結他教室｜「印堂發黑救星」新手錦囊
精神健康關注組 - 「印堂發黑救星」新手錦囊
我係店長哈利，除左賣嘢，日常工作仲包括見等上堂既學生，俾我睇過相嘅人，仲多過彌敦道對面啲睇相佬。接觸過咁多學生，發現有啲人上到嚟真係會雙目無神、印堂發黑嘅狀態，一睇就知佢命不久矣啦，我係話學結他嘅生命。所以呢次就等我同峰弦導師軒 sir 一齊幫你睇下，到底係邊隻怨鬼纏住你啦！
1. 速食鬼：我要一個月之內，彈到XXXXX俾女朋友聽!/ 我三個月之內要學成結他伴奏
如果結他既重要性只係值兩三個月時間，你點會努力？三個月後彈到慘不忍睹，你反而會懷疑自己能力。彈結他同所有嘢都一樣，想彈到，又想彈得好就要認真對待結他，當佢係終身伴侶啦。
2. 是但鬼：彈到咪得，點彈無所謂/跟拍子好難，我彈哂先跟拍子啦
音樂好聽係因為佢嘅細節，拍子準繩度、勾弦角度、力度、左右手配合、指法等等，缺一不可。抱住玩玩下嘅心態，你點會留意到佢哋？但就係呢啲細節決定你彈得好唔好聽。
3. 懶鬼：明白咗，練起上黎會易啲?
學結他理解結他嘅樂理同原理係好重要。但係過份注重理論樂理，有機會會阻礙你嘅進步，因為好多時都係做到咗你就明，而唔係掉返轉。所以唔好理咁多，快啲拎起結他同拍子機啦！
4. 藉口鬼：我呢個星期好忙，無時間練
越無時間，要用最少時間練最多既嘢，練習嘅方法就越重要。如果漫無目的咁練習，次次由頭彈到尾，一嚟會花好多時間，二嚟你練到嘅嘢唔多。試下定個小目標，每次練二至四個小節，五分鐘都練到唔少次，每日練五分鐘，一個月一首，無難度。
知道咗之後，各位想彈得好嘅同學仔就嚟捉纏住自己嘅隻鬼吧！最後，如果你都係唔知自己可以點樣進步，不妨請教下你哋嘅導師，一齊去定一啲清晰嘅目標啦！
結他教室｜「印堂發黑救星」新手錦囊
精神健康關注組 - 「印堂發黑救星」新手錦囊
我係店長哈利，除左賣嘢，日常工作仲包括見等上堂既學生，俾我睇過相嘅人，仲多過彌敦道對面啲睇相佬。接觸過咁多學生，發現有啲人上到嚟真係會雙目無神、印堂發黑嘅狀態，一睇就知佢命不久矣啦，我係話學結他嘅生命。所以呢次就等我同峰弦導師軒 sir 一齊幫你睇下，到底係邊隻怨鬼纏住你啦！
1. 速食鬼：我要一個月之內，彈到XXXXX俾女朋友聽!/ 我三個月之內要學成結他伴奏
如果結他既重要性只係值兩三個月時間，你點會努力？三個月後彈到慘不忍睹，你反而會懷疑自己能力。彈結他同所有嘢都一樣，想彈到，又想彈得好就要認真對待結他，當佢係終身伴侶啦。
2. 是但鬼：彈到咪得，點彈無所謂/跟拍子好難，我彈哂先跟拍子啦
音樂好聽係因為佢嘅細節，拍子準繩度、勾弦角度、力度、左右手配合、指法等等，缺一不可。抱住玩玩下嘅心態，你點會留意到佢哋？但就係呢啲細節決定你彈得好唔好聽。
3. 懶鬼：明白咗，練起上黎會易啲?
學結他理解結他嘅樂理同原理係好重要。但係過份注重理論樂理，有機會會阻礙你嘅進步，因為好多時都係做到咗你就明，而唔係掉返轉。所以唔好理咁多，快啲拎起結他同拍子機啦！
4. 藉口鬼：我呢個星期好忙，無時間練
越無時間，要用最少時間練最多既嘢，練習嘅方法就越重要。如果漫無目的咁練習，次次由頭彈到尾，一嚟會花好多時間，二嚟你練到嘅嘢唔多。試下定個小目標，每次練二至四個小節，五分鐘都練到唔少次，每日練五分鐘，一個月一首，無難度。
知道咗之後，各位想彈得好嘅同學仔就嚟捉纏住自己嘅隻鬼吧！最後，如果你都係唔知自己可以點樣進步，不妨請教下你哋嘅導師，一齊去定一啲清晰嘅目標啦！
Mythbuster｜十個木結他的常見迷思(上)
十個木結他的常見迷思(上)
在練習同教學時都聽過不少「結他界都市傳說」，今集同大家淺談其中三個，希望幫到大家解決心中疑問！
身型較細粒一定要買37吋？｜手感是王道
有時聽到朋友買結他會以「結他幾多吋?」去揀結他。而我既建議係：你估揀電視咩？乖，親身拎上手試左先啦！對結他新手黎講，「手感」係買結他首要考慮！「手感」涉及結他 body、琴頸闊度、弦距等因素。坊間所講既尺寸一般指琴頭最頂點到琴身最底邊的直線距離。事實上，因為結他有不同形狀的桶身設計，如 OM/Dreadnaught/GA ...直接影響右手擺放的舒適度，變相影響正確勾弦的姿勢，所以單憑用「尺寸」決定會墮入陷阱，練習時先發覺「中伏！彈落唔舒服嘅…」
點解成日彈錯弦？｜身型高大先揀D桶？
教學經驗：見過不少身型細小既同學其實拎起正常 size 結他，右手勾弦協調得無問題，反而拎較細的「37吋」結他時右手會不穩定滑向前，引致經常勾錯弦。
個人經驗：以前錯覺係 D 桶好大舊，生得唔高搞唔掂...點知有次拎住黑潮 Full solid D 桶試聲：咦？右手輕鬆喎！
所以眼見未為真，琴身厚度、手枕位等細節都影響手感，都係果句，拎上手試啦！
「電木結他」身世之謎｜究竟係「木結他」定「電結他」？
不少初學結他既朋友都會問咩係「電木結他」，襯呢個機會簡介下: 其實「電木結他」並不屬於一種結他類別，真正身份係木結他，只係額外安裝左 Pickup（拾音器），幫助擴大結他聲，可透過導線將訊號接駁音箱（Amp），就好似你唱歌時，加左枝咪收音咁，適合舞台/街頭表演/錄音等效果。
「電木」外型/演奏技巧依然同木結他一樣，唔好誤會係彈「電結他」呀！無論買古典/鋼線結他，都可加裝 pickup，變成坊間講既「電木」！
Photo from Andertons.co.uk
結他斷弦先需要換弦？｜唔換弦又如何？
「定期換弦」係保養結他最入門法則！當佢屋企床單咁，用耐左有汗漬記得換啦！
弦線的新鮮度/音質由換上第一日開始下降，就算唔彈都會逐漸殘舊，而頻密練習亦會因手汗侵蝕加速生銹，除左影響手感、阻礙手指移動速度等技術問題，舊弦亦有損音色、清晰度、彈性下降引致「痴fret」雜音...
彈幾耐先換弦?｜如何保養？
換弦頻率視乎練習方式。以筆者 Yo 導師為例，雖未必每日練習，但因每次練習時間較長、或使用較多 slide、barred chord，令弦線生銹速度較快，平均每月換一次。建議多嘗試不同種類的結他弦線，以配搭不同歌曲加強演奏特色。如需要錄音，亦建議換新弦以確保較佳音質！
一般建議：每天練習，每月換一次；不經常彈奏的，最好每三個月換一次。
保養 Tips :
1)想維持好音色，換弦時最好一次過換哂整套，避免新舊/不同牌子的弦線混合而損害結他結構。
2)避免結他受陽光及濕度影響，應擺放於結他盒/袋內，內放防潮包保持濕度 45-55 %。
3)如果不經常使用結他，建議鬆掉所有弦線，減低 tension 對琴身的負荷。
希望大家睇完由今日開始好好保養結他，下集繼續拆解各種結他迷思，請密切留意！
Photo from freepik.com
好物分享｜Wyres結他線特色
大師推薦｜升級? 唔洗下下換結他嘅！
客人：店長呀，我平時就成日同人Jam歌嘅，不過我無錢換結他，但係又想佢好聽啲大聲啲，點算好？
嘿，換結他當然爽啦，但係無預算之下，又想upgrade支結他嘅聲音？好簡單姐，換線吧！呢排店長我呢就突登測試咗，指彈大師Pierre Bensusan高度推薦嘅加拿大手工鋼線Wyres。咁依家就等我話你知，佢有乜咁厲害啦！
聲音強化｜強化音色 清脆有力
Wyres手工弦線聲音非常明亮通透，就算係裝係較平價嘅結他一樣可以發揮作用。佢哋採用磷青銅鍍鎳，連鋼線芯都屬於優質等a級。獨家P.T.F.E. (polymer tetra-fluoro-ethylene) coating 技術令佢減少由弦線發出嚟嘅雜音，例如做Slide嘅時候，Wyres就可以減少捽線嘅聲。另外，Wyres嘅鋼線可以提升結他本身聲音嘅質素。佢除咗會增加結他嘅音量之餘，延音性亦會增加。弦線同時仲會提升結他聲音嘅粒感，令音色更清脆有力。特別適合經常需要掃Chord嘅結他手！
手感強化｜絲絨手感 自然順滑
Wyres 鋼線結他弦採用獨家P.T.F.E. (polymer tetra-fluoro-ethylene) 物理包覆（Coating）技術，令表面薄到你唔會感受到佢有隔層嘅感覺之餘，又擁有順滑嘅手感，好似摸緊絲綢咁樣呀！而大家可以放心，佢嘅物理包覆唔係蛇皮，所以唔會隨住時間發生脫落或者嚴重變綠。
耐用強化｜抗氧抗水 耐用度高
雖然佢嘅物理包覆（Coating）偏薄，但係Wyres就利用咗佢哋嘅獨家阻水物料（hydrophobic polymer）做成 P.T.F.E. 潤滑劑，有效減慢氧化速度，同時阻隔油分，酸性同埋手汗。所以，即使你係手汗生成專員，都唔需要怕啦。
Wyres｜升級利器
要知道結他嘅聲音雖然同佢嘅本身嘅質素成正比啦，但係都唔好忽視其他配件嘅重要性，因為你換一樣配件，聲音就會發生變化，咩話？我講咁多你都唔信？咁你就...自己買包試下啦！
*親身到店舖選購結他可享有現金價
*結他售前經儀器精準 Setup ，無痛上手
*度身專業選購意見
歡迎 DM / WhatsApp 66111035查詢
門市地址：彌敦道546－548號旺角大樓12B（油麻地站 A2 出口旁）
結他教室｜如何選購適合嘅弦線
每堂必答｜買乜牌子好？
入門班嘅同學好多時都會問結他線買邊一隻最好？記得我都仲係新手都一樣，入到去十多個牌子，唔同嘅物料，然後又有不同嘅號碼，根本花多眼亂，最好唔好煩，你話比我聽邊隻好我就買邊隻，但係其實都要了解下你鍾意嘅音色同你手上枝結他適唔適合嘅，唔係上錯線都可以好大鑊。講點選購前，我地可以講解一下結他線上嘅包裝資訊，包裝上面一般都會顯示：唔同弦線嘅粗幼、包覆物料，以及係唔係 Coated Wire。呢幾個資訊都係選購時需要考慮的，而我都會逐一詳細講解佢地嘅分別。（咪玩啦！最緊要其實係價錢牌！ ＞_＜）
弦線粗幼｜乜會影響音量架？！
市面上大部份嘅弦線粗幼基本分 4 個等級：Extra Light、Custom Light、Light、Medium，一般都以第一線去區分，0.010為 Extra Light、0.011 為 Custom Light、0.012 為 Light、0.013 為 Medium，而相同既第一線，不同嘅品牌會有不同嘅配搭，以 Elixir 同 Martin 嘅 Light 為例，Elixir 嘅組合係 0.012 0.016 0.024 0.032 0.042 0.053，而 Martin 嘅組合係 0.012 0.016 0.025 0.032 0.042 0.054，所以同一個等級不同嘅牌子都有不同嘅音色，不同弦線嘅粗幼到底點影響結他手感和音色？詳細可以睇返《阿峰扎記 #３｜同學仔，你買啱結他弦未？》
小編自己一直用開 Light，好似彈《月球上的人》我就會揀 Medium，因為每提升一個級別嘅粗幼，弦線嘅 Tension 會提升大概 10 %，音量自然會提升，從而令低音部份較結實，但考慮到結他嘅壽命，平衝手感及音色，Light 一直係我嘅 1st choice。Photo from Themusicworks
鋼材物料1｜知唔知你用緊嘅係咩線呢？
結他線嘅鋼材物料聽得最多就係 80/20 Bronze 同 Phosphor Bronze，其實仲有其他製造物料，分別係 Silk & Steel 同 Nickel Plated，但因為唔算主流，所以市面上都唔易見。咁到底大家又知唔知所指嘅物料係邊 part？ 唔同物料嘅音色又係點？ 講之前先解構弦線嘅結構，大家可以望一望你枝結他嘅三四五六線同一二線嘅分別，一二線結構好簡單，只係一條金屬線，然後再望下三四五六線，佢結構複雜少少，好明顯見到一圈一圈嘅金屬線。其實三四五六線係由金屬線包覆住弦芯，而 80/20 Bronze 同 Phosphor Bronze 就係指呢外面包覆住弦芯呢層，而唔係指整條弦線。80/20 Bronze 指物料由 80% 銅同 20 % 鋅嘅合金組成，顏色偏金色； Phosphor Bronze 則由 92% 銅同 8%嘅磷同錫嘅合金，而呢款因為銅比較多，顏色偏向玫瑰金；Nickel Plated 指銅線表面鍍上一層鎳，所以佢係銀色（鎳咪就係平時鍍係耳環上嘅金屬）；而 Silk & Steel 指鋼線作包覆物料，但與弦芯中間包多一層絲線，都係銀色嘅。
所以快快望下你枝結他用緊咩顏色嘅線，睇埋落去判斷自己到底適唔適合用呢種線（自己當然生哂銹變哂色我就幫你唔到了）。
鋼材物料2｜今次真係識條鐵
作為主修化學嘅結他手，我可以話你聽，不同金屬嘅硬度及延性都係唔同，所以唔同嘅鋼材物料對音色都會有好大嘅影響。Silk & Steel 因為中間夾左一層絲線，所以係咁多種物料當中，佢嘅張力係最低，上面就提到張力同音量嘅關係係成正比，所以音量相對較低，音色同古典結他相似，音色唔太適合做 Strumming 呢類。Nickel Plated 、Phosphor Bronze 及 80/20 Bronze，呢三種線以 80/20 Bronze 嘅音色最明亮，最適合做 Strumming；Nickel Plated 音色最溫暖，用黎彈"小天使"呢類嘅慢歌一定可以將氣氛帶出，但低音力度輸出較低；Phosphor Bronze 剛好係兩者嘅平衡，有溫暖嘅音色同時又平衡到低音嘅力度。總結以上，必需考慮你嘅演奏風格，再決定邊一款弦線最適合自己。
包覆技術｜弦線嘅續命丹
前面提到結他線係由金屬造，細個唔需要讀過 IS （綜合科學）都知道金屬就一定會生銹，結他線都一樣，尤其製造弦線嘅主要金屬－銅。金屬最大嘅敵人係水同氧氣，彈結他一定會出手汗（唔信你望下你掂得最多嘅頭三格），同埋弦線同空氣接觸都會令結他線生銹，所以結他線嘅壽命一般只有兩至三個月（其實最尾兩個星期都係死頂唔換線）。有見及此，好多廠商都會用唔同方法增加壽命，例如鍍其他氧化速度較慢嘅金屬上去、又或者利用一種包覆技術係條線上面做一層薄膜，即係"包膠"。呢個方法係十分聰明，能夠大幅延長結他線嘅壽命，但因為金屬物料改變同薄膜影響弦線振動嘅傳送效率，從而影響音色。雖然會影響音色，絕對係易出手汗用家又或者懶惰用家嘅恩物，所以都深受大眾嘅歡愛，絕大份品牌都都有出呢類 Coated Strings。
睇到呢道一定以為換左 Coated Strings 就保用一世唔需要再換？答案當然唔係！因為呢層 Coating 好薄，太厚就會阻到弦線振動嘅傳送效率，大家一路勾線係會造成表面層 Coating 損耗，空氣都依然有機會接觸弦線令佢氧化，都係要換的（T.T）。
Image from BCA chemistry
總結｜好弦線 = 粗幼 x 物料 x 牌子 x 保護
所以，選擇弦線時，記住呢個口訣："最適合你既弦線＝粗幼X物料X牌子X保護" ，決定手感同音色既平衡去考慮就唔會有錯。最最最重要係大家必需要定期為結他換上新嘅弦線（最離譜聽學生分享佢彈左咁耐無換過線），弦線老化會影響音色，音色同手感變差絕對影響練習質素，老土講句：工欲善其事，必先利其器！
結他伴奏心得｜三首結他伴奏編曲分享(上)
引言
相信彈開結他既朋友，聽歌時如果聽到結他編曲都會特別有興趣。然後發現，點解我上網搵譜彈同原曲爭咁遠既？學識執歌後，終於有能力彈到！下面私家分享3首用結他編曲既歌，同大家剖析下每首歌既編曲重點！
許廷鏗｜你可能未必不喜歡我
呢首係 E 調既編曲，雖然有 4 個 #，chord 睇落會相對難彈，但其實加少少心思，易彈左之餘仲會創造到新既 voicing。而呢首歌既木結他編曲就用左其中一個常用既 idea - 利用 1、2 弦空弦作為 pedal note。例如 I、IV、V、VI minor 都有用到呢個 idea。
過渡之間｜起伏流暢
除左用 chord 外，分明既段落層次都係值得參考既地方。由 intro 到 1st chorus，都係用 fingerpicking 去表達，直到去 bridge 就開始用strumming 去表達，而且有 32 分音符，更能突顯整個段落氣氛。到 2nd chorus，突然轉返 fingerpicking，之後再用 strumming 去帶起最後一次 chorus，整個起伏做得十分流暢。伴奏可以參考我既 cover（https://youtu.be/3xU0WwVry6E）Photo credit to Alfred's Facebook
Bread｜If
跟住落黎介紹一首平淡但非常經典既結他編曲。拍子唔複雜，只用上連續既 8 分音符。但 chord 就十分值得學習。歌曲用 A 調編曲，A 調和 E 調一樣，其中一個慣用手法是利用 1、2 弦空弦作為 pedal note。所以接近整個 A 段的和弦，都有 1、2 弦空弦存在。
伴奏編曲｜利用空弦
而當中高把位 chord shape 配合 1、2 弦空弦，就會帶來新聲音。原因有以下三個：
1. 空弦音不是原和弦的組成音，改變和弦的種類。
2. 原本結他彈 broken chord，慣常會聽到由低音至高音，但利用空弦後，可以由高音去低音再去高音，令聲音脫離結他限制。
3. 空弦音可能和原本的組成音為同一個音，兩個相同音在兩條線上同時發聲，會產生特別的共嗚。最後值得留意的是，A 段和弦除了利用 1、2 弦空弦作為 pedal note，亦用了 5 線空弦作為 Bass pedal note，所以每個和弦轉換的音不多，有種好像有轉，又好像沒有轉 chord 的感覺。
Photo from mentalitch.com
林宥嘉｜我總是一個人在練習一個人
一支 strat 加 clean tone 為主既編曲，加埋林宥嘉把聲，孤獨既氣氛出哂黎。呢個編曲有樣野好值得學，就係編曲唔一定係加野，有時可以諗點減野。聽聽入面既和弦，其實好多時只係彈3粒音，而可能本身個 chord 係有 5 個組成音既。其實唔一定下下都需要㩒曬所有音，反而好似呢首歌咁，只係用色彩最強既音已經足夠。
加或減？｜和弦音的取捨
相似既例子仲有Justin Bieber既 《Love Yourself》同鬼怪OST《Stay With Me》。更何況，結他只有6條弦，如果遇到6個音或以上既和弦，我地都要識取捨，揀比較重要既音出黎，而唔係每次都諗點樣㩒曬。Photo from Yoga Lin Facebook
新品速報｜「黃」家雙妹嘜，點樣二揀一？
Spruce vs Ceder｜小朋友先做選擇 我全都要！！！
唔準諗即刻答：揀另一半，你會揀性格溫柔可人，定係清秀高貴？決定唔到嘅話，Why not both?
講緊嘅係我哋最新抵店嘅 Furch Yellow Series 嘅雙生兒！捷克製造的歐洲頂級品牌，同樣係「黃」家姐妹花，同樣係全實木 Indian Rosewood + OMc Body 嘅格局。唯一分別，就係佢哋嘅性格，事關一支係 Spruce Top 一支係係 Cedar Top！
要講 Spruce vs Cedar 呢個問題真係講足十個 post 都唔夠，小編簡單講下：簡單啲講就係 Spruce 面板偏向白色，聲音就比較響亮同清脆，高頻會比較清徹少少，帶穿透力嘅延伸性，音量大較大，係彈唱掃 Chord 嘅最佳拍擋！而 Cedar 就係偏向泥啡色，就好似太陽咁溫暖～嘅聲音，比較低沈同厚實，中底頻就會比較回彈，同時延音以外向化開嘅效果呈現，彈慢歌嘅 fingerstyle，入口即溶，一聽中毒！
當然女朋友只係可以揀一個，不過你話結他囉喎......
P.S. 你會問，歐洲琴會唔會彈起上黎唔舒服啊？唔怕！港版嘅 Furch 琴頸有別其他國家的規格，琴頸由我們主理人 Long Fung T. 向 Furch 特別訂製，加埋我們嘅 Setup 服務，快啲黎體會下咩叫做極致手感！現貨供應，仲唔快啲約我哋試琴！
銷售資訊｜本地化捷克入口結他
特色：
．捷克制造：頂級横掃歐洲的結他品牌。
．獨家港版規格：和 Furch 度身制定的香港規格，更符合香港人手型的琴頸，獨家香港有售。
．專業微調服務：所有 furch 由我哋親自 setup，所有型號升級為骨下弦枕，極致手感。
．首創保用計劃：兩年內我們會提供兩次免費的換弦服務及一次免費的售後 Setup 服務。
．分期計劃：助你輕鬆擁有，另設驚喜現金優惠，歡迎查詢。
．教學支援：擁有十年經驗的教學部，助你發揮出結他潛能。
[AGA & Gin Lee｜獨一無二 LR Version]
我知我知 靚既野要二㨂一唔係咁簡單！
所以我地將Kinglam和阿永聯手編曲既《獨一無二》分開兩個聲道
戴上左邊耳機聽到既係Furch Yellow series, 用上Spruce面板既吉他, 右邊耳機出既係Cedar面板
等你可以輕鬆地比較到Spruce既甜同埋Cedar既溫暖~
結他教室｜學結他常見嘅卡關位(1-4)
學結他常見嘅卡關位（1-4）
無論你係音樂上嘅新手，想學結他去認識異性同你一樣喜歡音樂嘅朋友，返工返學之餘想培養新興趣，抑或你已經學左結他一段時間，覺得無乜進步嘅朋友，小編係呢篇文嘅上下集入面歸立左一啲自己同學生係學結他過程中，會面對嘅阻礙，同埋一啲過關嘅小貼士同心得，由淺入深，希望幫到大家。
手指好痛，彈唔到落去！｜結他學齡：1個月
誠實地講，呢個過程係每位吉他學習者嘅必經階段。尤其練習slide技巧，隻手指尾好似會俾條線切開咁！但請相信我，持續練習大概三個月至半年，手指頭就會自然起繭，再彈奏歌曲就會舒服非常多！第二，你手上嘅結他會唔會弦距過高? 弦距過高時，你需要使用更大嘅力量去按線。如果唔確定你結他嘅狀況，請搵專業人士檢查同setup你嘅結他。
我轉Chord好慢，我係唔係無天份？！｜結他學齡：3個月
多數初學者尤其係自學者係轉Chord嘅時候會逐隻手指按係指板上面，咁樣會非常慢，而且仲會影響你既節奏。如果你係youtube上面，用0.5倍速，播放結他手轉chord時嘅動作，你會發現轉chord應該係所有手指同時提起、同時按下。我地創辦人阿峰稱這技巧為「倒模理論」，意思係將chord嘅形狀，練成一個個「模」(肌肉記憶)咁印落去。峰弦峰語係頭兩個月嘅入門班，已經有根據呢個原理而制定的課程同練習，等學生可以打好基本功。
Photo form PxHere
Barred chord 點㩒都唔實，隻手好攰啊！｜結他學齡：半年
Barred chord係其中一個初學者最大嘅障礙！但亦有啲方法可以令你更容易，按好Barred chord。但首先，結他係咪弦距適中? 弦距過高，就要用更大力先可以將Barred chord按好。如果係結他問題，就要快啲搵專業人士檢查，調整。以下係幾個按好Barred chord嘅技巧：
如果你練習後發現凹痕係在食指正面，就要改正手指角度，要用食指側邊bar。
因為Barred chord時嘅第一、二線比較難按好，所以你可以稍微移動食指，利用食指第二個關節嘅指側，按實第一、二線。 按Barred chord時，姆指只係輔助，用力嘅地方其實係靠左手踭靠近身體，然後向後收。同時，配合右手夾住吉他身。 同Open chord唔同，Barred chord係唔同嘅格數會有些微分別。而且，五線或六線Bass嘅Barred chord係獨立嘅。所以練習時，你幾乎要當不同位置嘅Barred chord係一個新嘅和弦，唔同嘅「模」練習。 Photo from PxHere
練極都彈得唔好聽｜結他學齡：半年
有啲初學者，可能已經學左一段時間，彈過了一定數量嘅譜，但係彈得再多，總係覺得自己彈得唔夠好聽。如果只係能夠依譜彈奏，其實並不足夠。要讓你嘅結他彈出好聽既音樂，其實有幾個細節要留意。
節奏感，留意一下你彈嘅歌係4/4、6/8或其他拍子。當你彈奏(無論係掃chord或係fingerstyle)時，要強調重拍嘅地方例如第1、3拍，放輕2、4拍，而且要跟隨不同嘅段落嘅起伏，製造動力及節奏感。 尤其係彈奏fingerstyle時候，留意你左右手有無過早或過晚，接觸或離開弦線，令你嘅旋律斷斷續續。 好多學生彈錯時，會突然停低，再重彈。彈奏時，請專注於你想表達嘅音色、旋律、下一個和弦等。如果彈錯，唔好怕，跟住節拍，繼續彈，保持歌曲的連貫性，流暢嘅表達。 記得呢句說話：好嘅音樂唔係有幾難彈，而係對於細節嘅完成度有幾高！ Photo from PxHere
以上係四個係初學者好快就會面對既難關，同少少心得。下一篇會講下一啲中階學生會面對既困難。
測評｜Bourgeois Soloist 到底有咩咁神？
用家角度｜BOURGEOIS SOLOIST 到底有咩咁神？
最詳盡的 SOLOIST 中文測評
BOURGEOIS SOLOIST｜用家角度的真實測評
半年後，因為要彈 "紅蓮華"，終於有時間和這支簽名琴相處一下。
Soloist 對很多人來說都是傳說，往往只聞樓梯響，網上資源亦不多。於我成立峰弦峰語十周年之日，有幸成為其中一支的主人，也足以稱為此生無悔。作為為數不多的用家，我有責任將這份心意傳承下去，讓大家一睹他的真面目。
穿越三十年的型號｜名副其實親生仔
甚麼是 Soloist ? 讓我們回到時間 1988 年。於美國經濟大蕭條之際，Dana 和他的拍擋 Eric 向當時的 Martin Guitars 提議重造一批二戰前的復古型號 OM，並且加入當時來說設計非常大膽的 Cutaway。結果幾年後這個設計風行全球，
Soloist，具體來說是一支怎樣的琴？如果你打開 Bourgeois 官網發現，原來 Soloist 不像我們所想，有固定的木材配搭。當然，除了一樣的基本裝飾，
意外的考驗｜和 Soloist 初次邂逅
記得上次旅程其中一個任務，就是打造一支屬於自己的 Bourgeois 。星期五早上，我和 Dana 以及 James (Sales Manager）在 office 閒聊，Dana 提出想認真聽我彈一次。雖然邀請突然其來，
"It sounds great on you." 最後 Dana 如是說。他指住 Soloist 分析："Soloist 制作核心，最重要是細節 (details) 和清晰度 (clarity)，是弦與弦間，珩與珩間的平衡，做 voicing 的時候必須加入這個想法。你在演奏風格和很多人不一樣，你很會用盡整個指板，Soloist 的全面性會讓你有更無後顧之憂，有更好的發揮。" James 也補充，Soloist 的分析力是幾乎其他型號沒有的。要知道，一支分析力高的結他，意味著能帶出多種層次，
度身訂造｜每一格音色都注滿骨膠原
接下來大概是我結他生涯中其中一個最難忘的時刻：Dana 陪我一起揀木，研究設計！
大家如果留意到，紅蓮華的 Tuning 是 AAEF#BE。你沒看錯，是真的把六弦的 E 降到 A 了，一般結他降到這個張力，不要說聲音好，
後記｜最後，到底誰才真的 Soloist？
從來結他，越高把位（有效弦距短）聲音越啞，越後越明顯（所以很多結他的超高把位可用程度甚低）。而 Soloist 彷如坐擁違反物理角度的黑科技，高把位盡如平地，無論音色和力量都和低把位無異。記得這支琴抵港那一天，日本殿堂級 Pickup 大師 M-factory 的三好先生也在香港作客。他如此評價過 Soloist："能到達這個層次的日本制結他，大概不足 5%。"當然日本結他也盡皆精品，只是三好先生這句話，強如他見識廣博，也對 Soloist 讚嘆不已。
回到主題，說到底，Soloist 是甚麼？如果要形容 Soloist 是一支結他，我更認為 Soloist 是一個靈魂，一分執著。
