弦釘材質大比拼
弦釘材質大比拼
到底弦釘有咩作用？
烏木弦釘、玫瑰木弦釘、牛骨弦釘
用唔同弦釘材質嘅結他聲有咩分別？
前言
之前都有同大家分析過唔同嘅木材對於結他聲音嘅影響，例如玫瑰木 (Rosewood) 嘅高頻同低頻比較多，聲音有立體感，而桃花心木（Mahogany) 就集中喺中頻同低頻，聲音聽落比較平衡。但唔講都唔知，原來弦釘 (guitar pins) 體積小小，佢地嘅材質對於結他聲音都有好大嘅影響㗎。究竟有啲乜嘢種類嘅 guitar pins 材質？結他音色聽出嚟又會有啲咩分別呢？今日就同大家仔細分析下啦～
Guitar pins 有咩作用？
弦釘嘅作用係固定弦線、洽接結他弦線（strings）同埋琴橋。 Guitar pins 亦都係用黎傳送能量，由 strings 去到 pins、saddle、bridge 同埋 top，仲有就係減少係傳送過程嘅 energy loss。
塑膠弦釘 (plastic)
弦釘嘅材質都有分好多種。多數比較平嘅結他會用塑膠弦釘，聲音會比較鈍。搖上手會無乜高頻，另外，音量都會有影響㗎。塑膠弦釘會令結他聽落細聲咗。所以價錢越貴嘅結他都會偏向用比較好嘅木材或者骨類黎做弦釘。公認比較好嘅材質會係烏木、牛骨或者其他骨類，用咗唔同 guitar pins 嘅結他聲音會有唔同嘅特性，往往都會比塑膠好得多。
塑膠弦釘
木弦釘
木弦釘嘅聲音聽落會 warm d，聽得出比較多 body 嘅聲音。烏木弦釘 (Ebony) 同埋玫瑰木弦釘 (Rosewood) 係比較 popular 嘅選擇 。
烏木算係質地比較堅硬嘅木材，接近骨釘。佢係木弦釘入面密度最高嘅，有趣嘅係，佢直頭係會沉於水，可想而知佢嘅聲音係木弦釘入面黎講都係會比較結實。好多高階嘅結他都用佢來做指板、琴橋同埋弦釘。用咗烏木弦釘嘅結他延音增長的效果也不錯，低頻有延展性、高頻較弱一些。
烏木弦釘 (Ebony)
烏木弦釘 (Ebony)一般較受男生歡迎。
至於用玫瑰木弦釘嘅結他就會係高頻比較突出，明亮而且有穿透感，低頻量感就比較少。聽落聲音係比較甜 d ，同埋有 reverb ，中意甜甜聲音嘅人不妨考慮下用玫瑰木弦釘。
玫瑰木弦釘
木弦釘
牛骨弦釘係想要換骨類弦釘嘅朋友比較入門嘅類別，而且佢嘅CP值比較高。音色方面，用咗牛骨弦釘嘅結他音色比較響亮同埋硬淨，尤其是高頻會比較突出。另外，佢嘅質地比較硬，無咁容易劣化，換句話嚟講亦會比較耐用。而且因為佢質地堅硬，會令結他聲音顆粒感較佳，延音都不錯。掃 chord 嘅時候，結他嘅低頻亦會有明顯提升。
牛骨弦釘
用咩材料去整結他其實都有好大嘅學問，如果大家想了解多啲，就記得留意住我哋嘅網站喇～另外，我地 Funguitar 門店都有提供專業嘅 setup 服務，如果唔知道揀啲咩 guitar pins 或者唔識整都可以上嚟搵我地嘅結他 specialist 幫手，我地仲可以將結他調整到合適最適合你嘅手感添~
揀結他 - 面板篇（中）：進階木結他面板攻略
揀結他 - 面板篇（中）進階木結他面板攻略
其實 Spruce 面板又點止得 Sitka Spruce 一款呢？
前言
上回提要，我哋介紹咗兩款最主要嘅結他面板，分別係 Cedar 同埋 Sitka Spruce。但係作為結他愛好者嘅你，通常當你擁有過一兩支結他之後，唔多唔少仲會有內心空虛嘅感覺。作為進階結他愛好者，以下呢四款比較少見嘅進階面板，你一定要認識啦。
（如果大家錯過咗上一篇《揀結他 – 面板篇（上）：Sitka Spruce vs Cedar 全攻略》，可以去返我哋嘅網站 funguitar.com.hk )
Adirondack Spruce - 歷史洪流下屹立不倒，面板界金字塔的頂端
如果你需要更大嘅音量，更厚實嘅音色，咁 Adirondack Spruce 就係你嘅不二之選了。又名 Red Spruce，學名係Picea rubens，要追溯呢個面板嘅黃金時期，就要去到第二次世界大戰之前嘅時候，Adirondack Spruce 可以話係當時最主流嘅面板配置。時至今日，Adirondack Spruce 仍然喺普遍認知下，認為比 Sitka Spruce 更高階嘅選擇。外觀上大多數 Adirondack 嘅木結他會比 Sitka 更白（ Sitka 大多淺啡色，帶點 Pink Hue）。木紋色差較少而間距較闊。由於”白雪雪”同埋木紋疏落不一，所以也有着很好的辨識度。
喺音色上， Adirondack Spruce 非常厚實，各個頻段都飽滿有力，超強嘅 Articulation 會令你彈獨奏時嘅主旋律非常立體，並具擁有很高 Ceiling Level 嘅音量，極大力度去彈亦不易出現破音。我個人最鐘意嘅係當 Adirondack 結他慢慢變成一支舊結他後，音色會變得非常醇厚，就好似紅酒一樣。
要留意嘅係，由於呢種面板嘅剛性比較大，所以一般需要更大嘅推動力先可以駕馭，例如有留指甲彈 fingerstyle 嘅客人，或者指關節較大，勾線力道較大，甚至用 pick 嘅結他手。勾線力量較弱嘅同學仔彈呢種面板，就未必達到足夠嘅輸出，從而發揮唔晒成個面板嘅表現。
總括而言，Adirondack Spruce 喺好多位結他手心目中留低咗一個黃金位置，可以話每一位結他收藏家都至少有一支或以上。
Adirondack 木纹疏密不一
European Spruce - Fingerstyle 愛好者新寵，如奶油般超甜高頻
另一款大熱進階選項，就係 European Spruce (Picea Rubens)。比起呢個名字，其實我哋更多會叫返佢生長嘅地區位置，例如佢嘅生長位置喺德國嘅山脈，我哋就會叫佢做 German Spruce，如此類推。最常見嘅有German Spruce, Italian Spruce, Swiss Alpine Spruce, Carpathian Spruce 呢幾款。
外觀上，歐洲雲杉顏色呈 Creamy 奶油白，加上木紋相當綿密，遠睇落去好似油畫，相當漂亮。唔少 European Spruce 亦都會帶輕量嘅熊爪紋（bearclaw figure） 相當討喜。音色方面，佢有接近 Adirondack Spruce 嘅厚實及音量，但剛性較低更易推動。根據我嘅親身經驗，European Spruce 嘅結他高把位係非常之甜，我會形容為好有黏性，一粒貼住一粒，用黎彈 Ballad 嘅慢歌真係會令人停唔到。以至於我高度推介呢種面板俾所有彈 fingerstyle 嘅客人。
咁當然我哋講開 European Spruce，又點少得講埋 Moon Spruce 呢？我哋下一節再討論。
German Spruce Top
無論外表或聲音都很 Creamy 的 Italian
Aged Tone Spruce - 唔使彈幾十年，都可以擁有老琴嘅音色
第三款要講嘅，其實唔係一個品種，而係一啲經過後期處理嘅面板。佢嘅原理係透過將原材料進行加熱，例如係焗爐，令到佢原料嘅水份，及油分加速蒸發，不但減重後能提高發聲效率，更重要係營造出一種自然風乾，好似一支舊結他擺咗好耐嘅音色。
唔同嘅結他廠商，做法及叫法都有分別嘅。例如會叫 Aged Tone Top, 或者係 Baked Top, Thermal Top 等等。煮過嘅木，會呈現出接近茶色嘅狀態，望落又真係幾似一啲由六十年代第二次世界大戰時期嘅舊結他一樣。聲音方面，中頻乾爽帶有力，迴音更長，泛音亦很豐富，呈現出舊結他先有嘅 Open 感覺。由於比起一般 Spruce Top 更輕，更易駕馭，都係好適合指力不大嘅結他手，加上復古風當道，近年都有唔少人追捧呢個面板，例如 Bourgeois Guitars 嘅 AT Adirondack 就非常出名了。
Aged Top 結他真係會令人有一種穿越時空嘅錯覺
Aged Tune Top
Redwood - Cedar 及 Spruce 嘅混合體，暖入心嘅音色
最後一款要介紹嘅面板就係 Redwood 啦。 生長喺美國嘅 Redwood 係一啲非常高大嘅樹嚟。以前嘅主要用途係用黎作為一啲大型結構嘅支撐，或者用黎做傢俬，例如美國好多隧道都係用 Redwood 去樑架的。
外觀上，Redwood 大多呈暗紅色，木紋非常幼細，但剛性比起 Cedar 硬淨得多了。音色上，由於 Redwood 擁有近乎 Spruce 嘅剛性，會令到呢一種面板喺類近 Cedar 嘅溫暖基礎上，有著好似 Spruce 嘅顆粒感 (articulation)。中低頻柔和很 Woody，Low end 比起 cedar 更實淨（Cedar 比較融化），高音明亮乾爽。很適合用黎彈一啲比較滄桑嘅歌。講開 Redwood，當然一定要講埋更好高階我哋仲有 Sinker Redwood，下一節記得留意了。
Redwood Top 木纹嘅深度好令人著迷
結他 pickup 分類懶人包
結他 pickup 分類懶人包
唔同種類嘅 pick-up 有咩分別？
一文教你分清
4種 pick up
前言
上一集《電木結他到底存唔存在？》除咗教大家分清木結他、電木結他同埋電結他之外，亦都有輕輕同大家講過拾音器 (pickup) 。咁就就再同大家詳細講吓各種 pickup 啦~
Active pickup VS Passive pickup
首先大致講吓 pickup 嘅分類！Pickup 最主要係分兩種，主動式 pickup (active) 同被動式 pickup (passive) 。2隻 pickup 最大分別係主動式 pickup 需要插電，被動式 pickup 唔需要。另外， active pickup 通常個聲會好啲，因為有電會比到足夠嘅power推落去，而 passive pickup 會比較倚賴外在嘅 preamp 好唔好聲。
4種 pickup 大比拼
除咗以上講嘅 active pickup 同 passive pickup，pickup 仲可以分呢四種，分別係下弦枕拾音器 (Undersaddle Transducer) 、麥克風式拾音器 (Mic) 、磁性響孔拾音器 (Magnetic pickup)、面板吸附式拾音器 (Piezo pickup) ，佢地分別裝喺唔同嘅位置。
下弦枕拾音器 (Undersaddle Transducer)
下弦枕拾音器係係下弦枕下面裝一條感壓拾音棒，接收弦嘅震動再發聲。佢嘅好處係唔容易有 Feedback，而且弦嘅聲音明顯直接。不過要裝呢種 pick-up 就要喺下弦枕上面開孔，會破壞咗結他本身。
好多人都會因為唔想破壞結他本身而選擇其他種類嘅 pickup 。
麥克風式拾音器 (Mic)
呢種 pickup 會接收曬一定範圍內嘅所有聲音，包括結他彈奏聲、敲擊聲、就連環境聲都會收埋，音色亦都好似乎 Mic 嘅質量。
如果係太嘈嘅地方呢種 pickup 就無禁啱用喇~
磁性響孔拾音器 (Magnetic pick up)
呢種 pick-up 安裝係 sound hole 嘅邊緣，係4種入面最容易安裝嘅，好多人都會揀呢一種 pickup ，所以我相信有彈開結他嘅人應該都對佢唔陌生。佢嘅原理係用六條磁柱架係 soundhole 上對住弦，透過弦嘅震動同藎電磁鐵產生磁場方式收音。佢唔需要鑽窿就可以裝到，所以唔洗擔心破壞琴身，或者拆卸後係結他上留底一大個窿。
我自己本身都係用呢種 pickup 嘅~
面板吸附式拾音器 (Piezo pickup)
面板吸附式拾音器顧名思義係癡喺結他面版上吸音，佢亦都係唔需要破壞結他就可以收到音啦。面板吸附式拾音器主要係靠面板嘅震動黎收音，但因每支結他用嘅木材同各種材料都唔同，痴係唔同結他或者唔同位置個音色都會有啲差別嘅。
Piezo pickup 嘅外型有少少似醫生聽筒~
有啲 Fingerstylist 亦會用雙拾音系統(Dual source system)。呢隻 T903 就包括咗 Sound hole magnetic pickup 同埋 Condenser Microphone，所有指彈敲擊技巧令 (percussive fingerstyle) 都可以充分發揮。
Dual source system 嘅 T903。
我哋舖頭都有唔同嘅 pick up 售賣，大家如果分唔清、唔識裝，又或者想再了解多啲都可以向我哋嘅 specialist 查詢~
木結他、電木結他傻傻分不清？
木結他、電木結他傻傻分不清
電木結他呢個傳說到底存唔存在？
拆解佢地外型同聲音上嘅分別
onbroad preamp 又係咩黎？
前言
木結他？電木結他？電結他？我諗好多初學者都會分唔清楚呢幾種結他。尤其是係電木結他，簡直好似一個傳說咁，都唔知道到底係存在定唔存在。咁到底電木結他係咩嚟？佢同普通木結他又有啲咩分別呢？
咩係電木結他？
其實坊間所講嘅電木結他就係加咗 pick up（拾音器）嘅木結他。禁到底 pick up 係咩黎咖呢？唱歌嘅時候，大家都需要 mic 去放大把聲， pick up 喺結他度就係類似 mic 咁樣嘅角色。所有木結他，只要裝 pickup，就可以插amp，咁佢就係電木結他啦～隨着 busking 嘅興起，大部份人學結他都係想出去 busking 或者表演，而一般嘅木結他音量有限，出 show 都需要駁 amp 去放大結他聲，所以而家絕大部份人買結他嘅時候都會選擇有 pick up 嘅木結他，就算冇，都會後期裝落去。而彈奏嘅方法同音色方面，木吉他同所謂嘅「電木結他」都係無乜特別差異嘅。
禁點至可以係外型上分到佢係咪電木結他？有2個線索！第一，如果佢係電木結他，你會見到結他旁邊有舊野，呢個其實係一個 onbroad preamp 黎嘅。點解要有 onbroad preamp 呢？因為有好多時候 on show 如果想調整音色，結他手都會好無助要向台下求助，有咗 onbroad preamp，就方便好多，可以自己黎喇！除咗 EQ 之外，有啲 onbroad preamp 仲可以比你較埋 volume 同有埋 tuner～ 雖然 onbroad preamp 真係好方便！不過佢都會增加結他重量～ 第二，當你反轉結他，你會見到佢嘅底部有一個插線位，比你插條 mono guitar cable，不過結他有好多唔同嘅收音方法，亦都可以插 stereo guitar cable 嘅！其實 pick up 有好多種嘅，今次就係度賣個關子！如果大家想了解得深入一啲，就要留意住我地 Funguitar website 喇～
呢個 onbroad preamp 就有齊 volume 同 EQ 喇～
掉轉結他可以見到插線位～
電木結他同電結他嘅分別？
至於木結他同電結他最主要嘅分別就係發聲原理唔同，木吉他係靠彈撥結他弦線同琴身共鳴發聲。電吉他就係以拾音器產生訊號，連接吉他音箱發出聲音，佢哋係兩種唔同嘅嘢嚟㗎～
如果大家都仲係唔清楚，不妨係上黎舖頭直接問我哋嘅 specialist 或者係 Instagram/WhatsApp 向我哋預約 private session 慢慢問、慢慢試結他。包保解答到你嘅問題，同埋幫你揀到心水結他！
揀結他 - 面板篇（上）：Sitka Spruce vs Cedar 全攻略
揀結他 - 面板篇（上）Sitka Spruce vs Cedar 全攻略
你不可不知木結他界的「紅白大戰」
前言
每當說起木結他材料，很多人都會用背板材料作為討論話題，例如：「你支結他係桃花芯木定係玫瑰木啊？」；「嘩，你支 Cocobolo 啲木紋超靚喎！」；「你就好啦，傳說中嘅巴玫（巴西玫瑰木）你都有 ！」但其實大家知道嗎？原來木結他面板，才是對音色最大影。
很多不熟悉結他的客人或學生，一般都以白木（Spruce）及紅木（Cedar ）來稱呼，其實當然紅木及白木遠不止這兩款，但這兩款材料差不多覆蓋了市面上 99% 的結他了。今次我就從外觀，罕有性，價錢，音質及使用心得等角度，總結一些心得給大家參考。
Sitka Spruce - 90% 結他手最少擁有過一支
圖為 Dowina Guitars Danubius – Sitka Spruce Top
我們常說的白木，正式叫做「雲杉」，在種類上的學名又名 Picea，全世界雲杉分類多達幾十種，大多的雲杉樹都長得很高，可以到 60 米或以上，高過中環的摩天輪！而坊間最最最普遍的 Spruce，也就是我們口中的白木，就是 Sitka Spruce 了。
Sitka Spruce 的學名是Picea Sitchensis，在 Spruce 的家族當中絕對屬於巨人級別，可以高達 90-100米， （「進擊的巨人」的超大型巨人才 60米高），從外觀上，Sitka 雖然被稱為「白木」，但其實比起同類，Sitka 並不是純白色的，而是帶上黃啡，甚至淺粉紅的色調，並且木紋上的對比度非常強烈，有著明顯的色差。木紋的間隔也相對參次，在同一塊結他面板上可以同時有著密集及疏落的木紋間距，也是盛產熊爪木紋 （Bearclaw）的品種（我們下次討論）。
Sitka 的木紋樣式豐富得很
從這棵樹的巨人身形，我們不難解釋 Stika Spruce 的普遍性，加上生長週期快，令到這個品種的供應長期充足穩定，價錢亦因此較「貼地」，因此上至數十萬的頂端手工木結他，下至數百元的面單（Solid Top）的結他，都可以見到 Sitka Spruce 的身影（但級數上當然有重大分別就是了)。
你的主力結他，是不是 Sitka Spruce 呢？
Western Red Cedar - 讓你想起古典音樂的溫柔
圖為 Furch Guitars Yellow Gc-CR – Cedar Top
我們常說的紅木，正式叫做「雪松」或「紅松」，學名為 Thuja Plicata，成熟的 Cedar 可以高達 50-70 米。外觀上 Cedar 標誌性呈紅色，最深可以如紅酒一樣的深紅色，也可以是較接近帶淺啡的粉紅調（是的，甚至可以淺色得很像 Sitka Spruce）。不過木紋上，比起 Sitka 的「任性」，Cedar 的木紋整齊得多了，大部份的 Cedar 的木紋直而細密，色差也相對較少，遠看 Cedar 的面板，感覺像用油漆油上去一樣，所以大部份 Cedar 結他都非常漂亮。
Cedar 的木紋遠少少肉眼都睇唔到
Cedar 面板最初期常出現於古典結他，主要原因為是 Cedar 較 Spruce 軟（我們習慣將 Cedar 歸類似 soft wood，Spruce 歸類為 hard wood），因為較少的力量已可推動其震動，很適合拉力較小，古典結他上的魚絲結他弦。
隨著 fingerstyle 興起，越來越多人追求音色多樣化，Cedar 面板也漸漸在鋼線結他上普及了，歐洲製造的鋼線結他也常常見到 Cedar 的身影，跟 Stika 一樣，Cedar 也是價錢較入門的材料，由幾百到幾十萬的結他也會見到 Cedar 的影子。
在我中二那年，我得到了人生第一支木結他，正正就是一支 Cedar 的古典結他。
音色對決！「白兔糖」 vs「 朱古力」
我哋係 Furch Yellow 嘅測試入面，曾經朱古力作為比喻
實戰中，Cedar 與 Sitka 音色上又有何差異了？在 Funguitar Store 獨家代理的歐洲品牌中，有很多品牌都會同時推出 Sitka Spruce 和 Cedar 不同面板，但相同型號的結他（也就是同款背側板，同款 Body，只有面板不同）。為了快速讓學生或客人領悟到最標誌性的差異，我常常會問一個問題：
「你鐘意食白兔糖定係朱古力？」沒錯，利用兩者的口感上分別去比喻兩者的延音（Sustain）風格，實在太適合了。
大家食白兔糖時會發現，即使放在嘴裡一段時間，我們仍會感覺到它的存在，它不會一下子就消失，而是在口中慢慢地縮少（你還是會感覺到它存在）。對了！Spruce 的延音性就是這樣，延音具有非常好的顆粒感，即使過了數秒後，仍然很容易聽出它的基礎頻段（Fundenmental Frequency）。
因此，我們常常稱 Spruce 結他具有明顯的線條感，特別是在很高把音，較 Cedar 集中，具有相當好的穿透力，容易彈出很乾淨的音色，對於喜歡層次分明的 fingerstyle 結他手，Spruce 能夠很大程度地突顯出旋律的張力。另外，音色爽快的特性也令到用 Spruce 結他掃 chord 更明亮更有力度，用途廣泛。
至於 Cedar 呢？Cedar 的延音就好像食高級朱古力一樣，入口即溶，往往在不知不覺間從你的嘴巴消失。歸因於 Cedar 密度較低，其柔軟性會令音色傾向化開而不是集中，並向中低頻段散開去，以至 Cedar 結他的高把位旋律感較 Spruce 的隱晦，但換來更多泛音的多樣性。那份溫柔地化開的中低頻，也就是我們所說的溫暖（Warm）及更有木味（Woody）。
在彈一些慢歌，Ballad 風格的 fingerstyle，Cedar 添加的小魔法會直接浪漫地俘虜了你的耳朵，也是音色乾淨的 Spruce 結他不能取代。掃 Chord 表現方面，Cedar 結他或者沒有 Spruce 結他表現的風格全面，但 Cedar 結他對於一些節奏疏落的慢歌，也受到很多人追捧，有一種「讓浪漫的情歌更浪漫的感覺」。
冇錯，有冇用 Cedar 掃下慢歌，係冧少少
總結：分清用途，兩者皆值得擁有
你現在能分辨出滿牆的 Cedar 和 Sitka Spruce 嗎？
唔同品牌，差異性都好大
之不過，你以為這個話題結束了嗎？不，其實才剛剛開始！你聽過被稱為面板之始祖的Adirondack 了嗎？你知道甚麼是 Sinker Redwood嗎？對，在下一章，我們會講講一些更進階的面板。（其他精選內容：https://www.funguitar.com.hk)
每一支手工結他，都是靈魂最深處的出口
每一支手工結他都是靈魂最深處的出口
深入探討北美四大手工琴 Bourgeois Guitars 嘅魅力（下）
前言
上回提要我哋講到 Bourgeois Guitars 嘅歷史，今日等我介紹下其中一啲型號，同埋分析下揀琴攻略先！各位七叔準備好未？（銀包！銀包！）
Country Boy - 樸實可靠的入門型號
OM Country Boy
Country Boy 嘅 Mahogany 真係會嚇親你
Vintage - 極致復古的熱賣型號
一聽個名就知道呢一支係琴根據二十年代嘅舊 Martin 型號致敬嘅品牌。成支琴以復古作主題，配以象牙白色的 Binding 及 Herringbone ，隨著時日漸變泛黃色嘅復古氣息立即湧現。加上最高水準嘅 East Indian Rosewood，在音色上會讓你大吃一驚！平衡飽滿，更帶有古老結他的個性。
揀琴攻略 ：係 2019 年第一次引入返黎嘅 Bourgeois，就係一支 vintage 嘅型號，仲要係 Namm Show Collection，為咗紀念，呢支琴係非賣品，只係俾大家用黎出下 show 錄下音。全 Aged Tone 嘅音色，加上 Indian Rosewood 嘅玫瑰木味，每年至少有三四個人問我呢支琴賣唔賣。另外都間中有啲專業錄音師專登走上黎借結他去錄嘢，超受歡迎！
Dreadnought Vintage
Vintage 嘅 Indian Rosewood
DB Signature - 最引以為傲的招牌作
由 Dana 親自設計，故命名為其 DB Signature。其三拼色 Herringbone 比起一般更有層次，火紅色嘅 Koa Wood Binding 帶有極強烈立體感，屬高辨識度嘅招牌作，配有 Madagascar Rosewood 做底側，係中階結他嘅不二之選。
揀琴攻略 ：馬達加斯加玫瑰木，我個人嘅想法係比起一般印度玫瑰木絕對係大大嘅升級！更立體嘅包圍感及更豐富嘅 Sustain 都係 upgrade 去 Madagascar 玫瑰木嘅主要原因。最深刻嘅係三種木合拼出黎嘅 Herringbone 加埋木 Binding，實力派之餘收藏價值都滿分。DB Signature 都應該係訂過最多嘅 Bourgeois Guitars。
OM DB Signature
DB Sig. 嘅三色拼木 Herringbone 真係好吸引。
Soloist OM - Cutaway 之父的親生仔
多得 Dana 在八十年代的努力，終於令 OM 重回呢個市場上，加上八十年代時屬於非常創新嘅缺角設計，令呢個桶型在九十年代起迅即成為結他界嘅寵兒。Soloist 正正就係代表住 Dana 呢個成就，亦係最不可妥協嘅型號。Madagascar Rosewood 配上 European spruce，利用佢為 Soloist 調較嘅 Voicing 技術，其細節豐富得嚇人，高把位近乎每一格顆粒感都清如水晶，壓場感亦係相當驚人。
揀琴攻略： 當日去到美國，我已經第一時間俾呢一個型號攻陷，以致我喺現場已經決定馬上訂一支，又可以自用，又可以喺香港令大家都有得聽。我揀嗰支配咗 Italian Spruce，音色溫柔而集中，配合馬玫嘅個性，好多本身準備好差唔多 Budget 嘅客人聽完我呢一支，都忍唔住想跟我訂返同一支。如果話令 Dana Bourgeois 一戰封神，令全世界認識到佢嘅型號，非 Soloist 莫屬。
Soloist
最極玫嘅 Soloist 用上 Brazilian Rosewood!
Odyssey Model - 全新型號，革命性發聲引擎
2021 年由 Dana 研發嘅樑架設計 Double X Bracing，為結他界帶黎全新驚喜，比起傳統反射式擺位，在背面上用上類近面板嘅設計，減輕底側的重量，令底側版有如面板都反應，其創新設計帶來極豐富細緻的音色，在音域上也擁有更好更有較的延伸性。
揀琴攻略： 如果你問我，人生要揀一支 Bourgeois，而你又覺得 Neck Joint 喺 12th Fret 已經夠用，咁呢一支一定係我最推薦嘅型號。Soloist 細節更多，更適合追求每一粒音色都完美無暇嘅樂手，相對對結他手嘅要求更高。而 Odyssey 呢個型號可以話最音色最豐富之一，當你想像到面板在發聲嘅同時，背板都都參與其中，而唔似一般結他背板只係將聲音反射，所以 Odyssey 呢個型號最令人印象深刻係非常非常之厚聲。亦可以話係等同於 Dana 做人嘅哲學，不斷自我提升，追求更高嘅層次。
OMSC Odyssey
想像一下當背板成日第二面板一樣協助發聲
結論：豐檢由人，但初心不變
要擁有一支 Bourgeois，好多客人或者學生都有一個好似想娶老婆嘅心態。當然無論係音色或外觀細節都會，都會同大家嘅預算息息相關，但相信我，哪怕係最入門嘅 Generation，你都會有一種前所未有嘅體驗，學我其中一個制琴師朋友話，人生，絕對要彈過一支 Bourgeois ！
歷火重生香港難得一見傳奇結他面板
測評Bourgeois Guitars x Tunnel 13 Redwood
香港罕見傳奇面板Tunnel 13 Redwood x Bourgeois 家族誕生
Tunnel 13 Redwood 毒性持續曼延，到今日我支 Tunnel 13 Redwood DS12 已經多咗兩個細佬妹啦。連第四支都準備出世，短短一年內四支傳說級面板嘅結他抵港，速度之快，連 Bourgeois 果邊都嚇一跳。我諗起一年前去 Bourgeois 廠，我同自己講，我要將最好嘅嘢帶返黎香港，係因為，香港真係仲有好多好有心嘅結他手。佢哋擁有最好。
講返 Tunnel 13，到底我點樣同呢一套傳奇之木結緣呢？
歷火重生
百年隧道紅木華麗蛻變
自 1880 年起，Tunnel 13 已為美國加洲其中一條常用的隧道，全美國最後 一宗黃金火車械劫案就是在這裡發生。於 2004 年，Tunnel 13 因火災而清拆，竟發現在灰燼裡剩下用作支撐隧道的木材，是約有 2000 年歷史，擁有絕頂音色的紅木！那就是稀有木材 Tunnel 13 Redwood 的由來。
長達一世紀（120年）的自然風乾，加上長年受火車路經時的震動，這些經歷讓這些本已珍貴的木材，變得更適合作結他製作。不要忘記，作為可以承受火車重量的木頭， Tunnel 13 Redwood 是擁有不尋常，甚至超越雲衫的剛性。不單傳震度大大提高，聲音亦更為通透，比起一般紅木有更好的高頻和力度，同時不失溫暖感。
說話啱啱從 Bourgeois Factory 返到香港之後，某一個星期我俾一個 YouTube Notification 叫醒咗。見到我嘅美國嘅朋友 Matt Chulka 出緊一個評測，當時嘅我之係用手機嘅 Speaker 彈，但一聽成個人醒了。
那時，我第一次感受到 Tunnel 13 Redwood 嘅魔力。
由於呢種咁傳奇嘅面板係坊間可能少於 100 套，所以我都用咗少少時間先搵到得四套（筆按：現在都不太可能找到原料了），佢哋都係火災後重生嘅隧道木，長時間自然風乾嘅威力不是說笑的。Bourgeois Factory 收到這幾套原料是，甚至說過可能係佢哋近年收到最好聽嘅紅木之一。跟一般 Cedar 不同，這套木的剛性十足，音量飽滿，高頻帶有很濃厚的 Woodiness，顆心感幾乎可以與 Spruce 媲美。
限量四支Tunnel 13 Redwood 結他陸續抵港
Bourgeois Factory 的四支 Tunnel 13 Redwood 分別為以下配置。
- DS-12 / Tunnel 13 Redwood x Cocobolo
- Slope Dreadnought / Tunnel 13 Redwood x Cocobolo
- OMSC / Tunnel 13 Redwood x Cocobolo
- OMSC / Tunnel 13 Redwood x Cuban Mahogany
當中另一支較深刻的就是第四支，因為用上 Cuban Mahogany，音色實在很驚人，非常溫暖。我用了來彈張敬軒的《百年樹木》，大家聽聽就知道了。
當你人生中，擁有過第一支 Bourgeois 之後
當你人生中擁有過第一支 Bourgeois 之後
深入探討北美四大手工琴Bourgeois Guitars 嘅魅力
前言
如果以豪華程度黎形容一支木結他，你可能會話，以貝類做鑲嵌嘅面板或者指板，就已經係頂峰了！而一度認為呢個係一個事實嘅你，好快就會被以下呢一琴刷新了三觀。因為這支琴，鑲嵌的是 18K 金！沒錯，北美四大手工之一，也是 Funguitar Store 最早期引入的品牌 Bourgeois Guitars，最近迎來了 #9999，#10000，#10001 這三支琴，也是由 Dana Bourgeois 親手完成呢個品牌嘅第一萬支琴，Dana Bourgeois 製琴逾 45 年，喺外國已經去到一個結他界嘅傳奇之一，亦都係好多結他手夢寐以求嘅畢業禮物，到底呢個傳奇手工品牌嘅魅力在哪裡？
據說入面的 18K 金，也要 20 萬了。
我和 Bourgeois 的結緣之旅
可以同 Dana 一齊做嘢做咗一個星期，不枉此行。
沒有他，就沒有 OM Cutaway
到底 Dana Bourgeois 係點樣一步一步，行到嚟北美四大手工琴之一呢？咁樣我哋由 1975年開始講起。喺當年仲返緊大學嘅 Dana 已經搵到佢嘅人生目標，於是乎佢喺自己嘅宿舍製作左第一支結他。幾年後佢已經開設個人結他維修工場，亦已經接咗一啲手工嘅結他嘅訂單。係當時好多結他手，都彈緊一啲好古舊嘅 Martin 結他，所以 Dana 不乏維修 Martin 結他嘅生意。而過程中佢認識到一位收藏家 Eric Schoeberg，從而接觸咗好多罕有嘅古代樂器。兩位一拍即合，佢哋都覺得其實呢個世界係需要一支好似古典結他一樣，又平均又溫暖嘅鋼線結他。所以佢哋就揀咗 Martin 結他嘅復古型號 Orchestra Model （OM）作為基底，然後加入咗喺當時仲係非常非常之革新嘅設計：缺角（Cutaway） 。當時大家並不看好，以至於大家已經可以諗到，其實冇乜人願意投資落去俾佢地發展。
製琴中的 Dana Bourgeois
鋼線結他界文藝復興的推動者
大約去到 80年代尾，當時正值美國嘅大蕭條，好多全國嘅工業都開始倒閉，Dana 就同 Eric 直接去搵左當時 Martin 結他合作。當時Martin 嘅想法大約亦都係覺得希望藉住呢個合作，能夠保住工人嘅飯碗，捱過呢個經濟艱難嘅時候。所以 Martin 願意借出工廠協助Dana 同 Eric 去製作第一批 OM Cutaway。結果係幾年之後，呢批琴大受歡迎，最終都令世界認可 OM Cutaway 呢一個設計， Dana Bourgeois 就開始越黎越多人認識啦。有外國嘅記者，亦叫佢做去叫佢做鋼線結他界文藝復興嘅推動者。
大概有二十人的團隊。
Bourgeois 的靈魂 - Hand Voicing
咁到底 Bourgeois Guitars 嘅音色點解會咁受到大家嘅追捧呢？其實係手工木結他製作過程，聲音好大程度係受到製琴師嘅經驗影響。我好記得 Dana曾經同我講過一句說話：Every piece of wood has a chance，意思即係話其實每塊木頭，都有機會成為好嘅結他材料。當然材料本身嘅好壞會有影響，但更重要就係製琴師嘅經驗。而 Bourgeois Guitars 呢一萬支琴全部都係由佢一手一腳去做Hand Voicing。
到底係 Hand Voicing 一個點樣嘅步驟呢？就係當面版同埋背板完成拼板及貼上樑架後， Dana 就會透過不斷敲打唔同部份，搵出音色嘅特性，然後透過不斷去修改樑架嘅重量同埋形狀，令到呢塊材料能夠表達出多樣性嘅頻率，音色表達更加豐富。所以和廠琴唔同，每一支好似藝術品一樣完美嘅手工結他，都傾注了 Dana Bourgeois 嘅心血。
Voicing process.
後記："I am still trying to do it right."
喺酒局嘅尾聲，我問 Dana 你係點樣去形容自己嘅成就呢？Dana 送咗呢一句說話俾我：”I am still trying to do it right.”。就係呢一份想法，呢一份謙虛，呢一份對個人自身嘅追求，大概就係 Bourgeois Guitars 嘅精神，亦係人類文明進步嘅原動力。
冇記錯，Dana 教緊我 Bridge 嘅放置位置，用黎決定面板嘅方向。
型號介紹
Country Boy樸實可靠的入門型號
既樸素也帶有忠誠可靠的褒義。以樸實的外觀作包裝，簡單的 Toteroise 黑邊，加上 Adirondack 配以 Mahogany 強大有力無音染的中頻，其乾爽有力的現場感深受錄音室歡迎，是很多溫暖派愛好者的初燒之選。
Vintage極致復古的熱賣型號
整支琴以復古作主題，配以象牙白色的 Binding 及30 年代的 Herringbone ，隨著時日漸變泛黃色的復古氣息。用上最高水準的 East Indian Rosewood，在音色上會讓你大吃一驚！平衡飽滿，更帶有古老結他的個性。
DB Signature最引以為傲的招牌作
由 Dana 親自設計，故命名為其 DB Signature。其三拼色 Herringbone 比起一般更有層次，火紅色的 Koa Wood Binding 帶有極強烈的立體感，屬高辨識度的招牌作，配有 Madagascar Rosewood 作底側，是中階的不二之選。
Soloist OM Cutaway 之父的親生仔
多得 Dana 在八十年代的努力，終於令 OM 重回這個市場上，加上創新的缺角設計，令這個桶型在九十年代起迅即成為結他界的寵兒。Soloist 正正就是代表著 Dana 的這個成就，也是他最不可妥協的型號。Madagascar Rosewood 配上 European spruce，其細節豐富得嚇人，高把位近乎每一格粒感清如水晶，壓場感亦相當驚人。
殘酷二選一！ 一文教你分清玫瑰木同桃花心木?
殘酷二選一！
一文教你分清玫瑰木同桃花心木?
外貌去到音色有啲咩分別呢？
買結他應該點樣揀木材？
前言
唔知大家買結他嘅時候會點樣揀呢？用唔同木材整嘅結他喺外型同音色上都有好大分別，加上面板同側板、背板嘅唔同配搭，每一支結他都可以有獨特嘅音色。玫瑰木同桃花心木都係熱門嘅結他木材，但到底佢哋由外貌去到音色有啲咩分別呢？
玫瑰木（Rosewood）
玫瑰木嘅高頻同低頻比較多，聲音會立體一啲，有空間感。玫瑰木都有好多種類，例如東印度玫瑰木(East Indian Rosewood)，比較稀有就有馬達加斯加玫瑰木（Madagascan Rosewood），而巴西玫瑰木（Brazilian Rosewood）可以講話係神枱級別，因為佢已經被列為禁止砍伐嘅木頭，所以而家比較少結他會用呢種玫瑰木，價錢亦會比較貴。
玫瑰木望落通常係深啡色。
桃花心木（Mahogany）
至於桃花心木就集中喺中頻同中低頻，睇落比較平衡，所以聲音都會比較溫暖，亦都有人會形容佢嘅音色比較Woody，就好似影相加咗美顏Filter咁，有一種朦朧美。好多人都以為 Mahogany 唔係好貴，但其實桃花心木都有一啲係高級嘅，例如大葉桃花心木（Honduran Mahogany）。
紅棕色嘅桃花心木真係復古味十足。
兩種木材喺外型上嘅分別？
除咗音色之外，用呢兩種木材整嘅結他係外型上都有一定嘅分別！首先講下玫瑰木，用玫瑰木製成嘅結他係深啡色多數粗直紋。至於桃花心木多數都係棕紅色或者淺棕色，一般紋理比較幼細，好多人都會因為佢有復古味嘅外形選擇佢！
其實結他嘅音色同審美都好主觀，所以揀結他嘅時候最好都係試上手，再根據自己嘅嘅喜好去揀會比較好。我哋 Funguitar 有唔同牌子同木材嘅結他可以俾大家試彈，包大家一定可以買到自己嘅 dream guitar，只要係ig 預約時間，我哋仲會有 specialist 協助大家揀結他添~
結他小百科 / 買弦線全攻略
買 0.010 定係 0.011?
啲數字到底係咩意思？
結他弦線牌子推介
適合新手嘅弦線又係邊啲？
前言
通常結他新手換線嘅時候都會遇到好多問題，其中一個就係到底弦線應該買幾粗幾幼呢？0.010 定係 0.011? 呢啲數字有咩意思？弦線粗幼彈起上黎又有咩分別？今次等我哋同你一一講解啦！
0.010最易彈？
其實弦線嘅單位係英吋，而市面上大部份嘅弦線粗幼基本上分 4 種，一般都以第一線嘅粗幼去分辨，0.010 係 Extra Light、0.011 係 Custom Light、0.012 係 Light、0.013 係 Medium。所以一般黎講最幼係 0.010（英吋），最粗去到 0.013（英吋）。幼弦對新手嚟講比較容易彈，因為弦線越粗禁起上黎手指要用嘅力都越大～
唔同牌子同粗幼有分別嗎？
當然唔同牌子嘅線都有唔同嘅特性，就拎我哋舖頭有賣嘅，而家比較普遍使用嘅兩隻結他線牌子黎做例子，Elixir 嘅結他線防鏽能力最強，聲音亦非常 signature。而 D‘addario 結他線我地分別有賣 XS 同 XT。XS 嘅防鏽能力更強，聲音較清脆，而 XT 聲音就比較自然。而家美國結他大廠牌 Taylor 都已經全面使用 D‘addario 結他線啦，所以有一定嘅品質保證啦！
至於結他弦線嘅粗幼嚟講呢，弦線越粗音量更扎實飽滿，顆粒感亦會更強，當然手感都會更硬。同細弦相比，粗弦比較耐鏽，同埋冇咁容易斷。不過唔好嘅地方就係，越粗嘅弦線越有可能因為拉力變大令弦距變高，就更加難彈喇～所以新手一般會選擇 0.011 嘅弦線。
Elixir 同 D‘addario 都係比較 popular 嘅結他弦線品牌。
弦線嘅粗幼同彈咩結他有關嗎？
對於一啲有經驗嘅結他手來講，手指有力可以彈比較粗嘅弦線。不過揀弦線嘅時候都要考慮埋琴頸嘅承載能力，全單吉他通常出廠配置會係 0.012 嘅弦線，面單結他多數用0.011，而初階嘅合板吉他多數用 0.010。不過有趣嘅係，有啲旅行吉他因為琴頸短，張力較低，所以可以用 0.012 嘅弦線。呢種結他本身音箱較細，所以本身音量都細，用咗 0.012 嘅弦線，除咗唔會難彈，仲會令其他聲音更加洪厚！
顧客每購買一包弦，我地就會捐10%利潤到環保團體，換線之餘仲可以支持環保～
總括而言，買弦線嘅時候，大家除咗要考慮自己嘅能力之外，仲可以考慮買自己想要嘅音色同埋結他適合嘅弦線。如果都係心大心細，就可以照著原廠設定的弦徑去嘗試唔同品牌嘅弦線，每次更換琴弦都建議檢查埋弦距，我地 Funguitar 門店都有提供專業嘅換弦服務，如果唔知道揀啲咩弦線或者唔識換都可以上嚟搵我地嘅結他 specialist 幫手，我地仲可以將結他調整到合適最適合你嘅手感~
Busking 場地大檢閱 / 香港街頭仲有啲咩地方可以合法 busking？
香港 busking 沒落？宜家有啲咩地方仲可以合法 busking？
細數4個
香港街頭表演場地
前言
街頭係香港 busker 展示音樂才華嘅獨特平台，普羅大眾不但可以自由、開放嘅方式展示自己嘅音樂，仲可以近距離同觀眾互動，豐富城市文化、啟發創意。近年來，香港嘅街頭表演文化蓬勃發展，但係可以俾 busker 表演嘅地方越來越少。不過其實除咗普通街頭表演之外，香港仲有其他地方可以俾大家合法 busking 嘅。小編今日就參考左 Recoroad 上面嘅文章，係本文簡述香港各種多樣化嘅街頭表演場地，等大家想去 busking 有時候都多個選擇！
1. 沙田大會堂
康樂及文化事務署係沙田大會堂廣場推行「開放舞台」計劃，提供免費場地同時段，通過試演嘅表演者可以係戶外展示才華，將藝術融入社區。表演時段會係星期六、日同公眾假期，上晝11點至下晝6點，每節表演時長兩個鐘。街頭表演者可以預約時間，享受免費舞台。呢個計劃為表演者提供展示才華嘅機會，同時豐富社區文化生活，令市民可以係公共場所欣賞到多元嘅藝術表演，共同感受藝術嘅魅力。
地址：香港新界沙田源禾路一號
通常出入沙田大會堂嘅人都係比較鍾意藝術同音樂嘅，所以呢個場地應該會吸引到一班真心中意音樂嘅觀眾！
2. 西九文化區
早前受疫情影響而暫停嘅西九文化區「街頭表演計劃」已經係今年六月恢復接受申請。成功入選嘅街頭表演者將會獲得有效期半年的「街頭表演許可證」，可以預約週末同公眾假期時段係指定區域 busking。呢個計劃除咗為街頭表演者提供展示才華嘅平台，亦為公眾提供與藝術互動嘅機會，令大家可以係假日享受優美海濱環境嘅同時仲可以欣賞精彩嘅街頭表演。
西九文化區嘅人流眾多，而且個 view 真係一流！對住個海 busking 一定非常有feel！
3. 中環街市
中環街市係2020年完成重建，並係2021年重新對外開放。市區重建局同營辦商係中環街市推行街頭表演計劃，為中環街市帶來更多活力，增強區內互動。不過街頭表演者要申請相關嘅表演通行證，同遵守街頭表演指南，以保持中環街市嘅秩序。
地址：香港中環皇后大道中93號及德輔道中80號
中環街市真係好有文化氣息，而且真係好多時候都有人 busking~
4. VESSEL發現號
觀塘繞道下嘅「VESSEL發現號」場地由非牟利機構「藝土民間」負責經營，佢哋希望透過藝術、文化、綠色生活同社區參與，推廣藝術文化、發掘才華，同埋培育共享社區價值。從2022年10月開始，場地餐廳就不定期邀請街頭表演者係發現號02場地演唱。而從今年年初開始，街頭表演環節更增加至每週四和週六，以推動街頭表演文化。
地址：觀塘海濱道126、90及86號
除咗Busking之外，觀塘海濱亦都有人踏滑板，VESSEL 發現號夠晒街頭藝術氣氛！
結語
街頭表演有獨特嘅魅力，可以吸引觀眾嘅目光同參與，並為城市注入活力同魅力。除咗以上所講嘅幾個場地之外，其實旺角街頭都可以合法Busking，不過就需要一啲時間通過申請。中意音樂嘅你，今個假日不妨到上述地點支持街頭表演，可能你會有意外收穫！