飛女正傳 楊千嬅 Guitar Fingerstyle

好吧,我承認我係俾 100毛 的畀女飛正傳洗左腦的,因為個廣告真係好入腦,首歌係腦入面 loop 左幾日,最後決定彈佢出黎。

趁仲有得改詞就好改,趁仲有得彈就好彈。諗起最近熱哄哄嘅 23 條,相當感慨,有幾句說話,不得不發。

係香港想做個簡簡單單輕輕鬆鬆嘅普通人,真係好難。高官們可唔可以代入我地諗下,改歌詞,改圖,彈結他 Cover 都好,玩野背後,亦都係我地呢一代減壓最有效嘅方法,即係咁,你禁左就好多人冇心機返工,因為朝九晚五嘅背後,呢個亦都係好多人惟一逃離現實嘅降落傘。望住香港患精神病人數屢創新高,你班高官唔好笑,覺得唔關你事,因為你有份造成的。

你今日接受到先立法後檢討,咁你以後接唔接受到先判監後審案先?

不過當佢地連”串流 vs下載” “網上直播打機片”都唔知係咩,你憑咩旨意佢地會明白?為民請命?有好多人真係當一份工咁返架咋(或者工唔返,糧照出,會唔開,錢收足,你懂的)

友站 覺醒配音組 Awakening Dubbing 講得好,你唔想咁多人惡搞,你做好啲咪自然冇人惡搞你囉,能夠用呢個本末倒置嘅做法,佢地應該唔係冇用腦,而係佢地根本知道,我地一定冇得反抗。

最後,香港人,係呢刻你有冇 “世界將我包圍” 嘅感覺?