結他教室|學結他常見嘅卡關位(5-7)

學結他常見嘅卡關位(5-7)

如果你已經克服《學結他常見嘅卡關位()提過既四個難關,恭喜你,你已經脫離新手初學者嘅階段!睇返呢四個關於技術原因而卡難嘅解決方法。今次就黎到中篇,會傾下一啲進階啲既初學者所面對嘅問題。

Photo by Andrew Ly on Unsplash

 

樂理好難啊!|結他學齡:半年

你知道樂理很重要,但又好怕去學,覺得麻煩同悶? 但無學樂理,你彈嘅只係結他;學左樂理,先算係玩音樂嘅開始!你有無咁嘅經驗?剛背完譜一個月後,只記得一半,三個月後就完全忘記啦。這情況好似背書一樣,無理解過句子嘅意思,當然會背得痛苦。樂理,其實係音樂上嘅文法同語法,無注意樂理,又點彈出好東西呢?所以,我地既課程會隨着學生的技術既進度加入所需要嘅樂理知識,目的是令到每個學生最終都有能力編到有質素嘅結他Fingerstyle。你想唔想有一日可以唔洗睇譜彈奏?想唔想試下編一首自己鐘意、坊間又無譜既歌?如果想,就要好好對待樂理。

Photo by Jeswin Thomas on Unsplash

我仲有咩可以學?|結他學齡:九個月

基本技巧,已經練得唔錯,拎到份樂譜可以彈得似模似樣,但係可能會有種空虛感,呢種空虛可能係缺乏清晰嘅學習方向。音樂,甚至結他都係一個好大嘅世界,一定有更多技術和知識你可以學。要有心理準備,你投入嘅時間和努力會比之前更多,但亦會得到更大嘅滿足感!! 

你有兩個大方向可以去學習。
一、樂理:音程、大小調、五度圈、和弦理論、其他音樂風格等。學習樂理同時,其實都訓練你耳朵和對音樂嘅敏感度。練耳由拍子開始,拍子>旋律>音程>和弦等,全都離不開對樂理嘅認識。在結他上應用樂理嘅知識,例如:音程係結他上係點表達嘅,不同調嘅旋律會在哪裡找到,一啲特別嘅和弦進行套用在不同調上可以點彈,如何為和弦增加extension等。
二、你可以向更高深嘅技術發展。percussion技巧,可以係彈奏和弦和旋律嘅同時,加入㪣擊節奏。同一支樂器可以同時做到Percussion和彈奏效果,只有木結他可以做到,亦係木結他近二十年來最多人研究嘅技巧。可以多學習幾位出名嘅木結他手包括Andy Mckey、押尾光太朗、松井祐貴、鄭晟河等Percussion結他嘅好手。

Photo by marianne bos on Unsplash

支結他唔好聽喎!|結他學齡:一年

好既技術同好既結他比,一定係追求好既技術優先。但係有一支唔好聽嘅結他,你每天嘅練習係磨練;好聽嘅結他,你每天嘅練習就係享受。所以對自己好少少,買一支好㩒,又鐘意既結他,都係一種好既動力黎架。而且你係結他上面嘅投資其實係同你要學好結他嘅決心係成正比嘅,想像下如果你未來五年都會每日彈結他,你當然想佢音色好啦,如果當結他係你終身伴侣,就更加不用多講。而跟據我地哈利店長報告,我地嘅學生係買結他嘅時候會比坊間嘅客人預算會較高,第一當然係因為佢地既決心。第二就係因為一支音色好嘅結他會誠實地反映你嘅功力,音色既掌控,有無多餘嘅動作發出怪聲。好嘅結他就可以如實反映呢d細節,對你嘅技術會有好大嘅提升!

結他=伴侣|揀一支最配合你嘅好結他

好嘅結他首先要有良好嘅共鳴。木結他結構有三個等級,分別係全夾板、面單(solid top)和全單(full solid)結他。當中,全單板結他嘅共鳴係最好嘅。但唔代表全單板共鳴,就一定比面單結他好,經過精確調音嘅面單結他,會比無好好調音嘅全單結他音質來得更好。由音量、延音長度、聲音分離度等可以判斷結他嘅共鳴。有足夠嘅共鳴,就可以發揮木材原本嘅聲音。有啲木材會比較puchy,例如:cocobolopauduk,較柔和嘅有rosewoodwalnut,聲音更清澈。結他嘅聲音,就好似唔同嘅個性,要配合你自己嘅個性、使用習慣。擁有一支心愛嘅結他,絕對會增加你每天練習嘅動力!

今次就講埋一啲進階初學者會面對嘅難關,其實學結他卡關位都講得7788啦,「吓!?中篇咋喎?咁快講完,小編趕收工啊?!」um...我諗如果你已經解決咗以上既難關,已經證明咗結他對你黎講一定好重要,你需要嘅係時間嘅沉澱同磨練,小編都係努力中,就唔俾更多意見啦。而下篇會提到一啲屬於心態同個人原因嘅難關,純屬分享,有興趣嘅朋友可以期待一下。我地下一篇再見~

Photo by Daria Shevtsova from Pexels

 


結他教室|學結他常見嘅卡關位(1-4)

學結他常見嘅卡關位(1-4)

無論你係音樂上嘅新手,想學結他去認識異性同你一樣喜歡音樂嘅朋友,返工返學之餘想培養新興趣,抑或你已經學左結他一段時間,覺得無乜進步嘅朋友,小編係呢篇文嘅上下集入面歸立左一啲自己同學生係學結他過程中,會面對嘅阻礙,同埋一啲過關嘅小貼士同心得,由淺入深,希望幫到大家。

Photo from PxHere

手指好痛,彈唔到落去!|結他學齡:1個月

誠實地講,呢個過程係每位吉他學習者嘅必經階段。尤其練習slide技巧,隻手指尾好似會俾條線切開咁!但請相信我,持續練習大概三個月至半年,手指頭就會自然起繭,再彈奏歌曲就會舒服非常多!第二,你手上嘅結他會唔會弦距過高? 弦距過高時,你需要使用更大嘅力量去按線。如果唔確定你結他嘅狀況,請搵專業人士檢查同setup你嘅結他。

Photo from PxHere

我轉Chord好慢,我係唔係無天份?!|結他學齡:3個月

多數初學者尤其係自學者係轉Chord嘅時候會逐隻手指按係指板上面,咁樣會非常慢,而且仲會影響你既節奏。如果你係youtube上面,用0.5倍速,播放結他手轉chord時嘅動作,你會發現轉chord應該係所有手指同時提起、同時按下。我地創辦人阿峰稱這技巧為「倒模理論」,意思係將chord嘅形狀,練成一個個「模」(肌肉記憶)咁印落去。峰弦峰語係頭兩個月嘅入門班,已經有根據呢個原理而制定的課程同練習,等學生可以打好基本功。

Photo by Khan Fahad form PxHere

Barred chord 點㩒都唔實,隻手好攰啊!|結他學齡:半年

Barred chord係其中一個初學者最大嘅障礙!但亦有啲方法可以令你更容易,按好Barred chord。但首先,結他係咪弦距適中? 弦距過高,就要用更大力先可以將Barred chord按好。如果係結他問題,就要快啲搵專業人士檢查,調整。以下係幾個按好Barred chord嘅技巧:

  • 如果你練習後發現凹痕係在食指正面,就要改正手指角度,要用食指側邊bar
  • 因為Barred chord時嘅第一、二線比較難按好,所以你可以稍微移動食指,利用食指第二個關節嘅指側,按實第一、二線。
  • Barred chord時,姆指只係輔助,用力嘅地方其實係靠左手踭靠近身體,然後向後收。同時,配合右手夾住吉他身。
  • Open chord唔同,Barred chord係唔同嘅格數會有些微分別。而且,五線或六線BassBarred chord係獨立嘅。所以練習時,你幾乎要當不同位置嘅Barred chord係一個新嘅和弦,唔同嘅「模」練習。

Photo from PxHere

練極都彈得唔好聽|結他學齡:半年

有啲初學者,可能已經學左一段時間,彈過了一定數量嘅譜,但係彈得再多,總係覺得自己彈得唔夠好聽。如果只係能夠依譜彈奏,其實並不足夠。要讓你嘅結他彈出好聽既音樂,其實有幾個細節要留意。

  • 節奏感,留意一下你彈嘅歌係4/46/8或其他拍子。當你彈奏(無論係掃chord或係fingerstyle)時,要強調重拍嘅地方例如第13拍,放輕24拍,而且要跟隨不同嘅段落嘅起伏,製造動力及節奏感。
  • 尤其係彈奏fingerstyle時候,留意你左右手有無過早或過晚,接觸或離開弦線,令你嘅旋律斷斷續續。
  • 好多學生彈錯時,會突然停低,再重彈。彈奏時,請專注於你想表達嘅音色、旋律、下一個和弦等。如果彈錯,唔好怕,跟住節拍,繼續彈,保持歌曲的連貫性,流暢嘅表達。
  • 記得呢句說話:好嘅音樂唔係有幾難彈,而係對於細節嘅完成度有幾高!

Photo from PxHere

以上係四個係初學者好快就會面對既難關,同少少心得。下一篇會講下一啲中階學生會面對既困難。

Photo by form PxHere

 

 


消息|心繫澳洲 God Bless Australia

我們心繫香港,同樣心繫澳洲。當世界為我們發聲,作為香港人亦應該關心世界。

經過所有全體導師同意,峰弦峰語決定略盡綿力,捐出十二月份的其中一天總收入(約四千元港幣),分別捐給負責救火的消防機構及救助樹熊工作。在此我感謝每位導師的熱心。同樣亦希望大家可以盡一分力。捐款以外,亦請大家支持環保,並好好愛惜手上的結他,不要浪費每一棵珍貴的樹的第二生命。

峰弦峰語創辦人及總監
Long Fung Tam


林俊傑 江南|結他 Fingerstyle

江南|殉情並不只是一個故事

「風到這裡就是黏 黏住過客的思念 // 雨到了這裡纏成線 纏著我們流連人世間。」

雨,把風和思念都黏住了。江南歌詞背後的故事眾說紛紜,可能是一個求愛不遂的心碎情節,亦有人說這是一個靈異的故事。而我在彈奏這首歌的時候就想像着這些感受和畫面。

一個老邁的伯伯每天每年地看着湖水上一圈一圈的漣漪和他的老伴溫柔的臉。有一天他的老伴離他以去。他曾經以為愛情只在乎一刻的快樂,沒有想到當離別來到時候心像碎了的痛,連時間都被思念凍結了,然後他忽然明白到殉情並不只是一個故事。

仿如敲鐘的聲音|淺談Furch Yellow Plus G-SP

講講今次我用的結他,是Furch Yellow系列結他Yellow Plus SP,AAA級Sitka spruce面板加上paduak底側板。

先說外型,這支結他用上Furch的獨有的polish技術,令面板和底側板好像玻璃般反光。簡約的圈型指板鑲嵌設計和綠鮑魚貝殼Rosette,簡單之中十分精細,加上Binding用上有近似木紋的Koa,令面板至側板有由淺至深的漸變層次。雖然沒有浮誇和搶眼的外型,但這支結他的每個設計都十分融合而且細緻。

聲音上,我手上這一支yellow在音色平衡上做得非常出色,彈奏不同把位和弦線音色都十分一致。低音沒有以sinker redwood為面板的結他的低音沉和迴,但這支yellow的優點在於他的低音恰如其分,沒有過於突出,但十分厚實。中音及高音屬於偏暖,我會用敲鐘的聲音比如這支結他的音色。因為偏暖的音色,加上以paduak 作為底側板,令結他十分responsive和punchy,有如敲鐘或手鈴的聲音。而我對這支結他的評價這麼高的原因在於他對音色的調味恰到好處,而且沒有哪一個把位的表現特別突出,所以在彈奏上可以做到隨心所欲,想要温柔時可以甜,想激昂時可以有爆炸力。

Maxwell L.

FUNGUITAR ELITE

本來有著峰弦峰語高富帥導師嘅稱號,不過自從唔小心鐘意咗 Bourgeois 之後,就再冇咗中間果個字。

林俊傑 江南

Guitar
Strings
Tuning
Mic/PU
Mic-Pre
Interface

Furch Yellow Plus G-SP
Pyramid
E G D G B E
WarmAudio WA87
WarmAudio WA273
Focusrite Clarett 8Pre

Share