December 1, 2022

如果有一日我黎到彩虹橋接你你會唔會仲認得我?


林家謙 / 記得Guitar Fingerstyle [Tab]

LONG FUNG TAM

FUNGUITAR 創辦人及總監
香港指彈結他 Guitar Fingerstylist
個人 YouTube 頻道累計五百萬點擊率

Click Here For Guitar Tab

Fingerstyle Arrangement / Long Fung Tam
Text / Long Fung Tam
Guitar / Dowina Guitars Padauk GAc-ds
Tab / funguitar.pro

呢首歌,我係特登彈黎送俾一位學生,希望佢嘅小狗 Dolly 可以係彩虹橋嘅另一端,從此無痛苦咁樣生活落去。以我所知其實 Dolly 一直都好鐘意聽住佢彈結他。或者結他聲,都可以係令佢喺最後嘅時光得到慰藉。

早幾日都係 ig 問過大家一個問題:如果你可以同已經離開咗嘅小動物講一說話,你會想講啲咩?其中一個朋友嘅回應比較深刻嘅係,咁我就將呢一段 voice message 轉返做文字,希望借住呢首歌可以幫你轉達你嘅說話:

「由你半歲開始黎到我哋身邊,到早一排你離開咗。我哋全家都仲未好適應,每當走近門口,好似仲會聽到你嗚嗚叫我哋;落床嘅時候仲會覺得你會撲上黎;甚至你飲水隻碗我哋都未收走。

初頭以為你只係少少唔舒服,直到後來隨住你出入醫院嘅日子多咗,我先知道原來你就黎唔得了。望住你連最鐘意食嘅零食都提唔起心機。我都好心痛,忍唔住喊咗好多次,唯有喺你最後嘅日子用晒我全部時間黎陪你,用盡力去珍惜同你一齊嘅每個時刻。你仲記唔記得有一日我同你講話,我唔使返工啦,我哋日日去遊車河啦?跟住我哋去均好多你最鐘意嘅公園玩。我淨係想你知道,今生今世,你都係我囝囝。

你畢業生活愉快嗎?嗰邊有冇狗狗蝦你?如果有一日,我黎到彩虹橋接你,你會唔會仲認得我?」

請記得 誰有停留過請記得 曾有一份愛存在請記得留住感覺過渡在人海我記得 熾熱曾盛放

Click Here For Guitar Tab
LONG FUNG TAM

FUNGUITAR 創辦人及總監
香港指彈結他 Guitar Fingerstylist
個人 YouTube 頻道累計五百萬點擊率