《不要不要假設佢知道》

《不要不要假設佢知道》
Words & Music by Long Fung Tam

單車,對很多人黎講,唔止係其中一種的交通工具。比起載人,單車載住更多嘅回憶。而陳奕迅嘅單車,載住你同埋爸爸嘅回憶。

六年前仲讀緊大學嗰陣,有一次為左應付《陳奕迅系列》呢個 Project ,好倉促咁彈了一遍,係 2014 年五月,我再聽一次,不過今次就想起了,童年時爸爸教我踩單車嘅經過,嗰段跌跌碰碰,都有爸爸扶著嘅日子。

借助改篇的部份,我希望由我手彈出來的單車,不只是單純的複製,箇中還能帶住回憶嘅味道。

實在太多人呢排問呢份譜,故重推。事隔三年決定出一份普及版嘅譜,照舊將份譜簡化成初學者版本,level 3 頭咋(YouTube 原版 Level 6)!一學應該好多上手。不要不要假設佢知道,放膽啲,彈出黎俾佢聽下啦!

下載連結:

http://www.funguitar.com.hk/%E9%99%B3%E5%A5%95%E8%BF%85-%E3…

PS. 見唔到間奏結尾唔使勞氣嘅,彈完個簡單版 send 黎聽下啦,我成份寄俾你。


《布甸狗和鬆馳熊的秘密 -盧冠廷 陪著你走》

布甸狗和鬆馳熊的秘密 -盧冠廷 陪著你走 fingerstyle》
Words & by Long Fung Tam
Guitar Arranged by Long Fung Tam
YouTube: https://youtu.be/8_EqkN-mM2s

關於呢首歌,我諗大家都會即時諗起 Signal Wong 冧死女自彈自唱果一幕啦,今日我同大家分享一個特別少少的。

身邊有個朋友,好鐘意影相,只係佢從來都唔 selfie。無論影啲咩野,每一張相嘅中央,都係兩隻布甸狗同埋鬆馳熊嘅公仔。朋友間其實都好奇,但係佢每次都會話「貪得意,搞下笑」啫,冇咩特別。

有一日我地成班去食飯,當我朋友去左廁所嘅時候,有條友唔識個死字點寫,私下摷我朋友個袋拎果兩隻野出黎玩。大家傳來傳去,結果手一鬆,果兩隻公仔跌左落一碗咖哩入面。大家即刻 “哦” 一聲,果條友仔都仲未知衰,仲話:「哎也,呢兩隻野跌左落屎坑啊。」又係嘅,我朋友係唔識得嬲,好玩得果種人,其實可能好少事。

你估我朋友返到黎有咩反應?陪大家一齊笑?係咁易話果條友兩句?定係屈佢請食飯?

估唔到唔緊要,因為我都估唔到:我朋友,二話不說一巴星埋去果條友都度,然後執埋野自己走左。

呢單野之後,佢幾乎冇再出現係我地嘅圈子。咁都難怪嘅,果一巴之後,果條友塊面足足腫左兩日。其實反面都係正常,我當時都冇咩特別覺得可惜,但我一直好好奇:點解為左呢兩隻公仔,一個平日好玩得嘅好好小姐為突然變左另一個人?呢個問題成為我「青春時期頭十大秘密」。

之後我都仲有同佢個別 keep 住聯絡,好快又見到佢帶住果兩隻公仔去旅行,去玩,日日如是。只係佢當時反應太激烈,我連提都唔敢提。好多年後佢結婚了,播兒時片段嘅時候閃過一張相,解開左呢個十幾年嘅秘密。

呢張合照,屬於佢同埋佢從未曝光嘅家姐嘅。大概兩人只有四五歲,家姐嘅頭髮全掉了,坐喺醫院嘅病床上。當時兩人手上拎住嘅,正是布甸狗同埋鬆馳熊。

家姐,這份心意,你有收到嗎?

陪着你走 一生一世也不分
天天編出兩雙足印
過千山過千海

如果 走到這世界邊端
我倆已是無力前行
跟我一起飛去

=======
後記

其實我係冇睇開套劇嘅,只係一日間有三個學生都同我講想彈呢首歌我先知的;其實諗住彈個極度簡單一星 C 調版,只係不知不覺,又隨心而彈了。最後一個間題,會寫譜嗎?我盡力~


《讓孩子知道,拳頭真正的價值》

《讓孩子知道,拳頭真正的價值》
Words & Music by Long Fung Tam

有兩個讀緊小學嘅男仔,因為係學校打交,俾老師記左大過。

第一個男仔返到屋企,佢媽媽二話不說拎起左個鐵衣架,打返佢一鑊,呢位媽媽當然冇暴力傾向,只係佢覺得:你做錯,我就要打你,打到你記得,打到你唔敢。

第二個男仔返到屋企,佢媽媽都係一樣,二話不說拎起左個鐵衣架。誰不知媽媽原來唔係打佢,而係想打得三四歲大嘅細妹。呢個媽媽話:”你做錯,就由細妹代你罰。阿妹,你伸隻手出黎!”

眼見妹妹精靈可愛,眼仔碌碌,隻手掌仔先得咁細隻,又點受得起個鐵衣架呢?呢個男仔咬一咬牙就話:”係我係學校打交,打就打我啦。”然後擋係阿妹面前,伸出右手,一臉以死如歸。過左一陣,呢位媽媽放低左個衣架,然後淡淡講左一句:

“咁你好好記住,你嘅拳頭,唔係用黎欺負弱者,而係用黎保護妹妹。”

其實兩位媽媽都錫自己的孩子,只係第二位,讓孩子有挺身而出認錯的勇氣,更重要是知道拳頭真正的價值。

無人可 如她一般地愛
雨或晴 累了亦未離開
當世上什麼都能改 永遠不改的是愛
看這道大門仍為我打開 無私疼愛

可能大家未必知道,其實我係大學嘅 Major 係 Psychology & Counseling。記得果陣,有一個學期選修了遊戲治療,有份功課係要陪啲幾歲大嘅小朋友玩玩具,同佢地傾計,了解下佢地嘅家庭觀。係呢度只係分享一個小經驗:各位父母,可能你地都知道好多男仔都好鐘意玩超人,但唔知你地又知唔知,其實佢地會將超人投射成為你的影子,你係佢地嘅救星,希望。

不要在讓自己在孩子心目中,由超人變成了怪獸。

=-=-=-=-=-=--=-=-=-=-=
喜歡的朋友,記得訂閱我的頻道啊!
Subscribe my YouTube if you Like it!

Instagram: tamlongfung
YouTube : http://www.youtube.com/fungfungky
Website : http://www.funguitar.com.hk


《那一年我彈過的化蝶》

故事要由五年前,我係大學三年級時講起。

由大學三年級開始,一直對自己的要求很高,特別在編曲時間方面。每有新劇,一定會等到凌晨一點 mytv, 聽完主題曲就要一小時內編好,然後通宵達旦地趕制,務求在十二小時內出街,三日內寫完譜。

這樣做,快是很快,訓練耳朵也很有幫助,但亦很傷神。偶爾趕實習趕 present, 還要用健康睡眠來交換。最大的問題是,作品越見沉悶。不是歌曲的問題,而是在一小時內強迫自己聽熟然後編曲的作品,根本就投放不到感情,聽起來也沒甚味道。

一直到畢業兩年後,驚覺有一首中學時期很喜歡的歌成為了 tvb 劇集的片尾曲,男版也唱得很投入很有氣氛。那天我興致勃勃花了半小時不到就編了第一個完整版本出來。然後,我已經想放棄了,因為-

我發覺,根本就不是我想要的東西。

但難得再遇上這首中學時期必唱的 k歌,我同自己和身邊的人說,一定不可以交行貨!第二天我下了決心:不管用多久,也不再理點擊率,我一定要把它編成我心中的感覺,彈出那份情緒起伏才會出街!

結果,我花了差不多十天。

十天期間,晚上教班後,差不多每晚錄音至天亮才睡,足足錄了一百二十多個 take. 最後一 take 時,感覺到掌心微徵顫動,我知道終結一刻來了。接下來那幾分鐘,就是大家在 YouTube 看到的幾分鐘。但劇集也差不多大結局了,除了固有聽眾外。我以為已經不會有人看了,

但你看到了

你不止看到,還幫我分享,為我留下兩句打氣的說話,讓我那十天的努力都值了。三年後,有幸用峰弦峰語教室,成為你演唱會其中一間的贊助商。

當日有你的小小鼓勵
今日我又點可以唔支持返你呢?

感謝你
化蝶 作曲者,原唱者
HOCC


《今日,你扔左對繡花鞋未?》

陳展鵬 & 胡定欣 – 從未知道你最好 結他 Fingerstyle 城寨英雄 片尾曲

 

陳展鵬 & 胡定欣 – 從未知道你最好 結他 Fingerstyle 城寨英雄 片尾曲

《今日,你扔左對繡花鞋未?》
Words & Music by Long Fung Tam呢套劇,越睇越肉緊。本身諗住睇完《一屋老友記》就修心養性去捉 Pokemon,點知睇睇下中埋毒一份,冥冥中似乎我啟暴龍只能停留係 CP637,睇黎都係天意。點解好睇?功夫劇拍得咁認真,一定要睇啦;袁偉豪爆晒肌陳展鵬成身油咁,一定要睇啦;花曼咁妝成個春麗 cosplay 咁,一定要睇啦;仲有,拳佬扔左對繡花鞋果幕,識睇嘅你都一定要睇。果晚講到拳佬知道佢女神刁蘭好迷對繡花鞋,於是不惜上山下海傾家蕩產,去到最貴果間舖買,最後仲要俾人湯到一頸血,連搭船返城寨嘅錢都冇。諗住用左咁多心機,科左咁多水,唔理女神鐘唔鐘意都表左白送左先講啦?點知當拳佬送果陣佢先知道,原來刁蘭要果對要另一個男人送先得嘅,佢果下即刻收埋扮冇事,轉頭就將對對貴價縷花鞋,就咁扔上棵樹(你冇睇錯,繡花鞋黎啫,小朋友買完對 Redwing 唔鐘意千祈唔好學)。嗱我知你地點諗架,你地梗笑佢廢青宅男懦弱冇Guts 啦。嗱,其實拳佬果一下係想話俾你聽一個好重要嘅道理:做人嘅野,呢一刻唔係屬於你嘅野,就要係最適合嘅時間放手。

放手係一門學問,決定好重要,但 Timing 都好重要。放早左,就算人地唔笑你三分鐘熱度,你連自己都交代唔到;放遲左,死纏爛打神憎鬼厭,連朋友都做唔成。放得及時,係最冇傷害性嘅情況下走人,華麗轉身,摶唔到兩滴眼淚,都會摶到兩下掌聲,起碼人地冇揀到你都唔會覺得你樣衰,只會覺得你型。

做咩都好,付出左幾多自己知就算啦,如果下下都用黎計返有幾多收穫,你會好痛苦的話。忍痛扔左佢,話唔埋你可以好似拳佬,最後摶到埋運氣,呢一刻錯過嘅野將來先至有機會再屬於你。

講到呢度我自己都好似明明地,再見了啟暴龍,我都係將你還返俾博士啦。

後記:錄音果陣揀左魚絲,本來係想感覺靜靜地的,但凌晨兩點嘅星期六晚實在太太太大雨啦,既然避唔到雜音,咁我惟有錄埋佢入去啦,忠實還原返實景俾你地。

=-=-=-=-=-=--=-=-=-=-=
喜歡的朋友,記得訂閱我的頻道啊!
Subscribe my YouTube if you Like it!

Instagram: tamlongfung
YouTube : http://www.youtube.com/fungfungky
Website : http://www.funguitar.com.hk


吳業坤 - 陽光點的歌 結他 Fingerstyle by Long Fung Tam

=-=-=-=-=-=--=-=-=-=-=
喜歡的朋友,記得訂閱我的頻道啊!
Subscribe my YouTube if you Like it!

Instagram: tamlongfung
Fanspage: http://www.facebook.com/funguitar
Website : http://www.funguitar.com.hk

陽光點的歌

作詞:陳詠謙 作曲:吳業坤 / Cousin Fung
編:Edward Chan / Cousin Fung @emp
監:Edward Chan
你要許願嗎 青春眼睛
心裡有熱情 這裡有共鳴
再錯都有人聆聽
微風吹 任得你 更率性

滿肚理想嗎 別人罵你不清醒
你越要 更大聲 我呼應

I say one two three four
You say one two three four
這是陽光點的歌 這是微風點的歌
紀念曾經這麼青春過

I say one two three four
You say one two three four
以後危險這麼多 以後難關這麼多
慶幸曾經這麼天真過 至少你跟我

世界複雜到 不敢細數
開網絡地圖 不見有命途
照顧好禮儀談吐
微風吹 沒幾句 我知道

怕我老幾歲 便無力這麼風騷
痛著笑 笑著哭 到蒼老

I say one two three four
You say one two three four
這是陽光點的歌 這是微風點的歌
紀念曾經這麼青春過

I say one two three four
You say one two three four
以後危險這麼多 以後難關這麼多
慶幸曾經這麼天真過 記得最初

大城埋沒我的聲線 得你豎了你耳朵
也因此我吶喊 不敢怠慢 歲月無多

I say one two three four
You say one two three four
唱著無拘束的歌 唱著無修飾的歌
紀念曾經這麼青春過

I say one two three four
You say one two three four
要是危險這麼多 要是難關這麼多
慶幸曾經這麼簡單過 至少你跟我


周杰倫 - 紅塵客棧 Guitar Fingerstyle 《淺談中國風:由周禮到周杰倫》

周杰倫 – 紅塵客棧 Guitar Fingerstyle

《淺談中國風:由周禮到周杰倫》
Words & Music by Long Fung Tam中國風其實也蠻容易辨認的,除左會有中樂作為背景,最重要就係 “無法無天”(無f無t),也就是使用五聲音階,Pentatonic Scale。最早出在《周禮。春宮》
簡譜:1,2,3,5,6
唱名:d,r,m,s,l
中樂:宮,商,角,徵,羽
為甚麼呢?說起來,就要從古時中國人學音樂說起了。
《三分損益法》:
小弟不才,翻譯一下:古人以敲竹為樂,但是怎樣去得知竹的長度要多長,才能找到自己想要的音呢?
原來在春秋時,已有一套較科學的方法計算了:
就是先以一跟長度單位為 81 的竹作為“宮”音 (d), 減去三份一後,81-27=54,也就是“商”音(r) ,
再用商的長度為準則,加上1/3,也就是 54+18=72,得出“角”音(m),
再用角的長度為準則,減去1/3,也就是 72-24=48, 得出“徵”音(s),
最後,再用徵的長度為準則,加去1/3,也就是 48+16=64,得出“羽”(l),
如此,你只要集齊這五根長度不一的竹管(81,72,64,.54,48),就能學古人一樣敲竹為樂了。
而家當中因為這五個音的來源,又產生了不少的故事啊。
現在來說,只要運用d, r, m, s, l 這五個音得宜,你也能創作一首有點中國風的歌呢!
大家聽聽,在紅塵客棧,還是青花瓷中,也就是這樣的。
在學結他的朋友要留意了,下一則說說怎樣活用這個規則流行曲上吧。————————————————————————————-
後記:
很美的旋律,很美的歌詞,很棒的周式中國風啊。
當初很喜歡的周杰倫曲式,終於回來了。
忍不住就錄了,感謝作客的 Walter 作導演了。
原 KEY C,不過後來彈奏時選了E, 在結他編曲的觀點上找了一個平衡點。=-=-=-=-=-=--=-=-=-=-=
喜歡的朋友,記得訂閱我的頻道啊!
Subscribe my YouTube if you Like it!

Instagram: tamlongfung
YouTube : http://www.youtube.com/fungfungky
Website : http://www.funguitar.com.hk


《香港人,係呢刻你有冇 "世界將我包圍" 嘅感覺?》飛女正傳 楊千嬅 Guitar Fingerstyle

飛女正傳 楊千嬅 Guitar Fingerstyle

好吧,我承認我係俾 100毛 的畀女飛正傳洗左腦的,因為個廣告真係好入腦,首歌係腦入面 loop 左幾日,最後決定彈佢出黎。

趁仲有得改詞就好改,趁仲有得彈就好彈。諗起最近熱哄哄嘅 23 條,相當感慨,有幾句說話,不得不發。

係香港想做個簡簡單單輕輕鬆鬆嘅普通人,真係好難。高官們可唔可以代入我地諗下,改歌詞,改圖,彈結他 Cover 都好,玩野背後,亦都係我地呢一代減壓最有效嘅方法,即係咁,你禁左就好多人冇心機返工,因為朝九晚五嘅背後,呢個亦都係好多人惟一逃離現實嘅降落傘。望住香港患精神病人數屢創新高,你班高官唔好笑,覺得唔關你事,因為你有份造成的。

你今日接受到先立法後檢討,咁你以後接唔接受到先判監後審案先?

不過當佢地連”串流 vs下載” “網上直播打機片”都唔知係咩,你憑咩旨意佢地會明白?為民請命?有好多人真係當一份工咁返架咋(或者工唔返,糧照出,會唔開,錢收足,你懂的)

友站 覺醒配音組 Awakening Dubbing 講得好,你唔想咁多人惡搞,你做好啲咪自然冇人惡搞你囉,能夠用呢個本末倒置嘅做法,佢地應該唔係冇用腦,而係佢地根本知道,我地一定冇得反抗。

最後,香港人,係呢刻你有冇 “世界將我包圍” 嘅感覺?


笨如我,亦想繼續。黃又南《給王家欣》Guitar Fingerstyle

面對廣東話日漸萎縮的市場,大家有沒有好好盡力支持一下本地的電影市場?
《王家欣》不只是一套電影。
《王家欣》,是一個信念。
不知大家有否共鳴,但作為香港的Fingerstyle 先驅者,看罷我覺得很有感覺。

究竟由幾時開始,”冇可能”變左係你嘅口頭禪?
由幾時開始,已經聽慣人地一頭冷水淋落黎?

世界這是這樣,不是常規的事情,否定一定比肯定多,掌聲一定比噓聲少。
因為,否定,太容易了。
你不能改變世界,只少,你可以改變自己。
你需要的,是逆世界而行的勇氣。
你所做的,也無需向他人證明,
你所做的,是向自己證明,你不是一個容易放棄的人。

世人眼中,這樣,笨得很,
不過,笨如我,亦想繼續。