林家謙 時光倒流一句話|結他 FINGERSTYLE

時光倒流一句話|如果我有超能力...

林家謙近期一首新歌,旋律第一次聽已感到一種淡然的悲傷,加上Wyman的詞,將意境再昇華了。心裡不禁也想起一些往事,或許 . 這首歌的旋律跳動很大,尤其是副歌,編曲和彈奏上是須花上不少心思,音域亦闊得能用盡整支結他!

必須先說明,這個編曲真的非常考驗結他本身的質素,要由open string 彈到第15格,已經是對intonation 一大考驗(結他本身是imperfect的樂器,最簡單去測試intonation就是比較按著12格時的音高和第12格Natural Harmonic的音高)。

不幸的是,我在彈這首歌時才發現這支琴G弦的intonation問題…??? 所以調音上其實稍微將G弦tune 高了一點點,以抵消在12格後的問題(代價是彈低把位是會聽到G弦有稍微sharp了一點) .

這首歌是有寫譜的,技巧難度不高,但手指編排和靈活性是一大挑戰。這份樂譜即將會放在.Pro裡,有興趣的朋友可以留意一下!

Wing C.

峰弦峰語 Recording Producer ,兼最"拆得"及俾人減肥最多次嘅導師,喜歡寫歌彈結他,對好多不同樂器有興趣但無演奏能力,一見到錄音器材雙眼發光。

林家謙|時光倒流一句話

Guitar
Tuning
String
Interface
Compressor
Pre-amp
Pick-up

Custom Model
EADGBE
Wyres Medium Gauge
Universal Audio Apollo Twin X
ART Pro VLA II
WarmAudio WA273
L.R. Baggs Lyrics

Share

陳凱詠 x 林家謙 隔離Duet Ver.|結他 Fingerstyle Duet

《隔離》Fingerstyle Duet|究竟你係隔離,定係被隔離果個呢?

《隔離 Duet Ver.》陳凱詠 林家謙 Guitar Fingerstyle Duet Cover
Arrangement by WING CHENG
Played by WING CHENG, MICHELLE TAN
Recording by WING CHENG
Video by SING WONG

WING: 一首近期爆紅嘅廣東歌,加埋林家謙嘅Duet 版本更係另有一番風味,一個被隔離與另一個被隔離嘅故事,相信對很多人嚟講都好有共鳴⋯⋯究竟我係隔離,定係被隔離果個呢?
今次都嚟一個雙結他Fingerstyle Duet,編曲嘅時候有一個諗法係想加入一點「MK味」,想有一種十幾年前「好好戀愛」嘅感覺。比起上次編嘅《獨一無二》,今次明顯兩個聲部都難度不算高,想表達嘅情感亦不同,好適合搵個朋友仔一齊挑戰下!
最後,十分感謝Michelle唔知頭唔知路就應承同我一齊完成呢個Fingerstyle Duet!lol

MICHELLE: 「如果你不幸被隔離,沮喪過後,不如留意下有冇一直係你隔籬嘅人?」 十分榮幸得到永sir嘅邀請,完成我人生第一個fingerstyle duet。
第一次試聽demo就已經覺得好好聽,尤其係bridge嘅arrangement。雖然自己學左三年,但覺得係彈結他方面仍然有不足嘅地方,多謝永sir全程carry,由平日練習去到錄音室,
一直俾好多意見同改善方法我,又抽好多上堂前嘅時間同我一齊練習,先彈出令大家都滿意嘅作品。仲要多謝專業嘅陞導演係拍攝期間的幫忙,為呢個作品添上色彩。
希望大家疫情期間聽到呢首隔離,會繼續留意同支持值得聽嘅廣東歌作品!

Wing C.

峰弦峰語 Recording Producer ,兼最"拆得"及俾人減肥最多次嘅導師,喜歡寫歌彈結他,對好多不同樂器有興趣但無演奏能力,一見到錄音器材雙眼發光。

陳凱詠 林家謙《隔離 Duet Ver.》

Guitar
Interface
Mic-Pre
Compressor
Mic

Eredar ET18N-GA | Eredar ET10N-GA
Universal Audio Apollo X16
Neve 1073 EQ
API 2500
Neumann U87

Share

久石讓 海の見える街|Guitar Fingerstyle

海の見える街|《魔女宅急便》主題曲

《海の見える街》久石 譲 《魔女宅急便》
Kiki’s Delivery Service Sound Track
Arrangement by WING CHENG
Played by WING CHENG
Recording by WING CHENG
Video by SING WONG

其中一部耳熟能詳的宮崎駿電影歌曲,說起來真慚愧,其實我還沒有看過《魔女宅急便》⋯⋯
不過卻經常聽到這首音樂,有天突然想起,於是就把它編成Fingerstyle了。

Wing C.

峰弦峰語 Recording Producer ,兼最"拆得"及俾人減肥最多次嘅導師,喜歡寫歌彈結他,對好多不同樂器有興趣但無演奏能力,一見到錄音器材雙眼發光。

久石讓|海の見える街

Guitar
Tuning
String
Interface
Compressor
Pre-amp
Pick-up

Custom Model
EADGBE
Wyres Medium Gauge
Universal Audio Apollo Twin X
ART Pro VLA II
WarmAudio WA273
L.R. Baggs Lyrics

Share

學生錄音系列 - 第三集|Agnes, Pong

[童話|by Agnes]


Agnes:
《童話》應該可以當選2000年代最耳熟能詳的十大華語流行曲之一,雖然咁講,係錄音前其實我都反覆聽咗好多次,最後發現要彈好一首歌,除咗練好點彈,更重要係理解每一句甚至每一個音應該以點樣嘅音色同情緒表達出嚟,而往往你認為自己已經好熟悉嘅歌,當身份從聽眾變成演繹者嘅時候,原來仍然有好多地方值得一聽再聽。 多謝軒sir同永sir俾機會我參與呢個project同悉心指導? 第一次拎住枝結他入錄音室嘅心情係緊張緊張加緊張,但係同時又好享受可以專心戴住耳機聽自己彈出嚟嘅每一個音嘅空間,希望下次可以掉低緊張大師,帶住更純熟同細膩嘅技術同表達返嚟再戰。
—————————————————————-
Guitar: Furch Green G-SM
Interface: Universal Audio Apollo X16
Mic-pre: Neve 1073 EQ
Compressor: API 2500
Mic: Neumann U87

[生命的名字|by Pong]


Pong:
難得可以到專業o既錄音室,專登揀左一隻相對簡單又有把握o既歌。? 回想3年幾之前上youtube聽到峰弦峰語導師彈結他既片段,之後就膽粗粗去報名?。好多野都係三分鐘熱度o既我,當時抱住玩玩試試o既心態,一玩就幾年……幾年來克服到好多困難,彈完一首又一首學校o既作品,係一個滿足感加動力令我堅持落去。?? 首先多謝永sir 3年時間將我呢張白紙帶到另一個階段,我真係學到好多,第2年係我感覺到自己最有明顯o既進步o既時候,雖然中間有多野kick住好失落,你都幫我克服o左唔少(請受小弟一拜?‍♂️)!亦多謝晒錄音果陣監場o既軒sir, 仲有用左一整個下午幫我揀支新琴,左整右整既Harry…仲有多謝阿峰,我知道之後要學o既成座山咁高,希望我可以一直咁keep住進步。。接下來o既日子請多多指教???

—————————————————————-
Guitar: Furch Orange OMc-SW
Interface: Universal Audio Apollo X16
Mic-pre: Neve 1073 EQ
Compressor: API 2500
Mic: Neumann U87


江熚生|蝸牛

蝸牛|《蝸牛的後知後覺》

「為何未懂得相愛這耐力賽 為何未察覺到你每一秒忍耐」 在每一段關係中,最遺憾的事莫過於「後知後覺」,有些事情沒有及時回應,可能就不再有機會回應了… 這首還有A.K. 和Ian 的合唱版,推薦大家去聽聽!

Wing C.

峰弦峰語 Recording Producer ,兼最"拆得"及俾人減肥最多次嘅導師,喜歡寫歌彈結他,對好多不同樂器有興趣但無演奏能力,一見到錄音器材雙眼發光。

江熚生|蝸牛

Guitar

Interface
Compressor
Pre-amp
Pick-up

Custom Model (Lutz Spruce & Madagascar Rosewood)
Universal Audio Apollo Twin X
ART Pro VLA II
WarmAudio WA273
L.R. Baggs Lyrics

Share

陳卓賢|鯨落

鯨落|墮入最深最冷處 為世界遺留一點養份

「鯨落入大海只有冷仍綻放 寂靜在暗淵漸降」
.
巨鯨落,萬物生。鯨魚因體型龐大,死亡後身體足以為海洋提供整個生態環境,這是鯨魚生命中對海洋最後的一點貢獻。死亡或許不是結束,而是生命的傳承。這首是Ian 一首自行包辦曲詞的作品,非常值得一聽!
.
Played by WING CHENG
Recording by LOK, JACKY
Video by SING WONG

Wing C.

峰弦峰語 Recording Producer ,兼最"拆得"及俾人減肥最多次嘅導師,喜歡寫歌彈結他,對好多不同樂器有興趣但無演奏能力,一見到錄音器材雙眼發光。

陳卓賢|鯨落

Guitar
Interface
Mic-Pre
Compressor
Mic

黑潮 HeiChao M-58 Mangowood
Universal Audio Apollo X16
Neve 1073 EQ
API 2500
Neumann U87

Share

學生錄音系列 - 第二集|Sammi, Cindy, Kenneth

[Always with me|by Sammi]


Sammi:
首歌唔難但要彈得好真係唔容易。喺練習方面,因為收到譜到錄音都隔一個月,所以一定要日日練?
呢次機會好難得,因為平日真係唔會咁清晰咁聽到自己彈出黎嘅嘢係點嘅。呢個係一個好好嘅機會去真正明白自己彈結他嗰陣嘅壞習慣 and thank you again for this opportunity?

——————————————
Guitar: 黑潮 AD-M18 | Sitka & Taiwan Koa
Interface: Universal Audio Apollo X16
Mic-pre: Neve 1073 EQ
Compressor: API 2500
Mic: Neumann U87

[失落沙洲|by Cindy]


Cindy:
學左吉他兩年,第一次去studio錄fingerstyle,好玩!新奇!有趣!又學到野!??有機會既話想去多次?~ 今次彈既呢首歌唔難,但要留意好多拍子同Dynamics既位,錄之前真係要好好準備,效果會更好。同平時屋企練唔同,係studio你會發現,彈得好既地方同平時既衰習慣都會放大左,更加清楚自己有咩不足之餘,都知道有咩地方可以發揮得更好。 多謝我師父呀永(@chwingmusic)揾我join呢個project!???

—————————–
Guitar: Red Pure OMc-LC | Alpine Spruce & Cocobolo
Interface: Universal Audio Apollo X16
Mic-pre: Neve 1073 EQ
Compressor: API 2500
Mic: Neumann U87

[世上只有|by Kenneth]


Kenneth:
喺峰弦學左結他兩年幾,由初初未接觸過fingerstyle到而家好鐘意彈fingerstyle。喺到亦都彈過好多編得好好聽嘅歌,發現有好多經典嘅舊歌或者一啲我本身好少聽嘅廣東歌用fingerstyle演繹出黎原來都可以好好聽,好有感覺!
講番今次世上只有呢首歌,左手撳嘅野唔算話難,主要都係要好好控制右手彈出黎嘅音色。最後多謝永sir揾我錄呢首歌?
祝大家母親節快樂?

Guitar: Furch Green G-SM | Sitka & Mahogany
Interface: Universal Audio Apollo X16
Mic-pre: Neve 1073 EQ
Compressor: API 2500
Mic: Neumann U87


和田光司 Butter-Fly |結他Fingerstyle

《數碼暴龍Digimon》主題曲 Butter-fly by 和田光司 Wada Kouji

「遇怪魔 我即刻變大個
遇見高手痛快得多
一激起我就有火 盡快盡快辨勝負
亦不必想再拖」

相信【數碼暴龍】(台灣: 【數碼寶貝】)對於80、90後來說一點都不會陌生,這套動畫除了配上熱血沸騰的主題曲外,還教懂我們「勇氣,友情,愛心,誠實,知識,光明,希望,純真」八大元素。在成長階段中,我們每個都夢想著自己是「被選中的孩子」,對世界滿懷希望,每天談論著夢想。

八大元素,我們都曾經擁有過。可到今天,你還剩下多少個?

熱血過後,還是要面對現實。成長了,才明白夢想不一定可以實現。我們不再是「被選中的孩子」,這次,我們學會了選擇自己的人生。

《Last Evolution絆》的上映,正好讓20年後的我們,暫時變回當年「被選中的孩子」。

這次的編曲使用了DADGAD tuning,也是用了專為DADGAD而設計的Wyres 弦線。編曲風格也不是走熱血路線,而是想以柔情、細膩的方式表達「被選中的孩子」20年後的心境,旋律高低八度的切換也像是太一跟亞古獸的對話。編曲的時候,一路彈著也不禁回想起20年前的勇氣與夢想,概歎20年後剩下的不安與焦慮。即使如此,我們還是會不停向前的,大概這就是成長吧?

最後,附上日本原版中副歌的一句歌詞:「願我們能始終懷抱無限大的夢想,穿越冷酷無情的世界。」

—————————————————————————————
Guitar: 黑潮 HeiChao M-58 Mangowood
Interface: Focusrite Clarett 8Pre
Compressor: ART Pro VLA II
Pre-amp: M-Factory PM-50 & WarmAudio WA273
Pick-up: K&K Pure mini


測評|首試 Heichao 黑潮芒果木 AD M-58

鋒芒的外觀|初次與黑潮會面

前排Post左幾首Fingerstyle,包括《悄悄告訴你》、《但願人長久》,相信大家已留意到手上呢枝《黑潮》結他 — Custom Series 中的M58芒果木型號。一枝 $10000-$15000 嘅結他我地較常見嘅背側板配置都會係桃花芯木或玫瑰木,究竟呢把「南美芒果木」又有咩特別呢?

先講下,點解呢支琴會去到我手上先。事緣係,本身我有支琴係平時出show用,但用落一排發覺Dreadnought真係唔適合自己,所以最後平讓左俾個學生,而同時我又要搵返一支「替代品」(補充一下,呢支M58絕對係一個大upgrade)。有一日,阿峰突然搵我話嚟左批新琴,覺得會啱我,所以就叫我上去試下。果日係我面前嘅,一支就係呢支M58 ,另一支係MOM-X1 (改良OM全單桃花芯背側)。

本來我目標係搵一把7000左近嘅,所以係試左MOM-X1先嘅。一打開琴盒,支琴亮黑嘅噴漆真係反哂光,靚到不得了,再仔細睇,會發現成支琴都有條紅線binding圍繞住,包括指板,係好感覺到果種對手工嘅用心。欣賞完佢嘅外觀,拎上手彈,還好,聲音絕對對得住7000左近呢個價位,不過不失。音量比起Kepma同級系列會細少少,但對我而言唔係問題,因為呢支琴係預左裝pickup,出show用嘅,所以本身靚仔已經加左分!

對決|芒果木的驚喜

既然一場嚟到,無理由唔試埋另一支嘅,於是又打開盒,意料之內嘅靚仔亮黑、精細手工,反轉一睇⋯⋯哇老細,金黃色、浮誇嘅木紋,原來芒果木嘅真身係咁嘅樣,我都係果刻先知。一拎上手,隨意彈左粒A音,有啲愕然,當下覺得個聲好「彈」,唔似一般結他嘅聲。淺彈多一陣,好特別,同一首歌但佢仿似帶左另一種味道出嚟。而坦白講,呢支比起MOM-X1更好聽,於是就出事了⋯⋯當下,我陷入左一個選擇困難嘅情景⋯⋯

果晚返屋企諗左晚,理性分析下其實偏向MOM-X1 ,主要考量係Budget。不過試完M58真係有啲念念不忘,佢嘅聲音確實有種個人特色,而且背側板亦好靚,不過佢嘅價錢,更加「靚」,直頭out budget⋯⋯攪到我忍唔住,2點幾都whatsapp阿峰去傾。當然,最後結果就大家都一早「劇透」左啦。第二日,我就上返阿峰度攞佢走,阿峰亦同我一齊調整下支琴,磨fret,setup等,調整到最適合我嘅手感。話說呢支雖然係Dreadnought,但明顯比平常Dreadnough細一個碼,所以我係覺得彈落舒服嘅。

呢個決定主要係我真係對呢把琴特別嘅聲音抵受唔到誘惑,不過背後仲有一個小故事可以分享下。話說從阿峰口中所知,呢支M58原身係一支Signature Model,係製琴師造過俾一位songwriter,其後呢位songwriter同呢支琴寫左首歌嚟講佢。而我自己亦作為一位songwriter,相信我絕對配得起呢支琴!⋯⋯umm,最多挨一排麵包,或者食少啲囉⋯⋯

Anyways,最近我有一首為一位金門好友寫嘅歌曲《再次遇見》,亦用左M58錄製當中嘅Rhythm Guitar部分,呢首歌亦係我第一首真正上架到各大平台嘅歌。

好慶幸我無因為Budget而放棄左呢支M58 ,甚至老套啲講,知道左支琴嘅小故事後,我覺得同佢相遇係命中註定。

芒果木簡介|中頻有力、反應好快、溫暖中帶點甜

我地先認識一下「芒果木」呢種木頭:與桃花芯木一樣,芒果木係歸類為「硬木」,所謂「硬木」即是一般密度較高及較硬實。而芒果木屬於當中比較軟嘅木頭,硬得嚟又唔重,主要產地係東南亞地區,內裡嘅木紋多數較不規則,顏色偏啡中帶金,亦有時會係較淺色嘅橙黃色,甚至好彩嘅話,會帶一點綠色,真係好似一個芒果一樣。佢嘅木紋同顏色夾埋一齊其實非常靚!加上佢作為硬木中相對較軟嘅木頭,較容易切割,而且防水性高,所以好多人會用嚟製造傢私,甚至係雕塑品。當然,亦唔少得會用嚟做樂器啦,包括結他,Ukulele,甚至係小提琴都會用到芒果木!

呢種木頭嘅聲音特性又係點呢?佢嘅聲音同相思木嘅特性有啲似:中頻有力、反應好快、溫暖中帶點甜,雖然仍唔及玫瑰木果種低沈,飽和嘅甜,但高頻會比玫瑰木更清晰。而芒果木同相思木嘅分別,就係佢高頻表現會更清脆,整體聲音亦較乾,同玫瑰木果種迴正正相反。總括嚟講,佢嘅低、中、高頻表現屬於較平衡。不過網上亦有人提及,芒果木嘅聲音好與壞好睇塊木頭嘅硬度,若果唔夠硬,出嚟嘅聲會大打折扣!

清澈而厚實|聲音特色淺析

介紹咗芒果木咁耐,相信大家最關心,其實都係呢枝結他嘅聲音究竟係點!係我第一次攞上手彈時,我覺得枝琴嘅聲音同一般玫瑰木比,係佢每粒音都好有彈性,好有粒感,Attack time 相對的確係較短,反應好快。延音則較玫瑰木短,真係「嚟得快,散得快」,雖然不及玫瑰木咁迴,但正正因為咁而好適合掃chord,唔會出現果種浪嚟浪去嘅混濁。低頻力度平平,可能因為D桶形嘅關係,卻又帶返一點溫暖,彌補左力度不夠厚實嘅弱點。中頻嚟講係非常突出,會聽到一、二、三弦嘅低把位旋律係非常 outstanding,好適合以 fingerstyle 彈奏一啲簡單嘅小品。至於高頻,力度明顯無中頻咁多,但亦唔會覺得佢笠咗水,依然保留到一種清脆,又唔會覺得好尖嘅聲音。

順便做下植入式廣告,大家可以去聽返呢首《悄悄告訴你》去聽下佢嘅表現,正正係走勻晒低、中、高把位。

總結

呢支琴,果然無令我失望,佢係錄音室嘅表現好好,喺監聽耳機聽住都覺得好舒服,錄完出嚟佢嘅特性更加明顯,更加好聽!連當日嘅錄音師都話,聽得出呢支琴同平時聽開嘅結他有唔同。一支琴究竟幾有料,其實入到錄音室真係呃唔到人,因為平時我地身處地方唔同,房間acoustic唔同,同一支琴聽到嘅聲都會有啲分別(例如房間如果較空洞,會聽到迴音都大啲,低頻會多啲,等等)。但係專業錄音室,一定係最「乾淨」,係好聲就係好聲,衰聲也會更衰聲XD。

總括而言,呢枝琴絕對係一支 all rounded 嘅琴,掃 chord 暖和、清澈;Fingerstyle 旋律顆粒重、高頻乾淨。對於我嚟講,時不時會接一啲表演,或者朋友邀請一齊夾下歌,呢枝琴係一枝絕配,基本上可以應付到幾乎所有嘅場合。而且,枝琴嘅外形真係型到爆,有次去屯門大會堂表演,好多人都 focus 咗喺佢鋼琴黑咁特別嘅外表,無發現過我彈錯野。


范瑋琪 悄悄告訴你|結他 Fingerstyle

悄悄告訴你|有些人,在心底從來沒忘記過

「有些人 在心底從來沒忘記
有些事 有些夢 還找不到謎底」

一首歌曲,把這五、六年前的電影情節回憶起來了。一次意外,雖然避過了鬼門關,醒來卻發現世界已變得不一樣;本來記憶中過著幸福生活,一醒來發現與好友反目、被同事厭惡、連深愛的人也與自己離婚了。原來,一次意外,把五年的記憶都奪走了,只剩下最甜蜜、最快樂的記憶。

故事就圍繞著女主角在重新找回這五年發生過的事當中,從前與前夫之間的誤會一塊一塊的揭露出來,才知道原來即使事情發展到如此糟透的地步後,其實彼此依然深愛著對方。彼此真誠的道歉、理解,決定讓這段感情重新開始。可惜,最後迎來的,並沒有什麼幸福快樂,只有催人熱淚的悲傷結局⋯⋯

大概因為一次失憶,才發現⋯⋯有些人,在心底從來沒忘記過。

這次用了我的這把新伙伴黑潮Custom Model M-58(南美芒果木背側),第一次聽說這支台灣品牌時,已經覺得這全黑的外形好帥,很適合帶著演出用。本來是打算要便宜一點的全單系列,不過這把琴一試,就覺得聲音好特別!

Wing C.

峰弦峰語 Recording Producer ,兼最"拆得"及俾人減肥最多次嘅導師,喜歡寫歌彈結他,對好多不同樂器有興趣但無演奏能力,一見到錄音器材雙眼發光。

范瑋琪 悄悄告訴你

Guitar
Mic/PU
Mic-Pre
Compressor
Interface

黑潮 Heichao Custom Model M-58
Neumann U87
Universal Audio 4-710D
API 2500
Universal Audio Apollo X16

Share