三大重點教你揀中你征服琴海嘅拍檔！

話說上一期講到，點樣先可以很高效咁樣練結他。今日我哋講另一個更令人感興趣嘅 Topic，點樣揀結他。

初學者黎講，其實揀一支合心水嘅木結他係非常緊要。往往好多同學仔可能先決條件只係睇外表（Well…其實都好合理係咪？），但如果你冇留意佢嘅內涵，同埋你本身嘅性格同埋習慣，咁後果唔係講笑的。有幾嚴重？有可能會加深咗你個練習嘅負擔，亦都有可能會弱化咗你本身對學結他嘅意志力。簡單啲講，本身結他就已經係好容易令人三分鐘熱度嘅事情，而揀錯琴分分鐘會令你更容易放棄。

作為 Funguitar Store 嘅 Director，無論係學結他嘅新手或客人都見很多，下面我就簡單集合咗一啲買第一支結他嘅心得，希望對大家有用啦！

第一件事係，你到底想買一支咩結構嘅木結他？事關唔同結構，就會有唔同聲音，甚至耐用程度（當然 Budget 都會有要求上嘅分別啦），我哋先講下咩叫 Solid Top 同埋 Full Solid。

面單木結他又叫做 Solid Top，除了面單是實木外，背面和側面都係由複合木板組成，價錢比較實惠，一般都屬於入門結他嘅種類，較適合預限有限，或心態上未明朗的入門玩家（起碼如果自問真係三分鐘熱度，個 cost 會冇咁大？）用料上，由於 Solid Top 屬於較入門的種類， 所以有幾會使用的原料上的抗性一般較弱（抗性係指，結他弦造成嘅一百多磅拉力，同面板，梁架，琴頭及琴頸的負荷能力），長期使用下手感未必如 Full Solid 穩定。音色上亦如是，音量基本上還是很夠的，不過就要留意音色上可能未必有太多變化，簡單啲講就係支琴未必很有性木格。

而單板木結他又叫 Full Solid。全支結他由實心木板組成，力量傳送功率係 Solid Top 結他無法媲美的，因此聲音比較洪亮，共鳴亦較好，音色更是比起 Solid Top 豐富不少，長期彈奏開聲後音色更會越來越醇厚，結他價錢一般會比 Solid Top 更高，適合專業樂手，或認真追求進步的學結他初學者。而值得一提，全實木結他嘅面板及底板配置，選擇一般都會比較豐富，多元化啲，音色上會更易同你嘅耳仔匹配。

呢一支 Full Solid 出品自北美四大手工琴之一，Bourgeois Guitars。

咁買結他，又係咪女仔就應該要買幾多幾多寸呢？（順帶一提，其實買幾多幾多寸呢個講法，根本係唔重要，大家千祈唔係太受某寶大型購物網站影響，其實外國冇人買結他會留意個結他幾多寸㗎），相反我哋講桶型 Body

桶型又叫做Body，常見的桶型由大到小分別有 Dreadnought (D)，Grand Auditorium (GA) 及 Orchestra Model (OM)。簡單講少少歷史啦，三款黎計出現時間最早的是 Dreadnought （1916），命名係取自一艘戰艦；及後亦有 Orchestra Model 出現，設計目的就係希望結他可以打入上流社會，而平衡音色都有助在樂團同其他樂器搵一個 Balance；最後就係兩者之間嘅 GA，雖然最遲出世，但可以話係目前最普遍，最受歡迎。

Body 越大一般低音更深，音場更闊，例如 Dreadnought 非常適合掃 chord，因為低音會很好地墊著學結他彈唱嘅初學者；而小 Body 一般音色更集中，各個聲音頻段更平衡，例如 OM 就十分適合 Fingerstyle，因為每一段嘅音色都可以有接近音量，當彈奏聲部編曲較豐富的作品，更容易聽出細節，表現亦更分明。 而 GA 就集兩家之長，適合希望結他全能型嘅用家。

Body 的選擇除了音色以外，跟用家本身的身材，例如高度，手臂長度及掌心大小有一定關係，注意買結他時最好親身試彈，確保上手不會太辛苦，能讓結他初學者更好持之以恆地練習。

左邊為 OM Cutaway，右邊為 GA Cutaway。