃金時代” 後要編埋呢首,同埋寫份譜滿足下呢兩位小徒。本來打算簡單啲,編個 Standard Tuning + G Key 就好了,但仔細再聽幾次,呢個前奏唔編唔得。鋼琴嘅深清,加上 Bass 襯底營造嘅陰暗面,一正一邪,正正係呢首歌嘅精華所在。
就係咁,強迫症發作,用咗兩日為呢首歌設計咗個 Tuning,AGDGAD,你冇睇錯,第六弦真係由 E drop 到去 A。先不說編曲難度,呢個 Tuning 已經考起好多結他,呢個 drop A 可能一彈已經化開散晒。
如我上述所言,精華盡在起首十秒,在我手上的 Tunnel 13 Redwood,面對這個 drop A 仿如無物,比我想像潛得更深,hold 得更長更穩。據 Dana 稱,Tunnel 13 Redwood 剛性罕見地高,不愧為支撐起隧道的主要木材,足以媲美 Adirondack,讓他擁有一般 Redwood 結他難以擁有的清晰度,加上 Cocobolo 的如鈴噹嘅高頻,將 Harmonics 以分離度極高嘅方向演繹。
這份極闊的動態,彷如精神分裂一樣,兩個角色互相角力,用黎演繹呢一首又深情又恐佈嘅作品,三個字:襯到絕(不得不讚作曲的張繼聰)。
你又會諗到啲咩歌啱佢發揮呢?

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

陳奕迅《防不勝防》

Guitar

Strings
Tuning
Mic/PU
Mic-Pre
Interface

Bourgeois DB Sig. DS12 T13 Redwood/Cocobolo
SCGC Strings Mild Tension
A G D G A D
Telefunken ELA M260S
Sabatron AXIS200VU
Antelope Pure2

Share

莫文蔚 呼吸有害|結他 Fingerstyle

十年期待|五個要編這首歌的原因

編這首歌,只有五大原因:一,就是我由《一生所愛》開始已經很喜歡莫文蔚;二,Open D major Tuning 這個系統,要多些練習才能真正化為己用;三,Furch Orange SW 估計很快就要賣走,再不留個念估計沒機會了;四,實在太多客人不明白 Walnut 的音色特性及發揮心得,要錄些參考片段下來。最後就是,紀錄一下到底是誰令香港人香港人這一年 “一呼一吸都有害”。
.
嗯,仔細想想,以上原因實在缺一不可。
.

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

莫文蔚《呼吸有害》

Guitar
Strings
Tuning
Mic/PU
Mic-Pre
Interface

Furch Orange OMc-SW
Pyramid Light Gauge
D A D F# A D
Telefunken ELA M260S
Sabatron AXIS200VU
Antelope Pure2

Share

陳奕迅 黃金時代|結他 Fingerstyle

陳奕迅經典|長大後才明白,你又何必掙扎呢?

有些歌,你會以為自己很懂;但原來不是。《黃金時代》正是這樣的例子。年輕時,你以為這是一首講離離合合的情歌,長大了你才明白,這首歌講的是,永遠不變的,就是改變。既然如此,面對任何人和承諾,就不要太執著。
# 你我永遠不肯定愛不愛誰 約不約定誰      黃金廣場內分手 在時代門外再聚 #
面對改變,我們不能抵抗,不能反對,不能不捨,不能挽留;面對厄運,我們連掙扎的機會都沒有。既然如此,又何必掙扎?說到底,人生很短暫。多好的愛侶,逃得過分手,也逃不過其中一方先走。得到和失去本是光與影,也許當你從心底接受了這個遊戲規則,就會發現即使發生多大的事,也會安然地活在當下。
而我希望你的當下,就是讓你用耳機好好享受這幾分鐘的時間。
# 你回來你不回來 儘管天蹋下來      但仍然值得與你 用餘下時間談論愛 #

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

陳奕迅《黃金時代》

Guitar
Strings
Tuning
Mic/PU
Mic-Pre
Interface

Featuring Bourgeois Generation D
Pyramid Light Gauge
E A D G B E Capo 4
Telefunken ELA M260S
Sabatron AXIS200VU
Antelope Pure2

Share

陳奕迅 單車|結他 Fingerstyle

父親節必點|茫茫人生,好像荒野

趁著父親節 remastered 一下啲舊歌,希望用一啲靚結他靚錄音器材,還原一下呢啲經典作品嘅 fingerstyle。今次編曲方保留返 2014 年嘅方向,standard tuning,原版 G 調,同一改編嘅細節,只係加入咗少量嘅擊弦和 nail attack。無他嘅,只係因為有啲歌,越保留清清地原汁原味越好。今晚靜靜哋,用靚耳機感受下 Furch Yellow Spruce 嘅魔力吧。

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

陳奕迅《單車》

Guitar
Strings
Tuning
Mic/PU
Mic-Pre
Interface

Furch Yellow OMc-SR
Pyramid Light Tension
E A D G B E
Telefunken ELA M260S
Sabatron AXIS200VU
Antelope Pure2

Share

結他教室|如何選購適合嘅弦線

每堂必答|買乜牌子好?

入門班嘅同學好多時都會問結他線買邊一隻最好?記得我都仲係新手都一樣,入到去十多個牌子,唔同嘅物料,然後又有不同嘅號碼,根本花多眼亂,最好唔好煩,你話比我聽邊隻好我就買邊隻,但係其實都要了解下你鍾意嘅音色同你手上枝結他適唔適合嘅,唔係上錯線都可以好大鑊。講點選購前,我地可以講解一下結他線上嘅包裝資訊,包裝上面一般都會顯示:唔同弦線嘅粗幼、包覆物料,以及係唔係 Coated Wire。呢幾個資訊都係選購時需要考慮的,而我都會逐一詳細講解佢地嘅分別。(咪玩啦!最緊要其實係價錢牌! >_<)

Photo from Themusicworks

弦線粗幼|乜會影響音量架?!

市面上大部份嘅弦線粗幼基本分 4 個等級:Extra Light、Custom Light、Light、Medium,一般都以第一線去區分,0.010為 Extra Light、0.011 為 Custom Light、0.012 為 Light、0.013 為 Medium,而相同既第一線,不同嘅品牌會有不同嘅配搭,以 Elixir 同  Martin 嘅 Light 為例,Elixir 嘅組合係 0.012 0.016 0.024 0.032 0.042 0.053,而 Martin 嘅組合係 0.012 0.016 0.025 0.032 0.042 0.054,所以同一個等級不同嘅牌子都有不同嘅音色,不同弦線嘅粗幼到底點影響結他手感和音色?詳細可以睇返《阿峰扎記 #3|同學仔,你買啱結他弦未?》

小編自己一直用開 Light,好似彈《月球上的人》我就會揀 Medium,因為每提升一個級別嘅粗幼,弦線嘅 Tension 會提升大概 10 %,音量自然會提升,從而令低音部份較結實,但考慮到結他嘅壽命,平衝手感及音色,Light 一直係我嘅 1st choice。

Image from martinguitar.com

鋼材物料1|知唔知你用緊嘅係咩線呢?

結他線嘅鋼材物料聽得最多就係 80/20 Bronze 同 Phosphor Bronze,其實仲有其他製造物料,分別係 Silk & Steel 同 Nickel Plated,但因為唔算主流,所以市面上都唔易見。咁到底大家又知唔知所指嘅物料係邊 part? 唔同物料嘅音色又係點? 講之前先解構弦線嘅結構,大家可以望一望你枝結他嘅三四五六線同一二線嘅分別,一二線結構好簡單,只係一條金屬線,然後再望下三四五六線,佢結構複雜少少,好明顯見到一圈一圈嘅金屬線。其實三四五六線係由金屬線包覆住弦芯,而 80/20 Bronze 同 Phosphor Bronze 就係指呢外面包覆住弦芯呢層,而唔係指整條弦線。80/20 Bronze 指物料由 80% 銅同 20 % 鋅嘅合金組成,顏色偏金色; Phosphor Bronze 則由 92% 銅同 8%嘅磷同錫嘅合金,而呢款因為銅比較多,顏色偏向玫瑰金;Nickel Plated 指銅線表面鍍上一層鎳,所以佢係銀色(鎳咪就係平時鍍係耳環上嘅金屬);而 Silk & Steel 指鋼線作包覆物料,但與弦芯中間包多一層絲線,都係銀色嘅。所以快快望下你枝結他用緊咩顏色嘅線,睇埋落去判斷自己到底適唔適合用呢種線(自己當然生哂銹變哂色我就幫你唔到了)。

Image from BCA chemistry

鋼材物料2|今次真係識條鐵

作為主修化學嘅結他手,我可以話你聽,不同金屬嘅硬度及延性都係唔同,所以唔同嘅鋼材物料對音色都會有好大嘅影響。Silk & Steel 因為中間夾左一層絲線,所以係咁多種物料當中,佢嘅張力係最低,上面就提到張力同音量嘅關係係成正比,所以音量相對較低,音色同古典結他相似,音色唔太適合做 Strumming 呢類。Nickel Plated 、Phosphor Bronze 及 80/20 Bronze,呢三種線以 80/20 Bronze 嘅音色最明亮,最適合做 Strumming;Nickel Plated 音色最溫暖,用黎彈”小天使”呢類嘅慢歌一定可以將氣氛帶出,但低音力度輸出較低;Phosphor Bronze 剛好係兩者嘅平衡,有溫暖嘅音色同時又平衡到低音嘅力度。總結以上,必需考慮你嘅演奏風格,再決定邊一款弦線最適合自己。

Image from Stringbymail.com

包覆技術|弦線嘅續命丹

前面提到結他線係由金屬造,細個唔需要讀過 IS (綜合科學)都知道金屬就一定會生銹,結他線都一樣,尤其製造弦線嘅主要金屬-銅。金屬最大嘅敵人係水同氧氣,彈結他一定會出手汗(唔信你望下你掂得最多嘅頭三格),同埋弦線同空氣接觸都會令結他線生銹,所以結他線嘅壽命一般只有兩至三個月(其實最尾兩個星期都係死頂唔換線)。有見及此,好多廠商都會用唔同方法增加壽命,例如鍍其他氧化速度較慢嘅金屬上去、又或者利用一種包覆技術係條線上面做一層薄膜,即係”包膠”。呢個方法係十分聰明,能夠大幅延長結他線嘅壽命,但因為金屬物料改變同薄膜影響弦線振動嘅傳送效率,從而影響音色。雖然會影響音色,絕對係易出手汗用家又或者懶惰用家嘅恩物,所以都深受大眾嘅歡愛,絕大份品牌都都有出呢類 Coated Strings。睇到呢道一定以為換左 Coated Strings 就保用一世唔需要再換?答案當然唔係!因為呢層 Coating 好薄,太厚就會阻到弦線振動嘅傳送效率,大家一路勾線係會造成表面層 Coating 損耗,空氣都依然有機會接觸弦線令佢氧化,都係要換的(T.T)。

Image from Elixirstrings

總結|好弦線=粗幼 X 物料 X 牌子 X 保護

所以,選擇弦線時,記住呢個口訣:”最適合你既弦線=粗幼X物料X牌子X保護” ,決定手感同音色既平衡去考慮就唔會有錯。最最最重要係大家必需要定期為結他換上新嘅弦線(最離譜聽學生分享佢彈左咁耐無換過線),弦線老化會影響音色,音色同手感變差絕對影響練習質素,老土講句:工欲善其事,必先利其器!

photo from madeit.com


數碼暴龍 ButterFly (Rainy Ver.)|結他 Fingerstyle

角色整理|太一的勇氣,不在細節

之前彈了一個 SAD Version,最後在昨天颱風時推出另一個版本,原來 Butterfly,我已經彈過三次,如無意外今次也是最後一次。說到底,最後的版本只是為了還原電影中的其中一幕,所以特地加入雨聲,也在上星期紅雨趕回錄音室拍攝,希望自行腦補一下當時沒播這催淚到爆的主題曲的遺憾。

毫無疑問,太一是陪著大家長大的重要角色。只是,你瞭解太一嗎?瞭解他的勇氣嗎?

幾乎看過動畫的都知道,在最重要戰鬥的一環,被選中的小孩幾乎沒有做甚麼,基本上就在旁邊打個氣,呼喊幾句「上啊」,基本上勝負就只能靠數碼拍檔。甚至有人認為,太一,是配不起這個勇氣紋章。

確實,太一的設定不像《鬼滅》炭治郎一樣完美無暇,太一衝動好勝,曾過度催谷暴龍獸進化陷大家於危機;太一長大不,經常莾撞將大家帶到前線危險之中,光子郎就比他成熟不少;太一對女孩不解溫柔,對感情猶豫遲鈍,難怪最後……而如果你也一樣,認為太一的勇氣就只流於表面,那你未免太低估《數碼暴龍》的團隊了。太一的勇氣,不在細節,在於大局。

太一平時可能不太正經,但當面對高壓電網,在自己安危與大伙的安全之間,他毫不猶豫選擇了後者,伸手穿過電網;好不容易回到現實世界,妹妹抱著他:「你可以留下陪我嗎?」;太一甩開了她的手,只說了一句,「亞古獸冇咗我唔得㗎。」,為著大家重返戰場;在 Tri. 甚至大電影,我們都不難看出,在最後關頭的大關節上,太一為大局犧牲自己時,這份抉擇就顯出真正的勇氣。

這份勇氣,沒有讓他一天到晚都光芒閃耀地完美登場。而是當時機到了,他總記得站出來戰鬥的理由,總記得為何而戰,為誰而戰。遇上不明自己的反對聲音,也不是被人挑撥兩句就情緒失控,鏡頭前面裝腔作勢恃強凌弱。

時至今日,香港的八十九十後都長大了,看大電影眼濕濕的男生,沒一萬也幾千。在這多事之秋,當中又有幾多人繼承這份勇氣?

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

數碼暴龍《Butterfly Rainy Ver.》

Guitar
Strings
Tuning
Mic/PU
Mic-Pre
Interface

Bourgeois Generation D
Pyramid Light Tension
C G D G B E
Telefunken ELA M260S
Sabatron AXIS200VU
Antelope Pure2

Share

五月天 突然好想你|結他 Fingerstyle

曾經的自己|人生若無悔,那該多沒趣啊

看完五月天的線上音樂會有感而發,拿著編 Digimon 的餘勁和調音,匆匆把這首歌再編一次,這首歌版本眾多,但最鐘情的卻是徐佳瑩的版本,是以成為我編曲的參考角度。

趁著今日星期日,坐在 studio 發呆,想起很多對上一次編的時候,那時我還未在長沙灣租了個劏房,還未夠十個學生,現在是峰弦導師的 Yo 姐還未著住校服來找我;想起當時辛苦儲錢終於買了我第一台 Leica M6 菲林相機。想起那時編這首歌的用的結他,錄音器材等等,甚至想起自己編完這首歌很狼狽地趕 Paper。

然而,我卻始終想不起,那個很幼嫩,說要想改變世界,要立心出國考個心理學家執照的自己。章子怡在《一代宗師》裡紅著眼說過:「落子無悔,人生若無悔,那該多沒趣啊」。對,平行時空下,又有誰知道,那個方向能成就更好的自己?也許命中註定,各式各樣的遺憾,其實是一步步讓你完成你人生必須做的事。

只是,突然好想那個不知好歹,而又固執倔強的那個自己。

突然好想你 你會在哪裡
過得快樂或委屈
突然好想你 突然鋒利的回憶
突然模糊的眼睛

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

五月天《突然好想你》

Guitar
Strings
Tuning
Mic/PU
Mic-Pre
Interface

Furch Blue OMc-SA
Pyramid Light Tension
C G D G B E
Telefunken ELA M260S
Sabatron AXIS200VU
Antelope Pure2

Share

容祖兒 小天使|結他 Fingerstyle

另類合作|第一次和媽媽 Crossover

今年母親節,決定重彈容祖兒《小天使》。其實說是新編也可以,對上一次彈是很多年前和坤哥的彈唱 Cover,倒是第一次以純獨奏的方式演繹。

呢條片最特別嘅地方,係片頭三個毛筆題字,是真的真的由我媽親手寫的(而且仲要寫咗幾十個俾我揀)。上年送媽媽去學書法時,也沒有想到最後可以這樣和我 crossover,未來我應該會大量徵召我媽的墨寶。
最後最後,請各位務必帶上自己的 headphone,聽一次 4K 的 YouTube 版,信我,冇呃你。當 Cedar 結他+膽 Mic Pre,再加上一對由美國剛抵港的手工制膽咪(KM184 可以說再見),暖嘅程度令你有如置身母親懷中的小天使。

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

容祖兒《小天使》

Guitar
Strings
Tuning
Mic/PU
Mic-Pre
Interface

Furch Yellow OMc-CR
Pyramid Light Tension
D G C F A D
Telefunken ELA M260S
Sabatron AXIS200VU
Antelope Pure2

Share

測評|Bourgeois Soloist 到底有咩咁神?

BOURGEOIS SOLOIST|用家角度的真實測評

半年後,因為要彈 “紅蓮華”,終於有時間和這支簽名琴相處一下。Bourgeois Guitars 被稱為”北美四大手工琴”之一,入門價為四千美金以上。而 Soloist 的地位,如同 Daytona 於 Rolex 中存在,堪稱為一個品牌的重要支柱。這個型號亦幾乎是 OM 資深發燒友的最終收藏品。
Soloist 對很多人來說都是傳說,往往只聞樓梯響,網上資源亦不多。於我成立峰弦峰語十周年之日,有幸成為其中一支的主人,也足以稱為此生無悔。作為為數不多的用家,我有責任將這份心意傳承下去,讓大家一睹他的真面目。

LiSA 紅蓮華|結他 Fingerstyle

穿越三十年的型號|名副其實親生仔

甚麼是 Soloist ? 讓我們回到時間 1988 年。於美國經濟大蕭條之際,Dana 和他的拍擋 Eric 向當時的 Martin Guitars 提議重造一批二戰前的復古型號 OM,並且加入當時來說設計非常大膽的 Cutaway。結果幾年後這個設計風行全球,各地結他廠爭相推出相同的桶形。而 Dana 通過幾年來不幾改良,讓這個缺角設計還原到絕大部份的音色,亦讓 Dana 被某些報導形容為 “OM Cutaway 之父”,”結他界的文藝復興推手”。
及後 Dana 為了紀念這個 OM Cutaway 的誕生,用上最好的木材(傳奇底側板巴玫是基本,及後改成馬玫)和那一絲不苟的匠心做出來的 OM Cutaway,就命名為 Soloist。至今這個型號已有三十年的歷史,是名副其實的 “親生仔”。
Soloist,具體來說是一支怎樣的琴?如果你打開 Bourgeois 官網發現,原來 Soloist 不像我們所想,有固定的木材配搭。當然,除了一樣的基本裝飾,你很少會見到兩支 Soloist 會是一模一樣的。面板,底側板,甚至 Body 通通都不同。
直到上年我有幸受邀到美國參觀 Bourgeois 結他廠,我方真正體會到甚麼是 Soloist 。

意外的考驗|和 Soloist 初次邂逅

記得上次旅程其中一個任務,就是打造一支屬於自己的 Bourgeois 。星期五早上,我和 Dana 以及 James (Sales Manager)在 office 閒聊,Dana 提出想認真聽我彈一次。雖然邀請突然其來,但幸好我出發前都略略準備過,於是我編了一首 Dana 鐘意的一首 Beetles 作品:Here, There and Everywhere (其實有拍埋片,有機會再睇下出唔出得街先)。
“It sounds great on you.” 最後 Dana 如是說。他指住 Soloist 分析:”Soloist 制作核心,最重要是細節 (details) 和清晰度 (clarity),是弦與弦間,珩與珩間的平衡,做 voicing 的時候必須加入這個想法。你在演奏風格和很多人不一樣,你很會用盡整個指板,Soloist 的全面性會讓你有更無後顧之憂,有更好的發揮。” James  也補充,Soloist 的分析力是幾乎其他型號沒有的。
要知道,一支分析力高的結他,意味著能帶出多種層次,及不同氣氛的還原度。但同樣地,一切不足都會被放大,容錯率將會很低很低,是一塊不折不扣的照妖鏡。Dana 這番說話,也就是無疑地挑戰我:”你,有信心做他的主人嗎?”

度身訂造|每一格音色都注滿骨膠原

接下來大概是我結他生涯中其中一個最難忘的時刻:Dana 陪我一起揀木,研究設計!他據我的發揮為我挑選了一套熊爪紋的意大利雲衫作面板,配上馬達加斯加玫瑰木。據 James 說,這套甚至是 Dana 其中一套珍藏!”這套馬玫比很很多巴玫更像巴玫!”James 如是說。同時 Dana 將我的琴改為 LSH ( Large Soundhole,也是 Dana 另一個有名的設計),這樣做,音色雖然較快散開,不過有幾個好處,提升頻度間的分離度,同時讓低頻有更好的下潛度,以及即使我加上如 Sunrise 這種音孔 Pickup,音量也有足夠的投射性(也有一個 side benefit 的,擴大了的音孔讓我拆 Sunrise 時甚至不用鬆一條弦!)
大家如果留意到,紅蓮華的 Tuning 是 AAEF#BE。你沒看錯,是真的把六弦的 E 降到 A 了,一般結他降到這個張力,不要說聲音好,就連維持這個音的力度也成問題。而我的 Soloist 於此低張力下不僅能維持這個低頻的,更絲毫無損他的飽滿感。一個小小的 OM Body,居然有可以媲美 Dreadnought 的低頻下潛度,是我之前彈過的 OM  都沒有體會過。更驚喜之處,他的高把位也是飽滿通透的,就像某個護膚品廣告一樣:”每一格音色都注滿骨膠原”。

後記|最後,到底誰才真的 Soloist?

從來結他,越高把位(有效弦距短)聲音越啞,越後越明顯(所以很多結他的超高把位可用程度甚低)。而 Soloist 彷如坐擁違反物理角度的黑科技,高把位盡如平地,無論音色和力量都和低把位無異。記得這支琴抵港那一天,日本殿堂級 Pickup 大師 M-factory 的三好先生也在香港作客。他如此評價過 Soloist:”能到達這個層次的日本制結他,大概不足 5%。”當然日本結他也盡皆精品,只是三好先生這句話,強如他見識廣博,也對 Soloist 讚嘆不已。
回到主題,說到底,Soloist 是甚麼?如果要形容 Soloist 是一支結他,我更認為 Soloist 是一個靈魂,一分執著。製作者執著於完美的平均性和無懈可擊的細節,而主人則執著於將他完美地駕御。
從來高處不勝寒,能堅持的人都是少數,本來就是孤獨的。或許這代表著,能和這個型號二合為一的人,才是真真正正的 “SOLOIST”?


LiSA 紅蓮華|結他 Fingerstyle

弦之呼吸,終之形|既然執著,就不要跪地求饒

其實學生們都好了解我,要我有動力去編一首歌,先要我中晒毒,大家不約而同日以繼夜咁推我落坑。就係咁,唔使一個星期,我已經萬劫不復,由一集都未睇過,變成睇晒並追至漫畫的最後更新。

當然我唔會喺呢度劇透,但如果你問我邊一集最好睇,我會答你第一集。

只少他不斷地提醒我,既然有還原一首歌嘅執念,就不要跪地求饒,求它讓你可以得過且過,輕輕鬆鬆地完成。要做的,就是像個男人站起來,不要和他人比較,就和你腦海的輪廓奮戰到底。彈到指甲也斷掉,雖不代表一定是好作品,至少也是光榮的戰績。

最後,為了連畫面都還原,第一次出埋外景,原來香港也有這種日系的竹林,多謝一班鬼殺隊(因為沿途鬼殺咁嘈)陪我行咗兩三個鐘搵呢個目的地。

LONG FUNG T.

FOUNDER & DIRECTOR-GENERAL

峰弦峰語創辦人,Bourgeois Guitars 官方指定 Artsits。成日以為好得閒一日到黑彈結他然後結果做足廿四小時 Admin 嘅行政總監。

LiSA 紅蓮華 《鬼滅之刃 OP》

Guitar
Strings
Tuning
Mic/PU
Mic-Pre
Interface

Bourgeois Soloist Custom
SCGC Mild tension
A A E F# B E
Neumann KM184 + PM-500
Sabatron AXIS200VU
Antelope Pure2

Share